Македонија
(Видео) Лефков: Бирото за метрологија набавило мобилна лабораторија трипати поскапа, институциите да отворат истрага
„Ќе обелодениме сомнежи како Мерита Мустафаи, директор на Бирото за метрологија, која ѝ дава акредитација на „Метролаб“, основана од шалтерски работник кај Груби за баждарење инструменти за мерење нафтени деривати и течен нафтен гас, го оштетува буџетот. Ова е договор за набавка на подвижна лабораторија склучен помеѓу Бирото за метрологија, раководено од Мустафаи и фирмата РОФА од Австрија, во вредност од 600.000 евра од 2019 година“, истакна на денешната прес-конференција Миле Лефков, пратеник од ВМРО-ДПМНЕ.
Според нашите информации, како што додаде, првична понуда за ваква лабораторија има добиено Државниот пазарен инспекторат и понудата била од истата фирма трипати пониска од дадената на директорката на Бирото за метрологија.
„И покрај тоа што Мерита Мустафаи требало да направи истражување на пазарот и да утврди колку вреди таквата набавка, таа ја набавува опремата во 2019 година со основна намена испитување квалитет на нафтените деривати. Оваа лабораторија во пракса се покажува како нефункционална и опремата од неа подоцна се вади и се преместува во просториите на Бирото за метрологија. Мустафаи знаела дека таква мобилна лабораторија ќе биде нефункционална, но наместо за многу помалку пари да воспостави лабораторија во просториите на Бирото за метрологија и да се акредитираат за земање примероци, одлучува да ја спроведе набавката од 600.000 евра и да го купат ова комбе“, кажа Лефков.
Според него, бидејќи одржувањето на комбето станало нерентабилно со многу дефекти и можност за брзо расипување на опремата во него, Мустафаи одлучува да направи фиксна лабораторија во просториите на Бирото за метрологија и опремата да ја дислоцира во неа.
Мустафаи, наместо првично да набави лабораторија за собни услови, додава Лефков, таа троши 600.000 евра за лабораторија шѓто подоцна ќе ја растури, резултатот е само поскапо платена опрема.
„Мустафаи не застанува тука, по примерот со набавката на мобилна лабораторија за нафтени деривати, таа во 2022 набавува опрема за испитување мазут, во висина од неверојатни 416.000 евра. Само за споредба, мобилната лабораторија, комбето со 7 инструменти, чини 600.000 евра, а опремата за мазут, која се состои од 4 инструменти, е купена за 416.000 евра. Како минува времето на функција, така и се зголемуваат набавките. Па во октомври 2022 година Мустафаи набавува опрема за верификација на гасомери, која чини неверојатни 1.050.000 евра“, истакнува Лефков.
За само 3 години, според него, направени се 3 набавки во вкупна вредност од неверојатни 2.000.000 евра.
Ги повикуваме, додава тој, ДПИ и Бирото за метрологија да одговорат, дали Бирото за метрологија набавило лабораторија по трипати поскапа цена од тоа што истиот доставувач претходно му понудил на Државниот пазарен инспекторат?
„ЈО и ДКСК, како и Финансовата полиција, да отворат истраги за овие набавки, како и истрага за значително подобрената имотна и финансиска состојба на директорката Мерита Мустафаи од 2019 година па сè до денес, која се гледа преку хациендата од 150 м2 на Попова Шапка на име на нејзиниот сопруг, која не е пријавена во нејзиниот анкетен лист“, истакна пратеникот на ВМРО-ДПМНЕ на денешната прес-конференција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Автомобили заглавија во снег на патот меѓу Пантелејмон и Средно Водно – „Непроодно е, по трасата не е фрлена сол“
Патот меѓу Пантелејмон (Горно Нерези) и Средно Водно во моментов не е безбеден за движење со моторно возило и се апелира да не се користи поради голомразица.
Утрово на овој потег беа регистрирани повеќе возила заглавени во снегот.
„Надлежен за одржување на овој пат е ЈП за Одржување и заштита на магистралните и регионалните патишта, но за жал досега по трасата ниту е фрлено сол, ниту е поминато со било какво возило за расчистување на снегот“, велат од ЦУК.
Патот во моментот е безбеден само за пешачење и секое тргнување со возило е на ризик на возачот, се додава.
Според информациите од ЦУК, во моментов едно возило останало заглавено во снегот. Од ЈП Македонијапат велат дека овој пат е од четврта категорија на приоритет, а сега немаат машини за интервенција бидејќи тие се на патот Кичево-Охрид како и на Попова Шапка. Утре од 9 до 10 часот ќе има испратено машина и ќе се интервенира.
Македонија
Се запали бутик во зграда во Карпош, огнот се прошири кон уште еден стан и два автомобили
Пожар избувна доцн синоќа во бутик во Карпош, на улицата Разловечко востание.
Бутикот кој е во сопственост на И.М.(54) од Скопје бил лоциран на приземјето од станбена зграда. Повредени лица нема.
Од пожарот била зафатена фасада од зградата, делумно зафатен стан кој се наоѓал над бутикот, клима уред и дел од прозори на уште еден стан.
Исто така, изгореле две патнички возила кои биле паркирани во непосредна близина.
Од Бригадата за противпожарна заштита пожарот бил локализиран. Извршен е увид и се преземаат мерки за расчистување на случајот.
Македонија
(Видео) Честитка на Филипче за Водици: Во духот на солидарноста да го унапредуваме општеството
Во име на Социјалдемократскиот сојуз на Македонија и во мое лично име на сите православни верници им го честитам денешниот христијански празник Богојавление – Водици, порача претседателот на опозициската партија, Венко Филипче.
„Му честитам на момчето Мартин Гоџовски, од населбата Варош ,којшто денеска го фати крстот.
Посакувам здравје, среќа, успех оваа година. Исто така и на сите коишто денеска скокнаа во ладните води на Охридското езеро по крстот. Тоа е знак дека имаат многу голема ментална и физичка сила.
Овие празници секогаш треба да не потсетуваат да во име на солидарноста, работиме заедно, го унапредуваме општеството и создаваме подобри, еднакви можности за сите без дискриминација на ниту еден човек“, порача Филипче.
(Видео) Предадени трите девојки што ги држеше Хамас во заложништво, фотографирани се во автомобил
Израел потврди дека ги презел трите девојки кои Хамас ги држеше во заложништво и веќе се на пат кон дома....
Се запали бутик во зграда во Карпош, огнот се прошири кон уште еден стан и два автомобили
Пожар избувна доцн синоќа во бутик во Карпош, на улицата Разловечко востание. Бутикот кој е во сопственост на И.М.(54) од Скопје...
Пари, дрога и оружје се одземени во акцијата во која беше уапсен Штекли, се бара притвор за 10 лица
Пари, дрога, возила, мобилни телефони и оружје биле одземени во полициската акција за сузбивањето на криминалната крупа во која уапсен...
Мартин Гоџо го фати светиот крст во Охрид, Сиљановска му подари рачно изработена резба
Мартин Гоџо од Варош го фати крстот во водите на Охридското Езеро, по повод денешниот празник Водици. Мартин го фати...
Договорот меѓу Израел и Хамас повторно го привлече вниманието кон децата заложници Кфир и Ариел Бибас
За првиот роденден на Кфир Бибас минатата година, поддржувачите ширум светот се собраа со надеж дека тој ќе се врати...
🔴 Почна примирјето во Газа
Од кабинетот на израелскиот премиер Бенјамин Нетанјаху доаѓа нова вест – договорениот прекин на огнот штотуку стапи во сила. Договорот...
Хамас ги објави имињата на тројцата заложници кои треба денес да бидат ослободени
Хамас ги соопшти имињата на тројцата израелски заложници кои први треба да бидат ослободени во текот на денот, се вели...
Трамп пристигна во Вашингтон
Новоизбраниот американски претседател Доналд Трамп вчера вечерта пристигна во Вашингтон на почетокот на прославите за неговото враќање на власт, два...
Израел продолжи со напади во Газа, Хамас не доставил список на заложниците поради „технички проблеми“
Израелската армија денеска, по истекот на рокот за почеток на примирјето во Газа, напаѓа во северниот и јужниот дел на...
„Тик-ток“ не е достапен во САД
Кинескиот „Тик-ток“ не е во функција за корисниците во САД, пренесоа светските агенции. Апликацијата повеќе не е достапна на Apple...
Православните верници го слават Богојавление – Водици, над 220 граѓани ќе се обидат да го фатат крстот во Вардар
Православните верници денеска го слават празникот Богојавление, а централните манифестации, традиоционално ќе се одржат во Скопје и Охрид со осветување...
Израел го задржува правото да ја продолжи војната против Хамас во секое време, рече Нетанјаху
Израел го задржува правото да ја продолжи војната против Хамас во секое време, со поддршка од САД, според условите на...
Поради трговија со дрога уапсен е Раде Трајковски – Штекли кој трипати се обидоа да го ликвидирааат
Полицијата го уапси Раде Трајковски-Штекли по Наредба на Основно јавно обвинителство за гонење на организиран криминал и корупција. Тој се...
Полицаец зел 50 евра поткуп за побрзо вадење на пасош: „Знаете дека ние не се трудиме џабе” – и’ рекол на оштетената
Eдиниците на МВР во текот на вчерашниот ден приведоа полициски службеник осомничен дека примил поткуп од 50 евра. Според информаците...
Муртезани во Киев потпиша Меморандум за соработка со Украина
Министерот за европски прашања, Орхан Муртезани, денеска во Киев оствари средба со заменик претседателката на Владата на Украина, задолжена за...
Седумдесетгодишник со маска и пиштол се обидел да ограби канцеларија за кредити во Битола
Основното јавно обвинителство Битола донесе Наредба за спроведување истражна постапка против едно лице за кое постои основано сомнение дека сторило...
Во животно загрозувачка состојба е пешакот кој беше удрен од автобус на ЈСП
Во животно загрозувачка состојба е пешакот кој вчера беше удрен од автобус на ЈСП во Скопје кај Транспортниот центар. Од...
Мицкоски патува на инаугурацијата на Трамп, Владата објави кој ќе го придружува
Претседателот на Владата Христијан Мицкоски од утре па во наредните неколку дена ќе присуствува во САД. Премиерот коj ќе биде...
Америка подигa бодликава жица на границата со Мексико пред инаугурацијата на Трамп
Агентите на американската гранична патрола вчера подигнаа бодликава жица меѓу градот Ел Пасо во Тексас и неговиот мексикански сосед Сиудад...
„Тик-ток“: Утре се гаснеме во Америка
„Тик-ток“ синоќа предупреди дека ќе биде принуден да престане со работа во САД утре, освен ако не добие јасна изјава...
