Македонија
(Видео) Пецаков: Заклучно со вчерашниот ден на ниво на Македонија се собрани 45.000 потписи

Денеска е трет ден откако се собираат потписи под мотото „Стави потпис за вистински попис“, насекаде на ниво на Македонија.
„Денеска и на нови две локации собираме потписи заедно со граѓаните на Охрид. Одѕивот е одличен, заклучно со вчерашниот ден на ниво на Македонија се собрани 45.000 потписи. И очекуваме дека до крајот на неделата преку 100.000 граѓани ќе ја дадат својата поддршка за оваа иницијатива.
Реалноста е дека не само за пописот, и начинот на којшто Законот за попис беше донесен, туку и генерално политиките на СДСМ и Заев не добиваат поддршка од народот. Народот сè повеќе се приклучува на ВМРО-ДПМНЕ и она што треба да претставува отпор кон начинот на владеење на СДСМ“, рече Кирил Пецаков, член на ИК на ВМРО-ДПМНЕ.
Самиот Закон за попис кој што беше донесен на начин на кој што беше донесен, и со кој што наместо да добиеме статистичка операција, добиваме политичка операција е проблематичен. За тоа што доколку имаме статистичка операција тогаш Македонија ќе може и економски и геостратешки во наредните десет години да планира. А, политички очигледно е битен само процентот.
Затоа имавме забелешки за овој Закон за попис, и баравме да биде со најсовремените технологии спроведен всушност заеднички како што треба да бидат спроведени и локалните избори, претстојните локални избори оваа година, а тоа е со т.н. отпечаток на прст. Би биле разрешени и отстранети сите дилеми коишто би ги имале по однос на резултатите што би ги добиле од овој попис.
Како и да е, ние не застануваме тука, ова е еден од само чекорите коишто ќе ги преземеме во периодов што следува, а со цел да добиеме попис каков што Македонија заслужува по сите европски стандарди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Улици во Чаир без вода, намален притисок во Топанско Поле

Регионалниот центар за управување со кризи на Град Скопје, по добиеното известување од ЈП Водовод и канализација, информира дека, денеска поради поврзување на нова со стара постоечка водоводна мрежа на улица Кемал Сејфула бб, прекинато водоснабдување ќе имаат корисниците од улицата Џон Кенеди и дел од улицата Кемал Сејфула, а со намален притисок ќе остане населбата Топанско Поле во општина Чаир.
Водоснабдувањето ќе биде прекинато од 09:30 часот до завршување на работните активности.
Македонија
Делови од Ѓорче Петров и Чучер Сандево денеска без струја

Регионалниот центар за управување со кризи на Град Скопје, по добиеното известување од ЕВН, информира дека поради планирани зафати во електро дистрибутивната мрежа, денеска без напојување со електрична енергија ќе останат:
· од 09:00 до 13:00 часот, објектите на Полициската Станица и базата на БППЗ во Ѓорче Петров, општина Ѓорче Петров;
· од 09:00 до 15:00 часот, корисниците од дел од нас. Кисела Јабука, општина Ѓорче Петров;
· од 09:00 до 16:00 часот, корисниците од селата: Побожје, Бродец, Танушевци, Брест и Малино, општина Чучер Сандево;
· од 11:00 до 13:00 часот, корисниците од дел од ул. Кадињача, општина Ѓорче Петров.