Македонија
(Видео) Стоилковски: Која е улогата на Љупчо Кузмановски, кадар на СДС, советник за безбедност на директорот, во бегството од затворот „Идризово“?

Молчи СДС, молчи и Миле Зечевиќ за значењето на пораката „со шефот до крај“ на Срѓан Димитриевски, командирот на затворската смена, одговорен за бегството на Беким Мемети, изјави портпаролот на ВМРО-ДПМНЕ, Наум Стоилковски.
„Молчи и ДУИ за Идриз Асани, молчи и за Феми Јонузи, заменик-директорот на затворот ‘Идризово’, двајцата од ДУИ од Студеничани. Денеска одиме понатаму со испреплетени партизирани решенија во затворската администрација, одговорни за спектакуларното бегство.
Зечевиќ и СДС мора да кажат каква е улогата на Љупчо Кузмановски во сценариото за бегството на Беким Мемети? Дали Љупчо Кузмановски е советник за безбедност во КПУ ‘Идризово’, дали е советник на директорот Шпенд Тахири? Дали како советник на директорот директно е одговорен за безбедноста на затворот и за спроведување затвореници, а со тоа директно е одговорен за бегството на Беким Мемети, осуден затвореник за убиство? Дали Љупчо Кузмановски е дел од затворската администрација на барање на Зечевиќ во исполнение на Марјан Спасовски, директорот за санкции?
Ова е фотографија на која се Срѓан Димитриевски, викан Попот, а со него во сина маичка е Љупчо Кузмановски, советник за безбедност на директорот на КПУ ‘Идризово’, Шпенд Тахири.
Кузмановски и сега ѝ е познат на јавноста по срамното спречување на народот да присуствува на прославата на Крушево, минатата година да присуствува на Мечкин Камен како дел од параполицијата на СДС“, вели Стоилковски.
Бегството на Беким Мемети, затвореник за убиство и дрога, според него, е само уште еден доказ колку системот е девастиран со системската корупција и криминал. И сè уште ги нема вистинските одговори дали и колку е политичка одлуката за реализација на ова бегство имајќи го предвид молкот од СДС и ДУИ за нивните членови – сега веќе осомничени за договорено учество во оваа исценирано бегство“, додаде Стоилковски.
Заради партизација, криминал и корупција, за пусти пари, Македонија ја претворија во територија на мафијата и организираниот криминал, заклучи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
СДСМ: Борко Ристовски треба да си поднесе оставка за резил олимпијада и за хаосот во спортот

Македонија беше понижена, посрамотена и претставена како земја од 19-от век пред очите на меѓународната спортска јавност и тој резил со Младинската олимпијада е најголемиот дебакл во поновата спортска историја на државата, велат од СДСМ.
„Не е само катастрофалната организација, катастрофални се и резултатите на македонските спортски федерации, кои го одразуваат општото пропаѓање на спортот со оваа Влада и Ристовски како министер.
И додека најгордата Влада немала пари за соодветно сместување, вода, превоз, храна, клима-уреди и достоинствени услови за олимпијците имала за ПР и маркетинг!
Вработени во ПР-компанијата „ИДЕА Лаб“, чиј сопственик е близок до ВМРО-ДПМНЕ, добиле бизниси поврзани со олимпијадата, од маркетинг до менаџмент на социјални медиуми.
Значи има пари за ПР ама нема за основни услови за спортистите. Срамно и бедно.
Човекот кој пред неколку месеци ја убедуваше јавноста дека ќе организира „најдобра Младинска олимпијада во светот“ не може да побегне од одговорноста.
И не е само резил олимпијадата. ВМРО-ДПМНЕ и Борко Ристовски го деградираа и целосно го запоставија македонскиот спортот.
Намелена е поддршка на спортот на историски најниско ниво. Наместо 15 милиони евра субвенции, со ребаланост на буџетот поддршката се намали на само 6,7 милиони евра – најмалку досега.
Секој клуб, секоја федерација, секој спортист добива 40% помалку директна поддршка.
И сè уште нема отчет како се распределуваат тие пари.
Борко Ристовски е министер кој стана капитен на распадот во македонскиот спорт.
На Ристовски му стана поважна министерската фотелја отколку принципите по кои некогаш настапувал. Денес не ги поддржува спортистите, туку ги брани интересите на своите партиски шефови.
Бараме неотповиклива оставка од Борко Ристовски – веднаш!
Не само поради скандалот со Младинската олимпијада, туку и поради системското уназадување на македонскиот спорт. Одговорност мора да има!“, стои во соопштението на СДСМ.
Македонија
ВМРО-ДПМНЕ: Меѓусебната заштита на Коцевски со СДС и ДУИ е причина за 2% доверба во судството

СДС ги штитат корумпираните обвинители и судии бидејќи им овозможуваат закрила на нивните функционери, велат од ВМРО-ДПМНЕ.
„Клиентелизмот на Коцевски е гаранција за заштита и неказнивост на функционерите од СДС и ДУИ.
Поддршката што Коцевски ја доби од Филипче е меѓусебна заштита која ја гуши правдата во државата. Бидејќи доколку падне Коцевски, ќе се отворат врати за истраги како против Филипче така и за останатите функционери од СДС и ДУИ.
СДС со негласањето на интерпелацијата целосно се разголи, и на виделина пред јавноста излезе спрегата помеѓу СДС, ДУИ и Коцевски.
Очигледно е дека СДС и ДУИ стојат зад заштитата на Коцевски, кој за возврат не презема ништо за наводните злоупотреби и сомнежи за висоока корупција како и сомнителни тендери поврзани со Филипче, Заев и Ахмети.
Со одбивањето да ја поддржат интерпелацијата, СДС и ДУИ јасно покажаа кој го поставал Коцевски и кој го одржува на функцијата, јавниот обвинител Коцевски.
Се додека Коцевски е на позицијата, довербата во правосудството ќе биде помала од 2%, а одговорност за криминалите поврзани со СДС и ДУИ нема да има.
Доколку постои грам морална одговорност кај Коцевски, треба да ја препознае пораката од јавноста и да си поднесе оставка.
На Македонија и се неопходни темелни реформи во судството, правосудство растеретено од политички влијанија каде судиите и обвинителите ќе носат одлука врз основа на законите и Уставот а не под влијание на партиските интереси на СДС и ДУИ.
Во Македонија неопходно е правдата да завладее, неопходни се коренити реформи и трансформација на судскиот систем“, пишува во соопштението на ВМРО-ДПМНЕ.
Македонија
Времето денеска сончево со мала до умерена облачност, попладне локален пороен дожд и грмежи

Времето денеска ќе биде сончево со мала до умерена локална облачност.
Ќе дува слаб до умерен ветер претежно од југоисточен правец.
Попладне ќе има изолиран развој на нестабилна облачност со локален пороен дожд и грмежи.
Минималните температури ќе се движат од 12 до 20, а максималните од 26 до 36 степени целзиусови.
Во Скопје, сончево со мала до умерена облачност. Ќе дува слаб ветер од југоисточен правец. Минималната температура ќе биде 17, а максималната дневна ќе достигне 36 степени.