Контакт

Изборни измени

(Видео) Поголема демократија – Отворени листи

Објавено пред

Граѓаните активно да учествуваат во создавањето на кандидатските листи и самите да одлучуваат во изборот на пратениците наместо тоа да го прават партиските лидери – оваа можност ја нуди единствено преференцијалното гласање, односно пропорционалниот систем со отворените листи на гласање. Со овој модел гласачите, освен за партија, гласаат и за личност. Па, така, ако не им се допаѓа редоследот на предложените кандидати на листата, самите може да изберат кои кандидати според нив треба да ги претставуваат во парламентот. Интересен феномен е што последните кандидати на листата може да соберат најмногу гласови, повеќе и од лидерите што најчесто се носители на листата.

dobivaj vesti na viber

„Покрај гласовите за партијата, и индивидуалните гласови се мерило за влегување во парламентот, што дополнително води кон поквалитетни кандидати и поголема поврзаност меѓу пратениците и гласачите. Сега кандидатите повеќе се грижат што ќе каже раководството на партијата наместо граѓаните. Истражувањата покажуваат дека со овој модел има поголем одѕив, односно помала апатичност на изборите“, велат од МОСТ.

Европското искуство покажува дека повеќе од 80 отсто од државите го применуваат моделот на отворени листи, но со различен степен на отвореност, а некои одат дотаму што гласачите може и да допишат кандидати ако не им се допаѓа изборот.

„Странските експерти многу често досега го предлагаа тој модел, но лидерството на политичките партии претходно избегнуваше да разговара на таа тема. Отворените листи му даваат предност на квалитетот на пратениците. Може да се случи во една изборна единица со една листа, 120-тиот на листата да освои повеќе гласови од првиот. Обично лидерите се на првите места и може сериозно да дојде до промени во одредни политички структури“, вели поранешниот претседател на ДИК, Александар Новаковски.

Дека отворените листи водат кон поголема демократија и одговорност на пратениците пред гласачите, потврдуваат и самите партии, но некои од нив стравуваат од можните внатрешни несогласувања и меѓусебното ривалство во партиите. Сепак, и покрај низата предности, моделот на отворени листи, како и една изборна единица, со години не поминува во Македонија бидејќи последните одлуки на преговарачката маса повторно ги носат големите партии. Иако велат дека се „за“, ДУИ и СДСМ се правдаат со потребата од консензус за ова прашање меѓу сите големи партии, а ВМРО-ДПМНЕ како по навика одбегнува да го соопшти ставот за темите што не ѝ одговараат.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Изборни измени

Левицата за една изборна единица: Да се разбие монополот на власт на СДСМ, ДУИ и ВМРО-ДПМНE

Објавено пред

По реакциите на повеќе помали партии дека, конечно, треба да се промени изборниот систем во една изборна единица и отворени листи пред да се оди на парламентарни избори, и од Левицата обвинија дека СДСМ ги заборавил ветувањата од предизборната програма.

dobivaj vesti na viber

„Сегашната власт целосно заборави на сè друго откога дојде на власт вклучувајќи ги, пред сè, економските проблеми на граѓаните, а вклучително и имплементација на своето изборно ветување за една изборна единица.

Од партијата додаваат дека досега требало да се прочисти и Избирачкиот список, а бараат и намалување на бројот на пратениците.

„Треба да се разбие монополот на политичката власт на СДСМ, ВМРО-ДПМНЕ и ДУИ и во таа насока треба да се направи промена на изборниот модел, да се воведе една изборна единица, да се воведат отворени листи и бројот на пратеници во Собранието да се намали на 80 зашто во моментот има премногу џаболебари во Собранието, кои трупаат патни трошоци на сметка на граѓаните“, велат од Левицата.

Претходно, од Демократскиот сојуз на Павле Трајанов иницираат да се реафирмира предлогот за една изборна единица и отворени листи преку измени на Изборниот законик за поголема демократизација на државата.

Прикажи повеќе...

Изборни измени

Малите партии бараат една изборна единица, па потоа избори

Објавено пред

Малите партии ја реафирмираат идејата за промена на изборниот модел во една изборна единица и отворени листи на гласање. Тие се противат на намерата повторно да се спроведат парламентарни избори без да се создадат фер услови за политички натпревар за сите партии. Според информации на „Макфакс“, повеќе помали партии веќе се подготвуваат заедно да направат притисок за измени на Изборниот законик, а иницијатори се Демократскиот сојуз, од каде денеска соопштија дека за да има вистинска демократизација на државата и демонтажа на „еднопартискиот систем“, треба конечно Македонија да биде една изборна единица.

dobivaj vesti na viber

Од партијата на Павле Трајанов велат дека само на тој начин составот на Парламентот ќе биде реален одраз на волјата на граѓаните и ќе се зголеми одговорноста на извршната власт.

„Постојниот изборен модел со шест изборни единици, промените за финансирање на политичките партии, медиумската презентација, редоследот на партиите на гласачките ливчиња, составот на избирачките одбори, Државната изборна комисија и сл., ги форсира двете партии, ВМРО -ДПМНЕ и СДСМ, овозможувајќи им 28 години да бидат на власт, без какви било шанси и можности да дојде трета партија на власт“, велат од ДС.

На иста линија се и од ДОМ од каде велат дека со една изборна единица треба да се воведе и систем на отворени листи, без изборен праг за да се обезбедат исти предуслови за фер политички натпревар за сите партии.

И од НСДП сметаат дека е вистинско време да се реализираат изборните измени за една изборна единица и отворени листи.

„СДСМ го вети тоа во изборната програма и очекуваме да си стои на зборот“, вели Тито Петковски.

Слично е расположението и во албанскиот блок, каде што повеќето партии, како Беса и Алијансата за Албанците, се залагаат да се смени изборниот систем кој нема да ги фаворизира само големите партии.

Прашањето за една изборна единица се отвора пред речиси секои изборни циклуси и секогаш завршува без договор, со изговор дека нема консензус меѓу најголемите партии на преговарачката маса за оваа тема. Не е тајна дека на поголемите партии како ВМРО-ДПМНЕ, СДСМ и ДУИ не им одговара една изборна единица. Симулациите на претходните изборни циклуси со промена на изборниот систем, пресметани во пратенички мандати, покажуваат дека големите партии губат дел од пратеничките мандати кои сега ги добиваат со примената на Донтовиот метод во шест изборни единици. Помалите партии, пак,  кои освоиле повеќе од 20-30 илјади гласови  и останале без свој претставник во Парламентот, очекуваат дека со промена на моделот би имале повеќе пратенички мандати и не ја отфрлаат можноста да настапат сами на избори, без претходно да влегуваат во коалиција со големите партии.

Прикажи повеќе...

Изборен законик

Партиите се договорија за парите – за една изборна единица и отворени листи не им се брза

Објавено пред

Прашањата за една изборна единица и отворени листи на преговарачката маса меѓу партиите ќе се најдат наесен, по референдумот, брифираат за „Макфакс“ од работните групи. За можните измени на изборниот модел, партиите сè уште не дискутирале бидејќи приоритет биле барањата на ВМРО-ДПМНЕ за техничка Влада и  финансирањето на партиите, но и изборот на ДИК.

dobivaj vesti na viber

Од СДСМ велат дека тие  нема да отстапат од предлогот за менување на изборниот систем во една изборна единица, како и воведување модел на отворени листи на гласање, како подемократски принцип од актуелниот, но велат дека е потребна согласност и од другите партии. Од ДУИ не ја поддржуваат идејата за една изборна единица, но се за преференцијално гласање. Од ВМРО-ДПМНЕ кусо одговорија дека согласно со динамиката на преговорите меѓу работните групи, за овие теми ќе разговараат од септември.

Партиите веќе се договорија и во Собранието едногласно изгласаа да се зголеми финансирањето на партиите од буџетот, од 1.8 милиони евра на 4,5 милиони евра на годишно ниво. Со законските измени се намалува сумата која може да ја прибираат од донации од компании и физички лица.Триесет отсто од парите се наменети за малите партиите, а останатите 70 отсто за големите партии. Партиите ќе може да се финансираат и од кредити, а и да поседуваат земјиште, што не беше пракса до сега. Измени во Изборниот законик има и во делот на кампањата, со што сега рекламирањето ќе се плаќа од буџетот наместо од партиските сметки, а се наметнува и обврска ДИК да ги мониторира и интернет-порталите.

Избран е и новиот состав на ДИК, кој ќе треба да го спроведе референдумот, но бидејќи е преодно решение, има мандат од шест месеци.

 

 

 

Прикажи повеќе...

Најново

Македонија2 часа

Оставката на Папазов помина на владина седница

Владата ја прифати оставката на градоначалникот на Кочани, Љупчо Папазов. Советот на општината ќе треба да назначи в.д. градоначалник на...

Македонија3 часа

„Вреди“: Посакуваме Бектеши да ја докаже невиноста, не сакаме ниту еден Албанец да биде одговорен за Кочани

Коалицијата „Вреди“ посакува ексминистерот за економија од редовите на ДУИ, Крешник Бектеши да ја докаже својата невиност во случајот со...

Македонија4 часа

Обезбедувачот на Мицкоски за 50.000 евра оддавал службени тајни, приведен е

За 50.000 евра откривал полициски службени тајни од истрага. Припадникот на обезбедувањето на премиерот Христијан Мицкоски е во притвор. Од...

Македонија4 часа

Кочани доби ново амбулантно возило – донација од компании

Донирано е амбулантно возило за општата болница во Кочани од страна на приватни компании. Амбулантното возило е донација на „Аутомотив...

Македонија5 часа

По трагедијата во Кочани целосно се забранува употребата на пиротехниката во затворен простор

Трагедијата во дискотеката „Пулс“ во Кочани го менува Законот за прекршоците против јавниот ред и мир. Пратениците со 87 гласа „за“, без...

Македонија6 часа

Нема повеќе седење дома и земање плати, потребна ни е ефикасна администрација, порача Мицкоски

„Јавната администрација не е само механизам за спроведување на законите и политиките, таа е лицето на државата, одраз на нејзината...

Македонија7 часа

Трендафилов подготвен тој и сите функционери една година да земаат плата 500 евра, но уште утре минималната да се зголеми на истиот износ

Претседателот на Сојузот на синдикатите на Македонија (ССМ), Слободан Трендафилов, е подготвен една година тој и сите избрани и именувани...

Македонија8 часа

(Видео) Талески: Мицкоски не може да не знае, втор обезбедувач од неговиот круг фатен во контакт со подземјето

Оваа Влада и ДПМНЕ се очигледно сериозно вмешани во криминал, а лица од најголема доверба на премиерот во континуитет се...

Свет10 часа

(Видео) Масовни кремирањa, сè мириса на смрт во Мјанмар: преживеаните во очај, луѓето клекнати на улица и плачат

Сè послаби се надежите во Мјанмар дека ќе се пронајдат живи луѓе по разорниот земјотрес од 7,7 степени според Рихтеровата...

Македонија10 часа

Во Козле, во „8 Септември“ или во странство ќе одат на рехабилитација пациентите со потешки повреди, кои следната недела ќе почнат да се враќаат

Во текот на оваа недела од лекување во странство најавено е дека ќе се враќаат пациентите што се целосно закрепнати,...

Македонија11 часа

93 пациенти повредени во пожарот во Кочани закрепнаа, уште 100 се лекуваат во странство и во домашните болници

Од вкупно 193 повредени во пожарот во Кочани, 93 пациенти закрепнаа и заминаа на домашно лекување, а во болниците во...

Регион12 часа

(Видео) Грција ја зафати невидено невреме, уништени омилените туристички места

Страшното невреме што ја зафати Грција речиси инстантно ги уништи омилените места за одмор во оваа земја. Некои од најубавите...

Македонија12 часа

„Кој му ги дал службените тајни на обезбедувачот на Мицкоски“, прашува СДСМ

„Обезбедувањето на Мицкоски е составено од најголемите криминалци во државата, кои тој лично ги одбрал на тие позиции. Оттука се...

Свет13 часа

Нема знаци за живот под урнатиот облакодер во Бангкок: „Ќе копаме уште“

Гувернерот на Бангкок Чадчарт Ситипунт изјави дека не се откриени знаци на живот во урнатините на облакодер во главниот град...

Свет14 часа

Првото патување на Трамп ќе биде во Саудиска Арабија

Американскиот претседател Доналд Трамп вчера изјави дека планира да ја посети Саудиска Арабија уште во мај за да потпише инвестициски...

Свет15 часа

(Видео) Кина одржува воени вежби околу Тајван, објави анимација: „Паразитот го труе островот“

Кина го распореди својот носач на авиони Шандонг и други бродови околу Тајван, објави денеска тајванското Министерство за одбрана, додека...

Регион15 часа

(Видео) Додик се огласи по неколкудневен молк: Пристигнав во Москва

Лидерот на босанските Срби, Милорад Додик, по кој трагаат правосудните органи и полициските агенции во Босна и Херцеговина, вчера вечер...

Спорт1 ден

ФФМ најави дисциплинска постапка за натреварот во Тетово: За вакви нелуѓе нема место во фудбалот

Фудбалската федерација на Македонија најави санкции за фудбалскиот клуб Шкендија, чии навивачи денеска предизвикаа скандал со недоличното однесување пред почетокот...

Спорт1 ден

(Видео) Навивачи на Шкендија наместо молк за жртвите од Кочани, пееја и исвиркуваа

Натпреварот меѓу Шкендија и АП Брера од Струмица го одбележа недолична сцена на почетокот на мечот кога домашните навивачи решија...

Македонија1 ден

Шест пациенти денеска се враќаат од странство, пет од Србија и еден од Италија

Шест пациенти денеска се враќаат од странство, пет од Србија (тројца од КБЦ Ниш и двајца од ВМА Белград) и...