Македонија
(Видео) Митева: ВМРО-ДПМНЕ поднесе претставка до ДКСК за именување двојна функција во Град Скопје
Пред една недела јавно објавивме дека директорот на ЈП „Водовод и канализација“ – Скопје, Марјан Митовски, во исто време е и член на Управниот одбор на ЈП „Улици и патишта“, но до денес немаме постапување од страна на градоначалничката Арсовска, со што се дозволува кршење на Законот за спречување на корупцијата и судирот на интересите. Фактичката состојба е дека Данела Арсовска како градоначалник на град Скопје го назначила Митовски на две позиции, изјави на денешната прес-конференција Марија Митева, портпарол на ВМРО-ДПМНЕ.
Митева истакна дека Марјан Митовски во моментот на назначување на позицијата вршител на должност – директор на ЈП „Водовод и канализација“ – Скопје паралелно е носител и на друга функција, член на Управниот одбор на Јавното претпријатие „Улици и патишта“ – Скопје и со тоа директно се прекршува членот 44 од Законот за спречување на корупцијата и судирот на интересите, според кој е регулирана забрана за вршење други дејности и во кој изречно е наведено дека избрано или именувано лице за време на траењето на неговиот мандат е должно да ги почитува правилата за неспоивост на функцијата што ја врши со други функции или дејности утврдени во Уставот и законите.
Воедно, Митовски не смеел да биде назначен за директор на ЈП „Водовод и канализација“ сè додека е член на УО на друго јавно претпријатие на Град Скопје.
Како што истакна Митева, според став 4 од членот 44 од Законот за спречување на корупцијата и судирот на интересите, јасно е наведено дека избрано или именувано лице не може истовремено да врши функција на одговорно лице или член на орган на управување или надзорен орган во јавно претпријатие, јавна установа или друго правно лице, кое располага со државен капитал.
Во однос на горенаведеното, оваа претставка до ДКСК ја доставуваме со цел правилна примена на законите и со тоа ја повикуваме институцијата да постапи по овој случај, со што и на дело ќе се покаже дека заложбата на функционерите е да бидат во еднаква служба кон сите носители на јавни функции, изјави Митева.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ.
„Дарко Каевски како директор на Агенцијата за млади и спорт заобиколувајќи ги законските процедури извршил распределба на пари преку така наречените ваучери до клубови и федерации, кои одредена фирма ги реализирала под услов дел од парите да ги добие назад преку даночно ослободување“, дополнуваат од ВМРО-ДПМНЕ.
Според нив, Каевски е фатен на дело, и веќе на сите им е јасно зошто излегувал и ширел лаги и манипулации во јавноста.
„Тоа се кадрите на СДС, како Дарко Каевски, вмешани во криминал и корупција. Време е Македонија да се ослободи од криминалците како Каевски. Време е да ја вратиме Македонија на народот. Македонија повторно твоја“, завршуваат од ВМРО-ДПМНЕ.
Македонија
Нестабилно време со пороен дожд, грмежи и ветер
Времето ќе биде променливо облачно, од пладневните часови на повеќе места нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта, соопшти УХМР.
Минималната температура ќе биде во интервал од 6 до 12, а максималната ќе достигне од 18 до 25 Целзиусови степени.
Во Скопје ќе биде променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени.
Следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од утре до сабота ќе биде во постепено опаѓање, а во недела ќе се покачи за 2 до 4 степени.
Скопје
Без струја дел од корисниците на Волково и Кучково
Дел од корисниците на Волково и Кучково во Општина Ѓорче Петров од 7 до 16 часот ќе немаат електрична енергија.
Како што информира Регионалниот центар за управување со кризи на Град Скопје, по добиеното известување од ЕВН, прекинот на струја е поради технички зафати во електродистрибутивната мрежа.