Македонија
(Видео) Стојаноска: Џафери нема основ да го отфрли референдумот, прави правна гимнастика за бегство од народот
Талат Џафери во минатото имал многу улоги, а денес противправно си ја додаде и улогата на уставен судија. Толкување на Уставот е работа единствено на Уставниот суд.
„Прво, прават правни гимнастики за да ги избегнат народот и неговиот став за договорот“, изјави Дафина Стојаноска, член на ИК на ВМРО-ДПМНЕ и пратеник. Второ, бегаат од соочување со народот затоа што се свесни за две работи. Првата: знаат дека ќе има одѕив, втората: знаат дека народот е против договорот, кој е извор на асимилацијата што СДС и Ковачевски ја спроведуваат. Трето, Талат, наместо чувар на Уставот, стана шампион во кршење на Уставот. Нема друг случај во светот, каде што претседател на Собрание толкува Устав затоа што тоа е единствено во надлежност на Уставниот суд.
Референдум за поништување на Законот за ратификација на договорот со Бугарија е во согласност со чл. 24 од Законот за референдумот и не е во спротивност со Уставот. Чл. 24 од Законот за референдумот овозможува да се прави референдум и за меѓународни договори.
Четврто, ВМРО-ДПМНЕ има референдумско прашање со кое не ја менува содржината на договорот, туку го оспорува Законот за ратификацијата, со кој тој се прогласува за важечки.
Петто, антимакедонскиот СДС бега од македонскиот народ и од другите граѓани што се против коалицијата СДС-ДУИ и не ја заслужуваат нивната доверба. Се плашат и бегаат од избори, се плашат и бегаат од референдум, но нема да избегаат од следниот изборен пораз по кој следува одговорност пред законите и пред Уставот.
Ова само дополнително ќе ги заостри односите во Собранието и ќе ги зголеми поделбите. За сето ова, единствено одговорна ќе биде власта“, порача Стојаноска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Министерт Лимани учествува на Форумот за млади на земјите од Западен Балкан во рамки на Берлинскиот процес
Министерот за социјална политика, демографија и млади Фатмир Лимани денеска отпатува за Берлин, Сојузна Република Германија на Форумот за млади на земјите од Западен Балкан како дел од настаните организирани во рамки на Берлинскиот процес на 13-ти и 14-ти Октомври.
Лимани ќе се обрати на конференцијата насловена: „Декада на влијание: Младите го зајакнуваат регионот во рамките на Европскиот проект“, заедно со министри на Владите од шесте земји од Западен Балкан, како и на Франција и Германија и претставници на Регионалните канцеларии за младинска соработка – RYCO.
Оваа година се одбележува значаен јубилеј во историјата на нашиот регион — 10 години од започнувањето на Берлинскиот процес кој што не претставува само иницијатива, туку визија за иднината на Западен Балкан, преку промовирање на регионална стабилност, економски развој, соработка меѓу земјите и поддршка во евроинтеграциите.
Основањето на RYKO претставува особено важна платформа за младите во нашиот регион, затоа што игра клучна улога во поврзувањето на младите во регионот. И претставува едно од најголемите достигнувања произлезени од Берлинскиот процес.
Во агендата на Министерот Лимани покрај учеството на панел дискусијата насловена: „Европскиот проект низ призмата на младите“, се и повеќе билатерални средби.
Македонија
Општина Центар обезбедува бесплатни советодавни услуги од психолог, правник и социјален работник за граѓаните кои биле жртви на насилство или друга злоупотреба
Општина Центар во соработка со Националниот совет за родова рамноправност овозможува бесплатни советодавни услуги од психолог, правник и социјален работник за граѓаните кои претрпеле насилство или биле било како злоупотребени. Станува збор за давање бесплатни совети од страна на стручни тимови со различни области.
Психолошкото советување опфаќа психолошката помош обезбедена од страна на стручно лице-психолог искусен за траума и злоупотреба кој нуди индивидуални и групни советувања за жртвите, фокусирајќи се на исцелување, зајакнување и развивање на отпорност.
Правно советување се однесува на примарна правната помош обезбедена од страна на стручно лице кое на граѓаните кои биле злоупотребени им нуди општи и начални упатства и информации за начинот, условите и постапката за остварување на определено право или интерес во областа за семејно и родово базирано насилство, исполнување на конкретна обврска и упатување на надлежен јавен орган или надлежен суд, совет за начинот и можностите за решавање на правното прашање, за законската регулатива, можноста за вонсудско решавање, за правилата и трошоците на постапката, за извршување на одлуките на постапката како и запознавање со правата и обврските на барателите и корисниците на бесплатна правна помош.
Додека пак советувањето од социјален работник на граѓаните жртви им нуди поддршка во пристапот до социјални услуги, вклучувајќи советување за вдомување, можности за вработување и образовни ресурси.
Услугите на советување ќе се реализираат секој вторник во времетраење од 4 часа со почеток од 10:00 часот до 14:00 часот во просториите на Младински Центар, Општина Центар.
Општина Центар напоменува дека давателите на услуги односно стручниот тим во постапувањето обезбедува заштита на жртвите, го штити нивниот идентитет и нивните податоци, ја гарантира доверливоста на податоците и информациите кои се прибираат при работа и го почитува нивното достоинството.
Македонија
ВМРО-ДПМНЕ: Претходната власт испланирала буџет за половина година, а сега наместо раст Владата враќа нивни долгови
Владата на СДС и ДУИ целосно ги промашила проценките за економијата и сега наместо раст Владата враќа нивни долгови, велат од ВМРО-ДПМНЕ преку соопштение.
„За да видиме каде сме, треба да знаеме од што почнавме или што ни остави претходната Влада предводена од СДС и ДУИ.
Реалноста покажува дека СДС и ДУИ ни оставија институции кои тонат во корупција и криминал, нереално проектиран буџет, нереално проектиран раст. СДС и ДУИ планирале буџет за половина година, а не за текот на цела 2024 година што значи на новата Влада не и оставија никаков простор за маневар.
83 милиони евра од Буџетот ќе се потрошат за отплата на кредитите кон странство што претходната влада на СДС и ДУИ заедно со директорите ги направиле преку јавните претпријатија како Државни патишта, Железници, ЈСП, ЕСМ кои не се во состојба да ги исплаќаат, а за истите се издадени државни гаранции.
И не само ова, туку претходната влада ан СДС и ДУИ целосно ги утнала проценките за раст на економијата кога го креирала Буџетот. Оттука, растот кој сега се очекува не 3,4 проценти, туку 2.1 процент.
Ваква Македонија наследивме. Ова ќе го смениме. Неспособноста завршува со нив, работиме 100 проценти одговорно за твојата иднина!“, се вели во соопштението на ВМРО-ДПМНЕ.