Македонија
(Видео) Попов: Дали додека крати средства за животна средина, Арсовска обезбедила пари за фирмата на Перо Камиказа?

Изминуваат два месеца од изборот на градоначалничката на ВМРО-ДПМНЕ, Данела Арсовска, а граѓаните на Скопје не гледаат дека во градот нешто се работи, истакнува Мартин Попов, советник во Советот на Град Скопје.
Напротив, вели тој, луѓето гледаат само поништувања на значајни проекти, неспособност, погрешни одлуки. Гледаат дека нема бесплатен јавен превоз, нема инвестиции во животната средина.
Дури и буџетот на Градот за оваа 2022 година, потенцира Попов, не е развоен и не е направен според потребите на граѓаните.
Во буџетот тој оценува дека не се предвидени пари за важни проекти, како нови паркови, зелени покриви, велосипедски патеки.
„Нема пари за ниту една велосипедска патека, за ниту еден вело-паркинг, нема опрема за автобусите да превезуваат велосипеди, нема субвенции за дополнителна опрема.
Наместо за зеленило и заштита на животната средина, наместо во капитални проекти, Арсовска парите на скопјани ги планира за удомувања на партиските кадри на ВМРО-ДПМНЕ. Дали во буџетот има пари за коалициските партнери на Данела Арсовска и ВМРО-ДПМНЕ? Дали фирмата на кандидатот за градоначалник Петар Георгиевски-Камиказа, КЛС, била ангажирана за озвучувањето на новогодишната прослава на градскиот плоштад? Колку пари чинел ангажманот на КЛС за новогодишната прослава или дали е тоа донација? Ако е донација, тогаш таа треба да мине низ Советот на Град Скопје, ако се работи за спонзорство, тогаш треба да има договор за спонзорство“, рече Попов.
Нагласува дека Данела Арсовска им должи одговори на скопјани на овие прашања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Продолжувањето на притворот за Бектеши додека вистинските одговорни сè уште се на слобода претставува чист израз на селективна правда и политичка одмазда“, велат од ДУИ

„Продолжувањето на притворот за поранешниот министер Крешник Бектеши, додека вистинските одговорни – оние што биле задолжени за безбедноста на децата– сè уште се на слобода, претставува чист израз на селективна правда и политичка одмазда“, реагира ДУИ.
„Ова не е само двоен правен стандард – туку отворена политичка и партиска дискриминација, која претставува флагрантно кршење на основните принципи на правната држава.
Уште повеќе, иако сведоците и родителите на жртвите јасно ги посочија виновниците и побараа одговорност од Министерството за внатрешни работи, единствено поранешниот министер Бектеши сè уште се држи во изолација – како параван за да останат вистинските виновници на слобода.
Трансакциското обвинителство и актуелната власт продолжуваат брутално да ги газат сите правни, морални и човечки принципи.
Премиерот, откако јавно го заплаши обвинителот дека ќе ги изведе луѓето на улица против него, сега целосно го има потчинето и настапува истовремено и како обвинител и како судија.
Ако улицата е решението – тогаш дојде време сите граѓани да им се придружат на семејствата на жртвите од Кочани и да побараат правда – мирно, но решително, на улица“, се додава во соопштението на ДУИ.
Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Улици во Чаир без вода, намален притисок во Топанско Поле

Регионалниот центар за управување со кризи на Град Скопје, по добиеното известување од ЈП Водовод и канализација, информира дека, денеска поради поврзување на нова со стара постоечка водоводна мрежа на улица Кемал Сејфула бб, прекинато водоснабдување ќе имаат корисниците од улицата Џон Кенеди и дел од улицата Кемал Сејфула, а со намален притисок ќе остане населбата Топанско Поле во општина Чаир.
Водоснабдувањето ќе биде прекинато од 09:30 часот до завршување на работните активности.