Македонија
(Видео) Стоилковски: „Молкот на институциите поттикнува беззаконие“

„Молкот на институциите поттикнува беззаконие. По скандал со дуќан беспари во Скопје, скандал со хотел на Попова Шапка, скандал со фирма за баждарење бензински пумпи, скандал со пари од министерство во семејна фирма, скандал со фирма за гаќи за надзор, неказнивоста е до толку голема да за спречување на дивоградба да користиш и обвиниш за етнички базирана одлука!“, истакна на денешната прес конференција портпаролот на ВМРО-ДПМНЕ, Наум Стоилковски.
Според него, зад дивоградба од 160 m² во Радишани стои самоволие и неказнивост.
„Општина Бутел сопира градење без документи, дивоградба за која има основано сомневање дека зад неа стои Артан Груби, а градител е негов братучед.
Градбата е почната без документи, општината ја запира, а Артан Груби со партиски соопштенија обвинува дека на Албанци им се забранувало да градат.
Срамен е молкот на институциите што поттикнува се поголемо беззаконие“, потенцира Стоилковски.
Оценува дека се додека јавноста сведочи за неказнети афери и скандали со илјадници и милиони евра, Македонија се подлабоко ќе тоне во сиромаштија и иселување!
Граѓаните, додава портпаролот на ВМРО-ДПМНЕ, немаат доверба во институциите, а ликови како Артан Груби уживаат во неказнивост и недопирливост.
Ова мора да има крај!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Левица: Воведените царини се доказ дека Македонија никогаш не била стратешки партнер на САД

Санкциите што САД ги воведоа на Македонија, со зголемување царини на увоз на роба за 33% – со стапки повисоки од оние наметнати на земји кои со години се под американски санкции се очигледен доказ дека Република Македонија за САД всушност никогаш не била стратешки партнер, туку само стратешка алатка во служба на нивните империјалистички интереси, сметаат од партијата Левица.
„Повеќе од две децении македонските политички елити, без разлика дали доаѓаат од ДПМНЕ или СДС, водат вазалска политика потчинета на Вашингтон. Под превезот на тнр. „стратешко партнерство“, Македонија ги прифати сите ултиматуми од САД – од Охридскиот рамковен договор, промената на името па сè до склучување зделки погубни за домашната економија со единствена цел за задоволување на интересите на американските корпорации. Сето ова не ја поштеди Македонија од ударите на „стратешкиот партнер“. Додека народот плаќа милијарди на американски компании како „Бехтел и Енка“ при што Собранието воведува робовладетелски противуставни закони за работа од 72 часа неделно и додека буџетот за НАТО се зголемува на штета на македонските граѓани, САД ја косат македонската економија со драконски царини“, пишува во соопштението.
Како што велат од партијата, кмет на ваквите политики во Македонија е Христијан Мицкоски, кој, како што се наведува, во очајнички обид да ѝ се додвори на новата екстремнодесничарска американска администрација, годинава неколкупати го посети Вашингтон, присуствувајќи дури и на инаугурацијата на претседателот на САД Доналд Трамп.
„Ваквото шеткање на Мицкоски и неговата делегација низ маргиналните коридори на американската администрација на Република Македонија успеа да ѝ донесе фатален економски удар среде ужасната криза во која нашата држава се наоѓа. Потребата за активно вклучување во тековите на мултиполарниот свет никогаш не била поочигледна, а Левица е единствена партија којашто се залага за партнерство со сите земји членки на Советот за безбедност на ООН, како и приоретизирање политика на економска и инвестициска соработка, а не марионетско фигурирање кое форсира пристрасност, противречие и функција на пион во меѓународни трговски битки. Позицијата на Левица останува јасна – Република Македонија нема да биде колонија на САД и ќе води внатрешна и надворешна политика врз основа на сопствените интереси, а не раководена од диктатот на Вашингтон и Брисел“, велат од партијата.
Македонија
(Видео) МВР: Не е вистина дека автомобилот непрописно паркиран во Дебар Маало е на полицаец

Во врска со видеото на социјалните мрежи на кое се гледа непрописно паркирано возило со скопски регистарски ознаки на територија на Дебар Маало , МВР информира дека настанот се случил на 22 март.
Возилото било подигнато од страна на ПОЦ, а на возачот на возилото С.К. издаден му е платен налог.
„Ве информираме дека предметното возилото не е на полициски службеник“, велат од МВР.
Во врска со постапувањето пак на полициските службеници при подигнувањето на возилото, веќе постапува Одделот за внатрешната контрола, криминалистички истраги и професионални стандарди при МВР и по завршување на целокупната постапка соодветно јавнотост ќе биде информирна.
Возилото ги изиритира граѓаните зашто беше паркирано сред велосипедската патека, и бараа да биде подигнато. Од целиот настан, објавено е видео.
Македонија
Кузеска: Трагедијата во Кочани покажа длабоки пропусти на МВР, мора да има одговорност

Најтешката трагедија во поновата историја на нашата држава – трагедијата во Кочани – однесе уште една жртва. Болката се уште е огромна, а прашањата за одговороност за институционалните пропусти– сè погласни. Трагедија со вака тешки последици, со толку голем број на жртви повикува на неселктивна истрага и одговорност од сите, изјави портпаролката на СДСМ, Богданка Кузеска.
Таа рече дека и покрај сите пропусти непосредно на денот на кобната ноќ и пред тоа, сè уште ниту еден командир, инспектор, началник или функционер на МВР – од ОВР Кочани, СВР Штип или БЈБ – не е повикан на распит, ниту опфатен со истрагата. А токму тие биле на функција, имале законска обврска и должност да постапат на 16 март.
„Законот за јавни собири јасно вели дека за масовен настан со над 600 луѓе, мора да има полициско присуство и безбедносен план, дури и ако не бил формално пријавен.
Факт е дека МВР не постапило соодветно, не изготвило безбедносен план, не направило проценка на ризик, иако настанот бил јавно најавен.
Исто така, МВР е надлежно за дозволите и контролата на употреба на пиротехника во затворен простор – која што е основна причината за пожарот.
Полицијата, која била на лице место кобната ноќ во диското – видела малолетници, пиротехника, непријавен настан, клуб без лиценца – и не презела ништо!
Значи сите контролни механизми и безбедноста кои се во надлежност на МВР – особено Бирото за јавна безбедност, СВР Штип и ОВР Кочани затаиле.
Како е можно да нема никаква одговорност од актуелните полициски функцинери кои биле на позиции тој ден?
Еден од тие функционери е Томо Донев, началник на криминалистичка полиција во Кочани.
Тој е фотографиран на партиски состанок на ВМРО-ДПМНЕ иако според Законот, забранета е политичка активност за полициски службеници.
Јавно прашуваме:
Дали поради оваа близина со ДПМНЕ досега не се опфатени со истрагата актуелни фукцинери од МВР?
Ова не е прашање на политика. Ова е прашање на одговорност и правда.
Граѓаните, жртвите и нивните семејства заслужуваат одговори а јавноста бара одговорност, од прв до последен“, изјави Кузеска.