Македонија
(Видео) Стоилковски: Тендерот за мала хидроцентрала меѓу функционери од СДСМ во Неготино е незаконски
![](https://makfax.com.mk/wp-content/uploads/2022/01/stoilkovski-1.png)
„Во време на закажани избори, директорката на ЈП ‘Комуналец Неготино’, Марина Бојаџиева, функционер од СДСМ, распишува тендер за јавно-приватно партнерство, што е спротивно на законот. Огласот е објавен истиот ден кога почнува предизборната кампања, 27 септември 2021 година. На тендерот се јавува еден понудувач, семејната фирма на директорот на ТЕЦ ‘Неготино’ и висок функционер во СДСМ, Небојша Стојановиќ. И наместо во име на транспарентноста и почитување на законитостите на јавните набавки да биде поништен тендерот, Бојаџиева од СДСМ ја прифаќа понудата од Стојановиќ од СДСМ за изградба на мала хидроцентрала на системот за водоснабдување ‘Лукар’ со јавно-приватно партнерство“, истакна на денешната прес-конференција Наум Стоилковски, портпарол на ВМРО-ДПМНЕ.
Објасни дека Општина Неготино за сето ова има поднесок до ДКСК, каде што предметот е архивиран на 31.12.2021 година.
„Предметот е предаден на член на комисијата, а досега од ДКСК сѐ уште немаат никакво известување. Според законот, рокот за информација за предмет е 60 дена. Календарски, рокот за предметот во ДКСК испратен од Општина Неготино истекува денеска. А информација нема. 60 дена изминуваат, а информација од таму што се случува по овој предмет нема. Тендер на ЈП е објавен на денот на почетокот на предизборна кампања. Во случајот има само еден заинтересиран и добитник на тендерот. Притоа прекршени се уште неколку законски обврски за ваква набавка, јавно-приватно партнерство“, додаде Стоилковски.
Нагласи дека директорката на ЈП „Комуналец Неготино“, Марина Бојаџиева, функционер од СДСМ, ја спровела оваа јавна набавка иако не била дел од планот за јавни набавки за таа година.
Според него, комисијата за евалуација на понудите не е во пропишан состав, односно, наместо еден претседател и најмалку четворица членови, како што е пропишано, изборот е направен од претседател и само двајца членови на комисија.
„Се доведува во прашање и дали воопшто е изработен елаборат за животна средина како законска обврска, но и дали воопшто е спроведена јавна расправа и колку граѓаните биле запознаенми со намерата за изградба на мала хидроцентрала на системот за водоснабдување ‘Лукар’? ДКСК мора да преземе мерки кон поништување на актите со коруптивни мотиви“, истакна Стоилковски.
Оценува дека Македонија тоне на сите мерења на борбата против корупцијата, а една од причините, како што рече, е молкот на институциите како ДКСК.
Доколку ДКСК не си ја заврши работата, ЈО мора да ја преземе обврската и да отвори постапка по допрен глас, смета портпаролот на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Познат идентитетот на Македонката која загина во тешка сообраќајна незгода во Грција, тешко повредени уште две девојки
![](https://makfax.com.mk/wp-content/uploads/2024/06/soobrakajka-grcija.jpg)
Министерството за надворешни работи соопшти дека денеска во 12 часот по локално време, на автопатот Егнатиа, во Република Грција, се случила тешка сообраќајна несреќа, во која М.Н. (1995), државјанка на Република Северна Македонија го изгуби животот.
„Претставниците на Генералниот конзулат на Северна Македонија во Солун, кои од времето на настанатата трагедија беа во контакт со блиски на жртвата, остануваат на располагање за асистенција во врска со преносот на останките на починатата во земјата.
Воедно, информираме дека засегнати се и три наши државјанки, сопатници на починатата, А.К (2000) и М.Р (2000), кои добиле тешки повреди и И.Ј (1999) која не е повредена, при што се соодветно хоспитализирани“, соопшти МНР.
Генералниот конзулат останува во постојана комуникација со надлежните институции и на располагање на повредените наши државјанки и нивните семејства при евентуална потреба за помош, до нивното враќање дома.
Македонија
(Видео) Хеликоптер на МВР исфрли над 20 тони вода врз пожар во кичевско
![](https://makfax.com.mk/wp-content/uploads/2024/06/pozar-mkd.jpg)
Денеска хеликоптер Бел-412 од Одделот за воздухопловни единици на МВР, по добиено барање од ЦУК, дејствуваше на пожарот на отворено во атар на село Цер во општина Кичево, извести МВР.
Хеликоптерот исфрли над 20 тона вода и го стопира кракот што се наближуваше да зафати букова шума, соопшти МВР.
Македонија
Топлото време продолжува и во наредните денови, утре температурите до 40 степени
![](https://makfax.com.mk/wp-content/uploads/2021/06/toploten-bran-sad.jpg)
Времето утре ќе биде сончево и многу топло со мала до умерена локална облачност. Попладне облачноста ќе се зголеми. Ќе дува слаб до умерен ветер од западен и југозападен правец. Минималната температура ќе биде во интервал од 15 до 23, а максималната ќе достигне од 33 до 40 степени. UV=9
Во Скопје сончево и многу топло со мала до умерена облачност. Ќе дува слаб ветер од западен правец. Минималната температура ќе се спушти до 21, а максималната ќе достигне до 40 степени.
Во деновите од викендот нашето подрачје и понатаму ќе биде под влијание на многу топла воздушна маса од југ поради што времето ќе биде претежно сончево и натпросечно топло. Од понеделник во попладневните часови ќе има локален развој на нестабилна облачност со краткотраен пороен дожд и грмежи. Дневните температури ќе бидат во постепено благо опаѓање.