Вишата обвинителка од Гостивар Деса Пауновска, која е во трката за шефовското место во Обвинителството за гонење  организиран криминал и корупција, смета дека тимот таму е составен од исклучително добри, но и исклучително лоши обвинители. Таа во дебатата на „А1он“ посочи дека и Русковска како актуелна шефица знае дека „таму има обвинители кои навистина многу работат и имаат многу тешки предмети и обвинители кои не се дораснати, не сакаат, немаат желба да работат“ и порача: „Тој начин мора да се промени“.

Пауновска имаше критики за начинот на кој функционира ова обвинителство. Замеруваше на условите во кои се работи, непреселувањето во новата зграда, како и тоа што Законот за јавно обвинителство се менуваше, а не се донесе многу подобар закон. Не се жали на притисоци од моќници.

Прашана како ќе изреагира ако на неа ѝкажат: „Ќе завршите како Катица Јанева“, како што Русковска тврди дека било кажано, обвинителката Пауновска рече: „Јас не кревам телефон на такви луѓе“, а пак, актуелната шефица ` возврати: „На тој телефон ќе мораше да кренеш“.

Имаше и порака до обвинителите.

„Ако целата твоја кариера не зависи од ниту една политичка партија, тогаш не знам со кој образ некој политичар ќе ти се јави и ќе ти рече: ‘е овој предмет може вака да заврши’. И тука е грешката. Јас имам 58 години. Ние разговаравме да оставиме здраво обвинителство. Барем обвинителството за гонење организиран криминал да остане по нас како здраво обвинителство ослободено од притисоци. Притисоци мора да се пријават“, додаде таа.

Со Русковска ги судрија ставовите. Пауновска ` порача на шефицата, која е и нејзин противкандидат, да си ги снима разговорите ако има закани и притисоци.

„Некако мора Вилма да се стави крај на тие притисоци. Мора. Или ќе нè биде или воопшто нека не нè биде“, додаде Пауновска.

На Русковска в лица кажа што пречи.

Претера Вилма…

„Ти постојано, откако се случи тоа што се случи, постојано по телевизии. Тоа создава лоша претстава само за обвинителството. Дополнително ја намалува довербата. И што гледаат, тоа е судир меѓу обвинител и републички. И си велат ‘ако тие меѓу себе не можат да си усогласат односите, како ќе се борат со криминалот’. А таков е впечатокот. Јас таков имам, од тоа што слушам: ‘Претера Вилма…’. Тоа зборување во јавноста до некаде треба да има граница“.

Пред колегите кои треба да одлучат дали ќе биде нова шефица, Пауновска кажа дека има програма, но и визија.

„Нема да бидам строга, ќе работам заедно со обвинителите. Јас сум научена да работам. Но мора да се расчисти кого бива кого не бива. Затоа е лоша перцепцијата и се перципира дека таму работат само пет обвинители. Јас имам таков впечаток и ти кажав: Вилма со многу малку обвинители работиш. Дел па не само што не ја познаваат работата, туку се и по конференции, па предавачи, едукатори.. Не може да иде на секој семинар…“, рече Паувноска.

За неа, Паиновска додаде: Јас сум над 30 години во правосудство. Пет години јавен обвинител во ОЈО-Тетово, пет години во ОЈО-ГОКК, 4,5 во вишо обвинителство, четири години член на Совет на јавни обвинители. Да ги тргнете сите, освен гонењето организиран криминал бидејќи таму конкурирам. Тоа се предмети од злоупотреба на службена положба, давање поткуп, примање поткуп, перење пари, нема ниту едно кривично дело од тој дел кое не сум го работела. Финансиски истраги, вклучително и последниот предмет, керозинот од 4 милиони евра. Ниту некој ми влијаел.. Кога ќе слушнам ‘ми влијае некој…’, си велам ‘зошто мене не ми влијае никој, никој не ми се јавува?’. Или пак тоа јавување не го сметам како закана…“.

Конфротирањето меѓу Пауновска, Русковска и Незири и судирот на ставови, во дебатата на А1он.