Македонија
(Видео) Петковски: Дали за Мицкоски се убијци докторите и медицинскиот персонал кои го лекуваа од ковид?
Зад организацијата на срамните протести на кои здравствените работници беа наречени „убијци“ стои ВМРО-ДПМНЕ предводена од Христијан Мицкоски, обвини Петар Петковски од СДСМ.
„Мицкоски да каже дали за него се убијци докторите и медицинскиот перонал што го лекуваа додека беше заразен со Ковид-19. Дали за него се убијци, лекарите, докторите, медицинските сестри кои повеќе од една година се на првата борбена линија против коронавирусот?
Наместо да повикува на масовна вакцинација, Мицкоски поттикнува протести на кои се напаѓаат здравствените работници и се загрозува јавното здравје. Мицкоски не само што не е загрижен за колективното здравје туку со неговата партија прави сè за да го загрози здравствениот систем.
Токму поради таквиот нечесен, несериозен однос опасен по јавното здравје, Мицкоски и ВМРО-ДПМНЕ уште еднаш ќе бидат казнети од граѓаните на следните избори“, порача Петковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Три скопски општини денеска без стурја
ЕВН Македонија АД известуваат дека денеска без електрична енергија ќе останат:
– во периодот од 07.30 до 14.30 часот, корисниците од селата Дељадровци, Миладиновци и Текија, како и корисниците приклучени на приватните трафостаници Макпетрол – Миладиновци – Плинара, ЖТП Миладиновци – Рампа и Патарина Миладиновци. (општина Илинден)
– во периодот од 08.20 до 11.20 часот, корисниците од улиците Карл Либнехт и Модест Мусогорски, објектот на детската градинка Детелинка, како и дел од корисниците од улиците Карл Хрон и Темко Попов. (општина Гази Баба)
– во периодот од 09.00 до 11.00 часот, дел од корисниците од ул. Милан Марковиќ.(општина Карпош)
– во периодот од 11.30 до 13.00 часот, дел од корисниците од ул. Гаврил Лесновски. (општина Карпош)
– во периодот од 11.40 до 14.20 часот, корисниците од улиците Карл Либнехт, Анри Барбис и Темко Попов, како и дел од корисниците од ул. Благоја Стевковски. (општина Гази Баба)
Македонија
Меџити: Коцкањето во последните години стана рак на општеството
Вицепремиерот на Владата Изет Меџити на прес-конференција за првите 100 од новата Влада се фокусираше на борбата против коцкатањето како една од главните точки што ја ветија како предизборно ветување.
Според него, коцкањето во последните години стана рак на општеството каде илјадници наши сограѓани претрпеле финансиски, семејни, морални и економски штети.
„Илјадници наши луѓе заминаа и побегнаа во странство. Претходната власт го донесе коцкањето на секоја улица, секое маало, пред секое училиште и пред секое игралиште. На крајот, тие сакаа да го донесат на телефоните и компјутерите на нашите деца. Го прекинавме ова. Им ги укинавме незаконските лиценци на три интернет коцкарски компании. Ги отстранивме од веб-страниците кои легално или незаконски организираа коцкање. Исполнивме ветување кое никој не мислеше дека ќе го исполниме“, рече Меџити.
Македонија
Таравари потврди дека била одбиена хоспитализација на починатото бебе
Министерот за здравство Арбен Таравари денеска потврди дека била одбиена хоспитализација на бебето кое вчера почина на Детската клиника. Тој е запознаен со случајот, но детални информации очекува од Комисијата за стручен надзор која утре ќе ги истражува двете клиники каде што било лекувано бебето. Како што напомена Таравари, кој и да е виновен, ќе мора да сноси одговорност.
„Вратено било, за жал. Дали поради лекарска грешка или незнаење треба да се констатира. Дефинитивно треба да има одговорност. Меѓутоа не очекувајте од мене уште денес да судам како било. Дозволете компетентните органи да испитаат се во детали. На крајот некој мора да сноси одговорност кога има вакви трагични случаи. Дојдени биле двајца анестезиолози вечерта кога починало детето, имало обид да се интубира, но со ниска сатурација и аритмија било проблем“, изјави министерот пред почетокот на 2. конференција на Женското собрание на Алијансата за Албанците.
Таравари тврди дека сите што биле на смена кога починало бебето се стручни лица. Истакна и дека наследиле здравствен систем во кој се случуваат вакви работи, како и дека не можат преку ноќ да го средат тоа.
На Клиниката за детски болести вчера почина 14-месечно бебе. Министерството за здравство соопшти дека ќе иницира комисија за стручен надзор на Универзитетската клиника за респираторни заболувања кај децата во Козле и на Клиниката за детски болести за да се утврдат причините за смртта.