Македонија
(Видео) Тасевска: Повеќе пари за македонското културно наследство, СДСМ поднесе измени на Законот за игрите на среќа
Пратениците од СДСМ поднесоа предлог на Законот за изменувањето и дополнувањето на Законот за игрите на среќа и за забавните игри.
Нашат цел e со овие измени дел од парите што се влева во државниот буџет преку игрите на среќа да се намени за зачувување на нашето домашно македонско културно наследство, истакна на денешната прес-конференција Лидија Тасевска, пратеничка на СДСМ.
На овој начин, како што рече, ќе се обезбеди соодветно зачувување на културното наследство во неговата автентична и интегрална форма.
Според неа, создавањето нов кадар за заштита на културното наследство и континуираната едукација на постојниот кадар во заштитата нужно упатува на потребата од дополнителни финансиски средства, со кои ќе се стипендираат кадри на сите три циклуси во образовниот процес.
„Со предлогот на Законот за именувањето и дополнувањето на Законот за игрите на среќа и за забавните игри предлагаме членот 16 да се измени.
Да се овозможи средствата остварени по сите основи од приредувањето на игрите на среќа и на забавните игри да се користат и за јавните установи за заштита на културното наследство преку Министерството за култура и за степендирање дефицитарни кадри во заштитата на културното наследство преку Министерството за образование и наука.
Износот се определува на 50 % од вкупниот приход од игрите на среќа и забавните игри утврден во претходната календарска година, но не помалку од 60 милиони денари и не повеќе од 120 милиони денари.
Бараме поддршка од сите пратеници за донесување на овие измени на законот затоа што придобивките се големи: ќе се надмине проблемот со кадровска дефицитарност на стручниот кадар во заштитата на културното наследство; ќе се создадат стручни кадари, кои ќе бидат подготвени да ги спроведат сложените постапки на непосредна заштита на културното наследсво во согласност со највисоките меѓународни стандарди; ќе се зголеми бројот на заштитени културни добра, ќе се унапредат заштитата, управувањето и одржливото користење на културното наследство; ќе се придонесе кон зачувување на културното наследство како моќен ресурс за развој на целокупното општество, како и за промоција на европските фундаментални вредности и двигател на економскиот и туристичкиот развој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Зегин“ го прославува 35-тиот роденден со голема хуманитарна трка
Триесет и пет години – не е само бројка туку и безброј приказни вткаени во компанијата ЗЕГИН. Секоја година исполнета со надминати предизвици, прославени победи, моменти на неизвесност, донесени храбри одлуки и непоколеблива посветеност на секој поединец кој придонел за растот на компанијата.
Триесет и пет години ЗЕГИН расте и како општествено одговорна компанија со сериозни дела зад себе кои остануваат и траат.
Подгответе се за настан, каде трчањето се среќава со забавата, а хуманата страна зазема централно место! Придружете се на ZEGIN СПЕКТРАТОН-ТРКА НА ХЕРОИ ВО СИТЕ БОИ!
Ова не е ваше типично трчање – ова е прекрасно искуство кое ќе направи да се чувствувате енергично и инспирирано.
Да влеземе заедно во 35-тата година од постоењето на Зегин, затоа на 9-ти јуни трчајте со нас за една хумана цел.
Стартот на трката е закажан во 08:00 часот со почетна точка во Општина Аеродром пред паркот Јане Сандански.
Средствата од секоја котизација ќе бидат донирани во Здружението “Во мојот свет” , со цел побрзо да се изгради првиот дневен центар во регионот за адолесценти и млади со аутистичен спектар и атипичен развој.
Побрзајте и пријавете се на следниов линк
Пријавувањето е отворено до 3 јуни
За сите детали околу овој голен хуманитарен настан можете повеќе да се информирате на социјалните мрежи
· Facebook https://www.facebook.com/zegintrka
· Instagram https://www.instagram.com/trka_zegin/
Не ја пропуштајте можноста да трчате, да се поврзете со истомисленици и заедно да оствариме една голема хумана мисија!
Се гледаме на стартната линија!
ПР
Македонија
Многу бргу ќе добиеме европски ориентирана влада, велат од партијата на Гаши
Многу бргу како држава ќе добиеме европски ориентирана влада, посветена за економски развој, инвестиции и подобрување на животниот стандард на граѓаните, велат од политичката партија Алтернатива, која е дел од коалицијата „Влен“ („Вреди“).
„Работните групи на ‘Влен’, како легитимен претставник на албанците и ВМРО-ДПМНЕ и како победничка партија во рамките на преговорите за формирање на новата влада, успешно го завршија процесот на интегрирање на изборните програми и постигнаа договор за претседател на Собранието да се предложи Африм Гаши. Во меѓувреме, ја информираме јавноста дека работните групи интензивно продолжуваат со преговорите до финализирање на договорот за вториот и третиот ешалон“, се додава во соопштението.
Во Собранието почна конститутивната седница на новиот собраниски состав. На дневен ред се избор на верификациска комисија, верификација на мандатите на новите пратеници, избор на комисија за прашања на изборите и именувањата, како и избор на претседател на Собранието – функција што е превидено да ја извршува Африм Гаши од Алтернативата.
Македонија
Димитриевски го поддржува Гаши за претседател на Собранието, поделбата на власта и министерските позиции сè уште не ги договорил
Африм Гаши има поддршка од ЗНАМ за претседател на Собранието. Лидерот на ЗНАМ, Максим Димитриевски, пред почетокот на денешната конститутивна седница во парламентот, одговарајќи на новинарско прашање, рече дека ќе го поддржат Гаши.
Димитриевски вели дека има големи очекувања од новиот парламентарен состав, а се надева и дека ќе дадат свој придонес и како партнери во новата влада.
„Знам очекува многу од овој парламентарен состав. Верувам дека како потенцијален партнер во идната власт ќе дадеме свој придонес со нашето политичко дејствување бидејќи веќе сериозно разговараме за имплементација на некои од нашите програмски определби во иднина. Немаме договорено никакви кадровски решенија. Сè уште разговараме на платформи“, рече Димитриевски.
Нагласи дека за неговата партија во втор план е поделбата на власта и министерските позиции, а во прв план им е сето она што им го ветиле на граѓаните во предизборниот период.