Македонија
(Видео) Пациент до министерот Меџити: Барам јавно извинување – додека барам лек од кој животот ми зависи, тој си дозволи да каже дека правам шоу

Пациентот Игор Пехчевски, болен од цистична фиброза, бара извинување од министерот за здравство, Фатмир Меџити, за изјавата дека правел шоу кога бараше лек „трикафта“. Тој бара министерот јавно да се извини, а лекот да биде донесен веднаш.
„Го слушам и гледам министерот за здравство. Јас барам лек од кој животот ми зависи, а тој си дозволи како доктор и министер за здравство да каже за мене дека со барањето лек правам шоу во јавноста на телевизија. Барам од вас јавно извинување. И главното: Донесете го лекот ‘трикафта’ сега и веднаш, а не за неколку месеци, како што кажувате во вашите изјави.
Министерот за здравство, Фатмир Меџити, во интервју за „Макфакс“ не признаваше дека нема „трикафта“ за сите пациенти со цистична фиброза. Тој тврдеше дека дури сега се финализира протоколот што ќе треба да покаже кои пациенти ќе треба да го примаат овој лек, кој го стопира прогресирањето на болеста. Зборуваше и за случајот на пациентот Игор Пехчевски, кој постојано бара терапија со „трикафта“, а кого го обвини дека правел шоу.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ДУИ го повика Советот на Европа да испрати експерти кои ќе ја проценат истрагата за Кочани

Пратеничката група на Европски фронт, на чело со ДУИ во Собранието, испрати формално писмо до четири клучни тела на Советот на Европа, со кое бара итна експертска проценка на, како што велат, селективната правда по трагедијата во дискотеката во Кочани, каде животот го загубија 59 млади лица.
Писмото е адресирано до: Мајкл О’Флахерти, Комесар за човекови права; Клер Бази, Претседателка на Венецијанската комисија; Ливија Стоика Бехт, Извршна секретарка на ГРЕКО (Група на држави против корупција); Теодорос Русопулос, Претседател на Парламентарното собрание на Советот на Европа.
Во писмото, пратениците изразуваат загриженост за скандалозно политички мотивирани истраги кои таргетираат само поранешни функционери, додека сегашни носители на функции – кои имале институционална надлежност речиси цела година пред трагедијата – се оставени надвор од секој процес.
Писмото адресира и директно вмешување на премиерот во обвинителството и самата истрагата, а во врска со приведувањето на ексминистерот Бектеши, се посочува на јавна парада и злоупотреба.
Европскиот фронт бара Советот на Европа да испрати независна експертска мисија за проценка на независност на истрагата; да иницира дебата во Парламентарното Собрание на Советот на Европа; да побара мислење од Венецијанската комисија за влијанието врз обвинителството; да го ангажира ГРЕКО за истрага на политичко влијание врз обвинителските одлуки.
Пратениците потенцираат дека правдата мора да биде еднаква за сите и не смее да зависи од политичка припадност.
Селективната правда, како што велат од Европскиот фронт, го поткопува владеењето на правото и ја нарушува довербата на граѓаните во институциите.
Македонија
За едни СДСМ е мајка, а за други маќеа, велат од ВМРО-ДПМНЕ по скандалот со Јон Фрчковски

Владејачката ВМРО-ДПМНЕ ја повикува СДСМ да се огради од Јон Фрчковски по снимката со дрогата.
Од тука утрово ја опишаа СДСМ како партија која сака селективна правда, и молчи наместо да се огради од Фрчковски и да побара истрага од институциите.
„Тие секогаш се навикнати за едни да бидат мајка, а за други маќеа“, велат од ВМРО-ДПМНЕ.
Во нивното соопштение се додава и дека со молкот, оваа партија го брани Јон Фрчковски, кој според фотографиите на социјалните мрежи, користи кокаин.
„Дали СДС и Венко Филипче, ќе побараат одговорност за нивниот партиски миленик, кој се гледа од фотографиите како шмрка кокаин на работно место. Исто така, надлежните институции треба да постапат веднаш и да проверат кога Јон го користел кокаинот, дали кога бил помошник директор во ПУИГ или кога бил на партиска функција во СДС? Се поставуваат и други прашања, дали тој сам ја користел дрогата, дали ја користел на работно место во ПУИГ, од каде ја купил дрогата, дали можеби и тој продавал кокаин и дали таа влијаела во носењето на одлуки во ПУИГ?“, велат од ВМРО-ДПМНЕ.
Системот мора да го промениме сите заедно, а не да продолжиме како до сега. Одговорност мора да има, додава партијата на власт.
Македонија
СДСМ бара да се прошири истрагата за Кочани со актуелни функционери и службеници

Социјалдемократскиот сојуз на Македонија прашува до каде е проширувањето на истрагата за Кочани со актуелни функционери и службеници.
Опозициската партија обвинува за селективна истрага, барајќи институциите да одговорат зошто никој од актуелните функционери кои биле на должност и функција кога се случила страшната трагедија не се опфатени со истрагата.
Истрагата, велат од СДСМ, мора да одговори и на прашањето кој е одговорен што се случил пожарот кобната ноќ кој однесе толку жртви, но и кој е одговорен за пропустите на МВР, БЈБ, ДПИ, УЈП непосредно пред и за време на настанот.
Од партијата додаваат дека секој кој затаил и прекршил закон, мора да одговара, без разлика на функцијата, без калкулации, без селективност, без заштита, буквално секој.