Македонија
(Видео) „Се протнувавме преку паднато дрво на патот за да поминеме“, завеан патот Деве Баир-Крива Паланка
На патот Деве Баир-Крива Паланка, неколку километри пред градот, паднато дрво го препречи коловозот, на кој веќе има натрупано снег. Патници кои на враќање од Бугарија нишле на дрвото за „Макфакс“ велат дека патот е завеан, а предупредувања нема.
„Моравме со автомобилот да преминеме целосно во спротивната насока и да се протнеме за да го продолжиме патот оти десната страна беше целосно затворена од гранки. За среќа не наиде возило од спротивната насока. Целиот пат е завеан. Од Деве Баир до Крива Паланка не сретнавме ниту возила за чистење снег ниту пак некоја друга служба. Полицијата не пресретна на влезот во Крива Палана и не прашаа дали патот е прооден или да го затворат“, велат за „Макфакс“ патници кои вечерва се пробиваа од бугарската граница кон Крива Паланка.
Центарот за управување со кризи вечерва извести дека сообраќајот во на патот Крива Паланка – Деве Баир е во прекин поради паднати дрвја, а екипа од Јавното претпријатие за одржување и заштита на магистралните и регионалните патишта е на терен и работи на расчистување. Од 16:30 часот денес овој патен правец е затворен за тешки товарни возила па на граничниот премин веќе има колона од дваесетина камиони.
Колони возила стоеја заглавени на патот Велес – Скопје поради превртен камион. Сообраќајот кон Скопје се пренасочуваше преку Свети Николе, но од пред половина час затворена за сообраќај насоката Свети Николе Миладиновци поради наноси од снег и мраз на коловозот. Правецот Миладиновци – Свети Николе е прооден, но со отежнато движење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.
Македонија
Боки-13 за операцијата „Бумеранг“: поднесе кривични против Заев, Спасовски, Русковска
Бојан Јовановски-Боки 13 поднел кривични пријави против поранешниот премиер Зоран Заев, ексминистерот за внатрешни, Оливер Спасовски, и двајцата генерални секретари на СДСМ, поранешниот Александар Кирацовски и актуелниот Миле Зачевиќ, како и против поранешната шефица на Јавното обвинителство за гонење организиран криминал и корупција, Вилма Русковска.
Тој дошол во Обвинителството на покана на актуелниот шеф на оваа институција, Ислам Абази.
Најави дела кривично-правната операција е наречена „Бумеранг“.
„Сите мои наводи и описот на настаните ќе бидат материјализирани со докази што потекнуваат од мојот телефонски уред, кој ми беше одземен при моето апсење во предметот ‘Рекет’. Се работи за кривични дела што се однесуваат на злоупотреба на службената положба и овластувањето, за изборни измани, незаконско финансирање политичка партија, злоупотреба на јавните набавки“, додаде тој.
Најави и продолжение на предавање докази во писмена форма.
„Поднесена е кривична пријава и против Вилма Русковска за злоупотреба на службената положба, примање поткуп, примена на тортура. Зоран Заев е речиси во секоја пријава“, рече Јовановски.