Македонија
(Видео) Тасевска: Во кризна година растат платите во образованието, културата, здравството, судството, МВР
Пратеничката на СДСМ Лидија Тасевска при реплика во рамките на собраниската седница посветена на предлог-буџетот за 2023 година истакна дека во време на кризна година СДСМ обезбеди раст на платите за илјадници граѓани.
„ Оваа е таа кризна година, во која направивиме раст на платите. Вкупно 37.000 лица од образованието добија раст на платите за 15 проценти, 12.000 вработени во МВР, раст на платите од 5 проценти, 3.500 вработени во културата раст на платите од 30 проценти, 2600 вработени во судството раст на платите 15 проценти, 20.000 вработени во здравството, раст на платите од 5 проценти и претходно 25 отсто во време на ковид кризата, 4.000 од високо образование 7 проценти, а претходно уште 8 проценти, истакна Тасевска.
Пратеничката Тасевска направи куса илустративна хронологија на цени и плати.
„ Највисоката цена на нафтените деривати во измината деценија била во 2012 година, кога цената цената не бензинот евросупер 98 била 88,50, а на евросупер 95 денар и пол помалку. Минималната плата во 2012 година била 8.080 денари, а во 2022 година е 18.000 денари, нагласи Тасевска додавајќи дека тогашаната влада предводена од ВМРО-ДПМНЕ не преземала никакви мерки за заштита на куповната моќ на граѓаните.
Тасевска во однос на синдикалната кошничка, истакна дека таа во 2012 година се полнела 4 минимлани плати, а во 2022 година синдикалната кошничка се полни со 2,8 минимални плати.
Пратеничката на СДСМ Лидија Тасевска, посочи дека во буџетот за 2023 година се обезбедени 90 милиони евра за НАТО интеграција и стандарди, 25 милиони евра за сткови резерви, 20 милиони за рурален развој, 12 милиони евра за третман и управување со отпадни води, 11 милиони евра за рамномерен регионален развој, 4 милиони евра за реконструкција на основни училишта, 3,5 милиони евра за гасификација, 3 милиони евра за казнено поправните домови, 2,5 милиони евра за изградба на социјални станови, 2,5 милиони евра за спортски сали, 2,3 милиони евра за студентски домови, 2 милиони евра за хидросистемот Злетовица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.
Македонија
Одбиена тужбата на „Европскиот фронт“ за избирачкото место во Долнени
Управниот суд ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024.
„Европскиот фронт“ поднесе седум тужби против решенија на ДИК на Парламентарните избори 2024.
Досега Управниот суд ja одби како неоснована и тужбата за избирачкото место 1194, во Општина Крушево.
Македонија
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“
Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот.
„Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој.