Македонија
(Видео) Трипуноски: 640 милиони евра за субвенции за земјоделците, покривање полиси и проекти за наводнување
Се наоѓаме пред крстопат и пред нас се две опции – едната е да останеме во калта заглавени и без перспектива, коja ни ja нуди СДСМ, и втората е избереме да си ја обновиме државата со над 1.000 мерки и проекти на кои се обврзуваме како ВМРО-ДПМНЕ, соопшти Цветан Трипуновски, член на ИК на ВМРО-ДПМНЕ.
„Три години зeмјоделците едвај врзуваат крај со крај. Три години земјоделството не само што не оди напред туку и стагнира. СДСМ ветуваа дека ќе обезбедат сигурен откуп и високи откупни цени, разни финдови, модернизација, ветуваа европско земјоделство, а сега имаме земјоделество како од 19 век.
Голготата на земјоделците мора да заврши. ВМРО-ДПМНЕ има план и стратегија за обнова на Македонија. Знаеме како и се обврзуваме заради вас, вашите и наши деца. Македонија мора да ја биде.
За наредните четири години, предвидуваме 640 милиони евра за субвенции, кои ќе бидат навремени и ќе се делат правично, не по партиски списоци, како што се прави тоа во моментот.
Се обврзуваме да инвестираме во одржување и изградба на системи за наводнување на земјоделските парцели во нашата држава, инвестиција што ќе биде во висина од 80 милиони евра.
Предвидуваме многу и за младите што сакаат да се занимаваат со земјоделество.
Неповратни средства ќе им бидат достапни на сите млади што ќе сакаат нивната основна дејност да биде земјоделството, со кои ќе може да набават механизација и друг вид опрема потребна во процесот на обработка на земјиштето.
Се обврзуваме никогаш повеќе земјоделците да не се чудат како ќе го прехранат семејството затоа што родот им го уништиле временски непогоди. Во таа насока ќе ги покриваме полисите за осигурување на земјоделските насади и посеви во висина од 70 %.
Имаме стратегија како да го промовираме извозот и да овозможиме поголеми откупни цени на земјоделските производи.
Дајте ја вашата поддршка за луѓе што знаат да сработат, да го реализираат ветеното и да го вратиме достоинството на македонскиот земјоделец.
СДСМ покажа дека може единствено повеќе криминал, може повеќе корупција и може само порази. Да ставиме крај на виткањето кичма. Исправи се, Македонијо! Одбери обнова! Гласајте за број 14 и за ВМРО-ДПМНЕ и коалицијата“, порача Трипуновски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Поради поголем пламен и отпаднати делови од приколка на возило делницата од автопат А1 Велес – Градско е затворена
Поради поголем пламен и отпаднати делови од приколка на возило, во 01:20 часот делницата од Автопат А1 Велес – Градско е затворена и возилата се пренасочуваат по експресниот пат Градсско – Дреново до локализирање и ликвидирање на пожарот, извести АМСМ.
Сообраќајот на магистралниот пат Прилеп – Градско се одвива наизменично.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Македонија
Без струја делови од Петровец, Чаир и Гази Баба
Од ЕВН Македонија АД известуваат дека денеска без електрична енергија ќе останат:
– во периодот од 08.30 до 11.30 часот, корисниците од селата Градманци, Летевци, Катланово и Брезница, општина Петровец;
– во периодот од 08.30 до 15.00 часот, корисниците од улицата Ордан Чопела, улицата Петре Георгиев и улицата Челопек, општина Чаир;
– во периодот од 09.00 до 13.00 часот, корисниците од улицата Вера Вучковска Жезељ во населба Хиподром, општина Гази Баба.
Македонија
Делови од Центар и Карпош денеска без вода
Од ЈП Водовод и Канализација известуваат дека денеска поради дефект во шахта од ф – ¾ на улицата Ацо Караманов бр. 10, во периодот од 09.00 часот па се до отстранување на дефектот без вода ќе останат дел од корисниците од улицата Ацо Караманов, како и објектот на Американската Резиденција, општина Центар.
Од ЈП Водовод и Канализација известуваат дека исто така денеска поради уличен дефект на улицата Девол бр. 15, во периодот од 09.00 часот па се до отстранување на дефектот без вода ќе останат корисниците од улицата Девол, општина Карпош.

