Македонија
(Видео) Ласовска: Полициски службенички цела година биле малтретирани од надредено лице, а властите не презеле ништо

Власта на Зоран Заев е нефункционална и не може да ги заштити ниту жените вработени во МВР и Армијата, а не, пак, и другите. Неспособноста и лицемерството на власта и на Заев најдобро се гледаат кога ќе се чујат нивните изјави поврзани со борбата против насилството врз жената. Како и за сè друго, Заев ветува, се колне, а не презема ништо. Сè е една голема лага и измама, порача претседателката на Унијата на жените на ВМРО-ДПМНЕ, Благица Ласовска.
„Шест полициски службенички цела година биле вознемирувани, психички и сексуално малтретирани од страна на надредено лице, а властите не презеле ништо да ги заштитат жртвите. Сексуално вознемирување и мобинг врз жена на прагот на третата деценија на 21 век е недозволиво и треба да подлежи под најстроги санкции.
Нефункционалноста на власта си ги зема своите жртви. Функционерите во МВР, наместо да работат, вршат сексуално насилство врз своите колешки. Зоран Заев и врвот на власта носат директна вина за оваа случка, во која страдале нечии ќерки, сопруги и мајки. Зоран Заев и луѓето околу него го поставиле и именувале лицето што ја злоупотребило својата положба и сексуално малтретирало подредени.
Заканувачот се заканувал со зборовите:
„Оди си сега, гледам, уплашена си, ама знам дека и ти сакаш и пази за ова што ти го нудам да не си кажала на никој зошто не можеш да замислиш што ќе ти направам и кој сум јас“. Ова се зборови на личност што се чувствува заштитена од власта.
Зоран Заев и врвот на власта треба да одговорат дали заканувачот е близок до еден градоначалник на една скопска општина и дали ја ужива заштитата на министерот? Доколку да – дали неговата блискост му овозможила да малтретира свои колешки!?
ВМРО-ДПМНЕ бара во најкраток можен рок сторителот да биде изведен пред лицето на правдата и да се соочи со соодветна казна. Злоупотребите на позициите мора да запрат. Со доаѓањето на власт на ВМРО-ДПМНЕ, ќе има одговорност за сите злоупотреби, насилство и мобинг. Истовремено, им даваме силна поддршка на жените жртви на овој брутален чин да истраат во борбата против сторителот и ги повикуваме надлежните институции во најкраток можен рок да преземат мерки против сторителите. Насилство врз жените е недозволив акт во 21 век“, порача Ласовска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.