Контакт

Македонија

(Видео) Кумановката Филиповиќ возела невнимателно и не застанала на пешачки кога го прегази пешакот кај мостот „Гоце Делчев“, сведочеше вештак

Објавено пред

Невнимателно управување на возилото, според вештакот Перо Стефановски, е основната причина поради која кумановката Гордана Филиповиќ смртно прегази пешак на обележан пешачки премин во близина на мостот „Гоце Делчев“ во Скопје минатата година. На денешното судење вештакот Ристовски во вкрстено испрашување одговараше за наодите по анализата на несреќата.

dobivaj vesti na viber

„Во овој случај невнимателно управување на патничкото моторно возило ‘бмв’ од возачот претставува основна причина за случување на незгодата. Врз основа на извршената анализа не најдов прекршок на пешакот, кој би бил причина за незгодата. Тој се движел правилно. Како што налага законот, на место на кое е дозволено да се движи и во ниту еден момент не прекршил ниту една законска одредба што се однесува на неговото учество во сообраќајот. Во конкретните околности, при наближување кон обележан пешачки премин, возачот требало да се движи внимателно, да ги приспособи брзината и начинот на движење на околностите, да запре пред пешачкиот премин и да го пропушти пешакот, а дури потоа внимателно го продолжи движењето. Во овој случај возилото не запрело на обележаното место“, рече вештакот Стефановски, кој сведочеше и дека на местото на несреќата имало соодветна хоризонтална и вертикална сигнализација за пешачкиот премин.

Вештакот Стефановски објасни дека на фотографиите и снимките од несреќата се забележува „бело возило со товар на покривот“, кое постапило правилно, односно запрело да го пропушти пешакот што се движел по обележаниот пешачки премин.

На ова имаше забелешки одбраната.

„Тој не видел, ова му е пикнато во уста“, рече Љубомир Михајловски, адвокат на обвинетата Филиповиќ, укажувајќи дека вештакот го правел вештачењето врз основа на фотографии од интернет приложени во наодот.

На тоа вештакот одговори со објаснување дека направил увид во документацијата со фотографии и снимки во Обвинителството, а фотографиите што ги ставил во наодот се само за илустрација.

„Врз основа на извршената анализа не најдов прекршок на пешакот кој би бил причина за незгодата“, рече вештакот Перо Стеановски

Адвокатот Михајловски неколкупати се обиде да му постави директни прашања на вештакот, кои судијката Елена Илиевска-Јосифовиќ не дозволи да бидат одговорени во денешното вкрстено испрашување.

Михајловски го праша вештакот со колкава брзина се движел пешакот оти во наодот стоело релативно бавно, на што  доби одговор дека пешакот се движел со брзина од 2,5 километри на час и растојанието од тротоарот до местото на ударот го поминал за 11,5 секунди, што се утврдува од табели во литературата според возраста и полот. Адвокатот го праша вештакот и дали направил или видел вештачење што ќе потврди дека трагите од гумите на асфалтот се токму од автомобилот на Филиповиќ, а тој одговори дека работел врз основа на документацијата од увидот, каде што било наведено дека трагите се од возилото на Филиповиќ.

Адвокатот се интересира и за висината на возилото застанато на пешачкиот премин, кое, според вештакот, не било повисоко од 180 сантиметри, а товарот на покривот не бил повеќе од 30 до 40 сантиметри.

Последното прашање на Михајловски беше дали, според законот, му било дозволено на пешакот да ја преминува улицата од лево на десно, на што вештакот рече дека е дозволено пешаците да се движат од лево кон десно.

Со одговорот како е дозволено да се движат пешаците на пешачки премин заврши испрашувањето на вештакот, а судијката даде пауза по која одбраната најави дека на видеобим ќе презентира свое вештачење.

Филиповиќ го прегази 76-годишниот пешак Слободан Ангеловски лани во јануари. Судењата почнаа годинава. Филиповиќ се изјасни дека не чувствува вина, а нејзината одбраната најави дека ќе докаже оти најголем придонес за несреќата има покојниот.

Обвинетата Филиповиќ е мајка на 17-годишната Јелена, која пред три години загина во сообраќајна незгода, а возачот доби казна затвор од 7,5 години.

Македонија

Средба Тошковски – Ходулин: Интензивна поддршка од ЕУ преку ИПА проектите за креирање полиција со европски стандарди

Објавено пред

Министерот за внатрешни работи Панче Тошковски денеска оствари работна средба со претставници на Делегацијата на Европската унија, предводени од Стефан Ходулин, раководител на Одделот за соработка и Даница Стошевска, програм менаџер во канцеларијата.

dobivaj vesti na viber

На состанокот беше разгледана досегашната соработка помеѓу Министерството за внатрешни работи и Делегацијата на Европската унија во делот на спроведувањето на проектите финансирани преку Инструментот за претпристапна помош (ИПА).

Од страна на господинот Ходулин беше изразено задоволство од постигнатото во рамките на веќе спроведените проекти кои се имплементираат во министерството и изрази надеж дека посветеноста ќе продолжи со ист интензитет.

Министерот Тошковски во име на Министерството за внатрешни работи и се заблагодари на Делегацијата на ЕУ за досегашната поддршка и потенцираше дека истата е од исклучителна важност за министерството, и дека од наша страна ќе бидат обезбедени сите ресурси со цел максимално и рационално искористување на финансиската поддршка која е наменета за постигнување на европските стандарди во полициското работење.

За време на состанокот исто така се разговараше и за идните проекти кои се дел од Националната ИПА програма за 2025 година и следниот период, по што заеднички беше донесен заклучок дека ќе се продолжи со интензивни активности во наредниот период со цел финализирање плановите и проектите како основа за идното програмирање и обезбедување на сите неопходни предуслови од страна на министерството за внатрешни работи и целосна посветеност во нивната подготовка.

Двајцата соговорници изразија уверување и подготвеност за продолжување на одличната соработка и во иднина.

Прикажи повеќе...

Македонија

Сиљановска-Давкова на средба со Радев: во фокусот трагедијата во Кочани и евроинтегративниот пат

Објавено пред

Претседателката Гордана Силјановска-Давкова која е во Бугарија за да учествува во „Процесот Акаба“, пред медиумите соопшти дека ги посетила повредените пациенти кои настрадаа во трагедијата во Кочани и сега се на лекување во болницата „Пирогов“.

dobivaj vesti na viber

Рече дека се чувствуваат многу подобро. Таа оствари средба и со бугарскиот претседател Румен Радев.

Фокусот бил на трагедијата во Кочани, но се разговарало и за одблокирање на нашиот евроинтегративен пат, при што двајцата заклучиле дека се неопходни позачестени средби. Претседателката нагласила дека се можни компромиси и очекува исчекор на тој план.

Оддавајќи му признание на Радев таа кажа дека тој бил првиот претседател којшто утрото по трагедијата во Кочани и се јавил и и понудил секаков вид на помош.

„Прв ми се јави претседателот Радев. Благодарам. За жал или за добро, понекогаш трагедијата го вади доброто во сите нас, не политичкото, туку човечкото. Ова нема да може да го заборави ниту еден политичар од двете страни“, ја пренесуваат изјавата на Силјановска-Давкова бугарските медиуми.

Прикажи повеќе...

Македонија

Отежнато се одвива сообраќајот на патниот правец Валандово – Струмица поради одрони

Објавено пред

На патниот правец Валандово – Струмица, кај Костурино поради одрони сообраќајот е одвива отежнато и забавено.

dobivaj vesti na viber

Патниот правец Крушево-с.Долно Дивјаци -с.Кочиша е небезбеден за сообраќај и претсавува опасност за нормално одвивање на сообраќајот и поради таа причина истиот од 15.00 часот на 04.04.2025 година до негово санирање истиот ќе биде затворен за секаков вид на сообраќај, а граѓаните од населените места ќе користат регионален пат с.Пуста Река -Крушево.

Сообраќајот на државните патишта се одвивa непречено, по претежно влажни коловози.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Прикажи повеќе...

Најново

Македонија3 часа

(Видео) „Поршето“ во Дебар маало не било на полицаец туку на ексамбасадорот Срѓан Керим

Паркираното „порше“ во Дебар маало не било на полицаец, туку било во сопственост на Срѓан Керим, ексминистер за надворешни работи,...

Македонија5 часа

Се организира транспортот на телото на Александар Карадакоски – управителот на „Пулс“ кој почина во Литванија

Институциите го организираат транспортот од Литванија на телото на 29-годишниот Александар Карадакоски, кој е 60 жртва од пожарот во дискотеката „Пулс“...

Македонија6 часа

90 отсто од дишните органи на 29-годишниот Карадакоски биле изгорени од пламенот што го вдишал, утврдиле лекарите во Литванија

Директна причина за смртта на 29-годишниот Александар Карадакоски, кој утрово почина во Литванија, се изгореници на дишното стебло, извести попладнево...

Македонија7 часа

Палевски свртен со грб му постави 97 прашања на Кешишев: „Ништо од штабот не беше изнесено без знаење на Палчо“

Обвинетиот Влатко Кешишев за грабнувањата и убиствата на Вања и Панче денес одговараше и на прашањата на првообвинетот Љупчо Палевски,...

Македонија8 часа

Обвинителството ја запре постапката против починатиот управител на „Пулс“

Основното јавно обвинителство Кочани ја запира постапката против Александар Карадакоски, кој денеска почина по повредите добиени во пожарот во дискотеката...

Топ10 часа

Повредени две лица меѓу кои и дете, биле во возилото што излета во Вардар

Две лица, меѓу кои и малолетничка се повредени во несреќата со автомобилот што синоќа излета во Вардар кај тетовско. Случајот...

Македонија10 часа

Од 1 април му откажаа бубрезите, 40 отсто од телото му беше со изгореници, Таравари потврди дека во Литванија почина управителот на дискотеката „Пулс“

Министерот за здравство Арбен Таравари утрово потврди дека на повредите од пожарот во Кочани во Литванија, каде што беше на...

Македонија11 часа

Уште една жртва од пожарот во Кочани, почина управителот на дискотеката „Пулс“

По неколкунеделно лекување, почина Александар Карадакоски, управител на „ММММ кафе“ ДООЕЛ, која управувала и со дискотеката „Пулс“, во која животот...

Македонија12 часа

ДУИ: Дали новиот општествен договор е антипод на Охридскиот договор и почеток на реформатирање на уставниот модел на државата?

„Како е можно лидерска средба за таканаречен „нов општествен договор“ да се одржи меѓу првопласираната и третопласираната партија на изборите?...

Македонија12 часа

„Во буџетот обезбедивме 17 милијарди денари за зголемување на пензиите и за здравствено осигурување на пензионерите“, велат од Владата

„Грижата за пензионерите е приоритет на Владата. Пензионерите, конечно, го добија заслуженото. Линеарното зголемување на пензиите за 5.000 денари на...

Македонија12 часа

(Фото) Голем одрон на регионалниот пат Струмица – Костурино – Валандово

„Голем одрон на регионалниот пат Струмица-Костурино-Валандово“, извести градоначалникот на Струмица, Костадин Костадинов преку социјалните мрежи. Тој ги повика граѓаните да...

Свет12 часа

Венс за падот на берзата: Беше тоа само еден лош ден, ќе имаме бум

Американскиот потпретседател Џеј Ди Венс изјави за Newsmax дека вчерашниот пад на берзата, најголем од 2020 година, е само еден...

Свет12 часа

Данската премиерка за Америка: „Не можете да анектирате друга земја, дури и со аргументот за меѓународна безбедност“

Премиерката на Данска Мете Фредериксен вчера повторно ги отфрли повиците на американскиот претседател Доналд Трамп за анексија на Гренланд. Трамп...

Свет14 часа

Трамп: Случајот против Марин Ле Пен е лов на вештерки

Американскиот претседател Доналд Трамп денеска и понуди поддршка на лидерката на француската екстремна десница, Марин Ле Пен, откако судот во...

Свет14 часа

Историска одлука: Уставниот суд го смени претседателот на Јужна Кореја

Уставниот суд на Јужна Кореја одлучи да го смени претседателот Јун Сук Јеол, потврдувајќи го неговото отповикување во парламентот поради...

Свет14 часа

Трамп: Маск може да остане колку сака, но ќе се врати во своите компании

Американскиот претседател Доналд Трамп доцна синоќа повторно го поддржа својот советник, милијардерот Илон Маск, поради критиките за неговиот план за...

Македонија23 часа

„Стабилна е здравствената состојба на осумтемина македонски пациенти“: Сиљановска-Давкова ги посети во Софија

Претседателката Гордана Сиљановска-Давкова објави дека ја посетила болницата „Пирогов“ во Софија каде што се згрижени повредените во трагичниот пожар во...

Македонија1 ден

(Видео) Мицкоски и Филипче договориле формирање на работни групи

Премиерот Христијан Мицкоски и лидерот на СДСМ, Венко Филипче, на состанокот во Владата договориле формирање на работни групи за спроведување...

Македонија1 ден

Најниската плата во здравството се искачи на 27.000 денари, толку ќе земаат чистачите

Со линеарното зголемување од 2.500 денари најниската плата во здравство изнесува нешто над 27.000 денари, соопшти денес директорот на Фондот...

Македонија1 ден

(Видео) Токсично загадување на Крива Река, водата да не се употребува ни за наводнување, порача градоначалникот Митковски

Врз основа на анализата направена од Институтот за јавно здравје на барање на риболовното друштво „Мрена“, водата во Крива Река...