Македонија
(Видео) Со лисици на раце Орце Камчев одведен во затворот во Шутка

Определен 30 дневен притвор за Орце Камчев поради опасност од бегство.
Тој ќе биде спроведен во истражниот затвор “Скопје” во Шуто Оризари.
Бизнисменот Орце Камчев по излегување од судот, негираше дека сакал да бега, како што образложи Агенцијата за национална безбедност.
Одговарајќи на новинарско прашање дали планирал бегство, Камчев одговори “Ма какво бегање”.
Камчев е спроведен во притвор во затворот во “Шутка”, каде треба да одлежи 30-дена. Од судот беше изнесен со лисици на рацете, кои ги криеше со парче облека.
“Обвинител побара денеска на Јордан Камчев, поради некаква индиција да му се определи 30 дневен притвор. Претходно беше успсен во раните утрински часови поради наводна изборна измама. Господинот Камчев не може да ја напушти Македонија бидејќи нема пасош. Ова е злоупотреба од политички актери, ова е срамота”, рече адвокатот на Орце Камчев.
Обвинителката Лиле Стефанова која го застапува предметот поврзан со плацевите на Водно и која побара притвор за Орце Камчев, без да даде изјава, од гаражите, го напушти Кривичен суд. Таа излезе со службено возило на Обвинителството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Одрон на патниот правец Живалево – Туралево, сообраќајот се одвива по една коловозна лента

Од 05:00 часот на патниот правец село Живалево – село Туралево има одрон, сообраќајот се одвива наизменично по една коловозна лента.
Во 03:40 часот се укинува забраната за тешки товарни возила према превој Стража, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Македонија
Променливо облачно и студено со повремени врнежи од дожд, на некои од повисоките места дожд и снег

Променливо облачно и студено со повремени врнежи од дожд, на некои од повисоките места од дожд и снег, а на планините повремен снег. Ќе дува умерен до засилен северен ветер. Минималната температура ќе се движи во интервал од 2 до 7 степени, а максималната ќе биде во интервал од 4 до 11 степен.
Во Скопје, облачно и студено со врнежи од дожд, а на повисоките места од котлината со повремени врнежи од дожд и снег. Ќе дува засилен ветер од северен правец. Минималната температура ќе се спушти со 3, а максималната ќе достигне 7 степени.
Времето во наредните денови
Под влијание на циклонска активност нашата држава е зафатена од студен бран кој доаѓа од северните делови на континентот. Вкупно од овој бран се очекува на повеќе места да наврнат над 50 l/m² дожд. Денес на планините врнежите ќе преминуваат во снег, при што ќе се формира значителна снежна покривка. Поради натамошно спуштање на студен воздух, ќе има услови врнежите од дожд да преминуваат во снег и на некои од повисоките населени места. За време на викендот времето ќе биде стабилно со ниска утринска температура, а дневната ќе биде во благ пораст.
Македонија
Врнежи од снег и паднати дрвја на патот Никфорово-Леуново-Бунец, сообраќајот во прекин

На регионалниот пат Никфорово-Леуново-Бунец од 23:20 часот, сообраќајот е во прекин поради врнежи од снег и паднати дрва на коловоз, извести АМСМ.
Се интервенира за негово расчистување.
Во текот на денот и вечерва вработените од Ј.У.Н.П. „Маврово# со сопствена механизација, се вклучија во активностите за расчистување на паднатите дрва кои го отежнуваат движењето на автомобили по регионалниот пат Маврово – Дебар и околу Мавровското езеро.