Македонија
Демократското движење: Новата учебна година со низа стари проблеми
Новата учебна година во државата нема да биде иста со претходната учебна година, напротив, ќе биде полоша и со повеќе недостатоци, велат од Демократското движење.
Оценуваат дека поради неуспешните политики на надлежното министерство, особено на ДУИ, албанското образование продолжува да се урива и да се деградира во трагични размери.
„И оваа година, како што е најавено, ќе имаме намалување на бројот на ученици Албанци во основното училишите, тоа е заради масовното заминување на албанските семејства надвор од државата за да можат да обезбедат подобри животни услови. Овој факт не го загрижува ниту еден Албанец од власта, без разлика на страшните податоци за алармантното намалување од година до година. Овој недостаток, за жал ќе доведе и голем број на наставници да останат без работа. Немањето визија, како и небрежноста кон албанското образование наскоро ќе рефлектира со затварање на училиштата заради недостаток на ученици“, реагираат од Демократското движење.
Оценуваат дека и годинава учениците Албанци ќе се соочуват со недостатокот на училишните текстови, и годинава на учениците ќе им се нудат стари книги за користење, „да не велиме хорор книги, уништени и распарчени“.
„Со две нозе ќе биде згазено достоинството на овие ученици, кои со години се обврзани да учат и од учебници кои имаат дискутабилни содржини.
И годинава, без разлика на многуте ветувања од албанските водачи кои се дел од власта, албанските ученици ќе учат во стари училишни објекти, на кои одамна им е истечен рокот и немаат ништо заедничко со училиштата каде се развива квалитетно образование. Така што, ништо од досегашните ветувања кои веќе станаа нормалност и завршуваат како лага.
И годинава ќе недостига квалитетот во албанското образование и тоа во сите нивоа. Има стотици проблеми кои не ги загрижуваат властите, кои се платени со народни пари за нештата да ги ставаат во шини. Наместо квалитет, насекаде имаме напори како да именуваме водичи припадници од партијата на власт.
За жал, траекторијата на албанското образование само опаѓа и потонувањето не е далеку,“ истакнуваат од оваа партија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Митева: Скандалот во правосудството покажува дека СДС и ДУИ воспоставиле криминален систем
Последните случувања со големиот скандал за земање мито од 10 илјади евра од страна на судијата Наќе Гроргиев и второсомничениот јавен обвинител Иџет Мемети е само уште еден доказ дека во Македонија власта на СДС и ДУИ, наместо правен, воспостави криминален систем, изјави портпаролката н ВМРО-ДПМНЕ, Марија Митева.
„Колку е огромен овој скандал потврдува и фактот што станува збор за кривично дело земање поткуп од судија и јавен обвинител, а ова противправно дејство е со единствен цел – обезбедување олеснителни околности за кривичен случај, кој се води против поранешниот градоначалник на Ново Село, Боро Стојчев. Додека сите ние чекаме и бараме правда, одговорните за спроведување на правдата се први во криминалот. Не залудно на сите мерења на јавното мислење довербата во судството, Обвинителството и правосудниот систем во целина е на поразителни 1 %, историски најниско ниво на доверба додека токму власта на СДС и ДУИ ги убедуваше граѓаните дека тие се европски фронт. Ова е уште еден доказ зошто во Македонија нема систем, нема функционални институции, нема правда и со сигурност граѓаните немаат мир“, рече Митева.
Како што додаде, по откривањето на скандалот со корупција во највисоките редови во правосудството, логично се поставува прашањето дали овој случај со ексградоначалникот и митото од 10 илјади евра е единствен случај на овие два функционера во правосудството.
Таа праша дали и колку илјадници евра биле барани за случаите со финансиски криминали, трговија со дрога, убиства и слично за кои јавноста е сведок дека не видовме ниту право ниту правда? Дали е точно дека во правосудството само во изминатите неколку години биле рекетирани неколку милиони евра? Колку „накевци“ и „иџетовци“ инсталираа СДС и ДУИ во македонското правосудство? Остана да лебди и прашањето дали и колку длабоко пипалата на судскиот октопод се раширени во системот и дали главата на тој октопод се, всушност, функционери на власта на СДС и ДУИ?
ВМРО-ДПМНЕ ги повика надлежните органи од почеток до крај, од првиот до последниот, темелно да го истражат и овој, но и многу други случаи за кои има основано сомнение.
Македонија
На скопскиот аеродром спречен влез на 1,7 тони медикаменти, кои се штетни за здравјето на граѓаните
Царинските службеници на влез на Меѓународниот аеродром „Скопје“ спречија влез на 1,7 тони медикаменти, „силденафил цитат упс“ и „сибутрамин“, кои се штетни за здравјето на граѓаните.
Лековите не се регистрирани во Агенција за лекови, а фирмата увозник немала ниту дозвола за промет на големо со медицински средства, односно не е впишана во регистарот на правни лица за вршење ваков вид дејност.
По вештачењето, утврдено е дека медикаментите „сибутрамин“ се супстанција што се наоѓа на националните листи на контролирани опојни дроги и психотропни супстанции и таа претставува стимуланс на централниот нервен систем. Уште повеќе, утврдено дека таа предизвикува појава на срцеви и мозочни удари поради што медикаментите што содржат „сибутрамин“ се забранети за продажба од страна на ЕУ од 2010 година.
Медикаментите „силденафил цитат упс“ („вијагра“), пак, претставуваат супстанција што влегува во состав на медикаменти за лекување и таа подлежи на контролирана продажба.
Случајот е преземен од Одделението за истраги при Секторот за контрола и истраги, при што против правното лице ќе биде поднесена кривична пријава до Основното јавно обвинителство.
Македонија
Скопје и Прага со меморандум ќе работат на имплементација на конкретни проекти
Градоначалничката на град Скопје, Данела Арсовска, во рамките на работната посета на Чешка оствари официјална средба со градоначалникот на Прага, Бохуслав Свобода. Градоначалниците разговара на повеќе теми за интензивирање на соработката на двата града и почнување конкретна реализација на проекти од областа на транспортот, животната средина, цивилната заштита, здравството и економијата.
Арсовска и Свобода ја истакнаа потребата од градење нови пријателства, интензивирање на соработката, која истовремено ќе создаде можности за поврзување и работа на заеднички проекти, особено во областа на културата, образованието и туризмот, а во рамките на Скопје – европска претстолнина на културата 2028.
Во Прага градоначалникот Свобода организира работни средби во Градското собрание на Прага за планот за одржлива мобилност, зелениот климатски план 2030 и успешно беа договорени идните мерки и решенија што треба да бидат преземени за подобрување и унапредување во повеќе области во Скопје со соработка со Прага.