Македонија
(Видео) Стоилковски: Граѓаните на минусни температури чекаат во редови за лични документи под секое достоинство

„Редиците се резултат на неспособноста на Оливер Спасовски и на Владата на СДС со ДУИ, кои се неспособни да овозможат граѓаните на достоинствен начин да извадат лични документи! И не случајно вечерва сме тука на импровизираниот пункт на МВР, каде што на минусни температури граѓаните се подложени да чекаат во редови надвор за да извадат лични документи“, рече Наум Стоилковски, портпарол на на ВМРО-ДПМНЕ.
„А иста ваква слика со метеж и редици е и во пунктот во МТВ за издавање. Јавноста мора да ја види вистинската слика за неспособноста на Оливер Спасовски, МВР и Владата на СДС.
Ова е срамно, ова е сликата за владеењето на СДС и ДУИ, редици за документи. Ниту централата за закажување не им работеше, ниту центрите за фотографирање не им работеа навреме, ниту сега имаат воспоставен систем за издавање документи. Со еден збор – безредие!
МВР, наместо да воведува ред, е извор на безредието во Македонија, несигурност и создава проблеми на граѓаните! Ако се сака, за сѐ има решение. Но, тоа во случај ако не се мисли на тендери и на криминал. СДС мора да поднесе одговорност, а народот ќе ја испорача сметката за малтретирањето на следните избори!“, изјави Наум Стоилковски, портпарол на на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сончево со мала до умерена локална облачност, максималната температура до 20 степени

Сончево со мала до умерена локална облачност. Ќе дува слаб до умерен ветер од јужен правец. Минималната температура ќе биде во интервал од 1 до 8, а максималната ќе достигне од 14 до 20 степени.
Во Скопје, сончево со мала до умерена облачност. Ќе дува слаб до умерен ветер од југоисточен правец. Минималната температура ќе се спушти до 4, а максималната ќе достигне до 18 степени.
Времето во наредните денови
Следува период на променливо облачно време со сончеви периоди и со слаб до умерен јужен ветер. Во среда ќе има локални врнежи од дожд, а од четврток дневната температура ќе биде во пораст.
Македонија
Орце Ѓорѓиевски и Амар Мециновиќ одат во втор круг за градоначалник на Скопје, ВМРО-ДПМНЕ и Левица имаат најмногу гласови и во Советот

Кандидатите за градоначалник на Град Скопје од ВМРО-ДПМНЕ и Левица, Орце Ѓорѓиевски и Амар Мециновиќ ќе се соочат во вториот круг од локалните избори што ќе се одржи на 2 ноември.
Според податоците на Државната изборна комисија, од пребројани 91 отсто од гласовите, во водство е Орце Ѓорѓиевски со 36,62 отсто, односно 82.155 гласови, а зад него е Мециновиќ со 13,35 проценти, односно 27.686 гласови.
Зад нив е Башким Бакиу од „Влен“ со 12,15 отсто, Каја Шукова од СДСМ со 11,52 отсто и Скендер Реџепи од ДУИ до 11 отсто од пребројаните гласови.
ВМРО-ДПМНЕ и Левица доминираат и во Советот на Град Скопје. Според официјалните податоци од ДИК, ВМРО-ДПМНЕ во Советот има 35,46 отсто од гласовите, а зад нив е Левица со 12,04 проценти.
Македонија
Орце не бегај од дебата, од вечерва Левица е вистински лидер на опозицијата, порача Апасиев

Вечерва објавуваме дека Левица станува лидер на опозицијата во Македонија, објави на прес-конференција Димитар Апасиев, лидерот на оваа партија.
„За прв пат влегуваме во Советот на Општина Тетово, Виница, Берово, Пробиштип, Лозово, Ранковце, Струмица, Радовиш, Кривогаштани, Струга, Дебарца и Ресен. Покрај во главниот град, втора партија пред СДСМ, Левица станува во Аеродром, Карпош, Кисела Вода, Гази Баба, Бутел, Чаир и Велес“.
Лидерот на Левица со порака до кандидатот за градоначалник на Град Скопје од редовите на ВМРО-ДПМНЕ, Орце Ѓорѓиевски: „Орце не бегај од дебата“.
Амар Мециновиќ пак рече, дека денеска Скопје се разбуди а граѓаните покажале храброст дека се подготвени да изберат поинаку.
„Денеска Левица испиша историја затоа што првпат има кандидат во главниот град кој не е поддржан од ВМРО-ДПМНЕ и СДСМ.
Во првиот круг покажавме дека има надеж, во вториот круг сето тоа ќе го претвориме во реалност. Влеговме во вториот круг затоа што илјадници луѓе во Скопје се охрабрија да застанат на страна на промената. Скопјани имаат визија дека градот треба да се раководи од јавниот, а не од приватниот интерес, порача Мециновиќ.
На жителите од Скопје, во вториот круг им порача дека имаат две визии: едната како што рече е онаа која 35 години ја има во државата, која е застарена, коруптивна, криминална и им ги одзема годините, можностите и животите, и онаа втората, за која, како што истакна, е нивна визија, за град во кој сите ќе сакаме да живееме.
„Скопје во наредните недели ќе одлучи за својата судбина“.
Мециновиќ најави дека и во следните денови Левица ќе продолжи со средби со граѓаните.
Во следните недели нема да се занимаваме со тоа што сте навикнати да го гледате, а тоа се препукувања на монополот меѓу ВМРО-ДПМНЕ и СДСМ. Тоа време заврши. Цензурата е залудна, скопјани ја видоа нашата визија. Го дочекавме денот кога ВМРО-ДПМНЕ и СДСМ нема да ни бидат судбина“, порача Мециновиќ.
Ги повика сите оние што се разочарани и се двоумат во нивниот избор да им се придружат.