Општина Центар спроведува интензивни инспекциски контроли на градилиштата низ целата локална самоуправа.

Во изминатиот период извршени се надзори на 30 градилишта, при што се изречени 24 казни за различни прекршувања, меѓу кои незаконско зафаќање јавни површини со градежен материјал и валкани гуми. Санкциите се движат од 1.300 до 1.800 евра, известуваат од Општината.

Градоначалникот на општина Центар Горан Герасимовски порача дека локалната самоуправа ќе реагира на секое нарушување на јавниот простор и безбедноста на граѓаните.

„Континуирано спроведуваме надзор на активните градилишта во општината. Сите што ги прекршуваат прописите и го узурпираат јавниот простор ќе се соочат со соодветни мерки. Наша цел е да обезбедиме уредена средина за граѓани“, рече Герасимовски.

Од Општина Центар додаваат дека редовните контроли се дел од пошироката заложба за спречување бесправна градба и заштита на заедничкиот простор.

СДС цела недела молчи за празнењето и препродавањето на стоковите резерви на црните пазари во ек на криза. СДС молчи за отписот на 2.000 тони јачмен и пченица од стоковите резерви на државата и за криминалот вреден 800.000 евра, велат од ВМРО-ДПМНЕ.

„Димковски направил записник, а потоа и заклучок од страна на владата на Заев, Филипче и Николовски, за отпис на 2.000 тони јачмен и пченица.

Криминалната влада на СДС за краток период смислила начин за тоа како да го камуфлира и прикрие недостатокот за отписот на 2.000 тони јачмен и пченица од стоковите резерви на државата. Нови тендери за „камуфлажа“ каде владата на СДС потпишала 2 тендера за 20.000 тони јачмен и пченица.

Преку овие два тендера Заев, Филипче и Николовски сметале дека ќе го прикријат недостатокот во стоковите резерви кој завршил на црниот пазар во соседните држави“.

Прашуваат каде завршиле 800.000 евра пари на граѓаните? Кој се профитирал од препродажбата на пченицата и јачменот по двојна или тројна цена на црните пазари во ек на криза?

СДС да каже, велат од ВМРО-ДПМНЕ, каде завршиле 800.000 евра откако преку 2 тендери за 20.000 тони јачмен и пченица сакале да им послужат како камуфлажа за отпишаните 2.000 тони од стоковите резерви?

„Време е СДС да се огради од криминалците во своите редови. Време е СДС да расчисти со пипците од криминалниот октопод во своите редови и партиски функционери. На Македонија и е неопходна силна и конструктивна опозиција“.

„За само 12 часа од поставувањето на камерите од системот во Скопје се покажало дека има над 1.000 возила кои биле нерегистрирани. Тоа покажува колку е паднат стандардот на граѓаните со Мицкоски и ДПМНЕ. Народот нема пари ниту за регистрација на автомобилите“, велат од СДСМ.

„И тоа зборуваме за паднат стандард во Скопје, во главниот град, колку е само полоша состојбата во помалите градови и населени места?

Економијата паѓа а народот едвај преживува.

Добро е што власта ги постави камерите, сега од неговиот кабинет во зградата на Владата Мицкоски, зад вратената ограда, ќе може да ја види катастрофалната состојба во Македонија.

Мицкоски се огради од народот па сега ќе може да гледа на камери.

Додека власта се гоштева со папаја и манго, се вози со бизнис класи, додека врти милионски тендери за испумпување на партите на граѓаните -народот нема пари ниту за регистрација на возилата.

Тоа „економски тигар“ им го донесе на граѓаните и им го постави како „стандард“.

СДСМ ја тргна оградата пред владата одма после рушењето на режимот на Груевски, просторот и вратата во Владата беше отворена за граѓаните, затоа што им припаѓа на граѓаните.

Ама ученикот на Груевски ја врати оградата и тоа е показател колку се исти. Ова е иста банда. Работата сè уште не е завршена“, соопшти СДСМ.