Македонија
(Видео) Сарафов: Технички проблем на автобусот или грешка на возачот се можни причини за несреќата

Директорот на бугарската националната истражна служба, Борислав Сарафов, изјави дека можни причини за трагичната несреќа, во која животот го загубија 46 македонски државјани, се грешка на возачот или ненадејна техничка неисправност на автобусот.
Во опожарениот автобус имало 52 патници, од кои 12 деца. Меѓу загинатите е и возачот на автобусот.
Бугарскиот министер за внатрешни работи Бојко Рашков, кој заедно со премиерот Стефан Јанев е на местото на автобуската несреќа, изјави дека причината детаљно ќе се разјасни во текот на истрагата.
„Сликата е ужасна и не секој може да ја поднесе. Никогаш не сум видел вакво нешто. Тешко е да се одреди колку луѓе има и кои се“, рече Рашков.
Тој истакна дека покрај опожарениот автобус, сообраќале уште три. Настраданиот автобус се движел последен.
Заштитната ограда на автопатот е уништена од автобусот, а сосема е можно пожарот да настанал од контакт на автобусот со заштитната ограда, рече Рашков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Забрана за камиони на регионалниот пат Дебар – Маврово

Од 06:50 часот поради врнежи од снег, воведена е забрана за сообраќај на товарни моторни возила на регионалниот пат Дебар – Маврово, извести АМСМ.
Од 06:45 часот сообраќајот на патниот правец село Живалево – село Туралево е нормализиран.
Македонија
Нормализиран сообраќајот на патниот правец Живалево – Туралево

Од 06:45 часот сообраќајот на патниот правец село Живалево – село Туралево е нормализиран, извести АМСМ.
Од 05:00 часот, поради одрон, сообраќајот на тој патен правец беше во прекин и се одвиваше наизменично, по една коловозна лента.
Македонија
Одрон на патниот правец Живалево – Туралево, сообраќајот се одвива по една коловозна лента

Од 05:00 часот на патниот правец село Живалево – село Туралево има одрон, сообраќајот се одвива наизменично по една коловозна лента.
Во 03:40 часот се укинува забраната за тешки товарни возила према превој Стража, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.