Македонија
(Видео) Христовски: Поради неспособноста на МВР да се справат со дојавите за бомби, се дозволува некој да си игра со судбините на нашите деца

„Никој не смее да дозволи да си игра со судбините на децата. Ова е сензитивна тема и без разлика кој го нарачува сето ова, треба да има на ум дека не може да си игра со системот и со граѓаните на Република Македонија“. Ова го изјави министерот за внатрешни работи, Оливер Спасовски, на 27.10.2022 година кога првпат во 8 училишта во Скопје беа пристигнати лажни закани за поставени бомби. Од тогаш до денес, во 40-ина наврати на речиси 500 локации, од кои најголем дел училишта, па дури и градинки во земјата, веќе 4 месеци сме беспомошни сведоци и жртви на страв, немир, паника и терор. Но, во исто време сме и жртви на лошото владеење со институциите, кои не може да се справат со овој проблем“, истакна на денешната прес-конференција Бојан Христовски, претседател на Градскиот комитет – Скопје на ВМРО-ДПМНЕ.
Очигледно, како што рече, некој дозволува да си игра со судбините на децата, да си игра со системот и со граѓаните на Република Македонија, што е сосема спротивно на она што го изјави Спасовски пред 4 месеци. „Но, тоа е апсолвирана тема. Оваа власт, МВР со ова раководство, но и другите надлежни институции, за жал, не се способни да се справат со проблемот што го вознемирува целото наше општество“, рече Христовски.
Оценува дека прекинот на редовната настава како последица од лажните пријави, покрај психолошкото, социјалното и образовното негативно влијание врз децата, сериозно влијаат и на животот и работата на нивните семејства. Не секој родител, според Христовски, може да го напушти работното место за безбедно да го спроведе детето до својот дом. Од таа причина, појаснува тој, многу деца остануваат без соодветна поддршка и помош при честите ситуации со лажни пријави за бомби, што понатаму може да предизвика дополнителни несакани последици.
„Поради тоа, јавно го повикуваме Министерството за образование и наука итно и во најкус можен рок да преземе активности за изготвување официјален план и протокол, кој ќе предвидува функционални мерки и процедури за постапување при случаи на лажни пријави за бомби и други безбедносни закани во училиштата и други објекти. Државниот образовен систем не смее да остави ниту едно дете без соодветна поддршка, превоз и безбедна локација по пријави за бомби, кои сериозно влијаат на психофизичкиот развој на децата.
Бараме од надлежните институции да престанат со игнорантскиот однос и наместо да бидат соучесници во креирање хаос, неизвесност и недоверба во системот со своето недејствување, веднаш да изготват применлив план со кој секое дете ќе биде соодветно згрижено и заштитено, а родителите изземени од незавиднтаа ситуација во која секојдневно се наоѓаат“, истакнува Христовски.
Апелира и до сите други фактори – училишта, локална самоуправа, родителите и сите други – да бидат вклучени во овој процес.
„Доста е молчење. Време е за акција. Децата се наш приоритет и сè што е поврзано со нив не трпи импровизации“, потенцира тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Муцунски на средба со помошникот државен секретар на САД за Европа и Евроазија, Андрју Стоу

Во рамки на работната посета на Вашингтон, министерот за надворешни работи и надворешна трговија, Тимчо Муцунски, оствари средба во Стејт департментот со помошникот државен секретар на САД за Европа и Евроазија, Андрју Стоу.
„На средбата се разговараше за постигнувањата во изминатите 30 години од воспоставувањето на дипломатските односи меѓу Република Северна Македонија и Соединетите Американски Држави, стратешкото партнерство, политичката и секторската соработка, како и потенцијалот за нивно понатамошно продлабочување“, соопшти Министерството.
Соговорниците заеднички ги потврдиле одличните билатерални и пријателски односи, засновани на вредностите на безбедност, демократија и слобода. Министерот Муцунски упатил благодарност за континуираната поддршка од САД во трансформацијата на општеството, зајакнувањето на капацитетите и спроведувањето на неопходните реформи.
На средбата станало збор и за силното сојузништво во НАТО, активната соработка во мултилатералните организации и заедничкиот придонес кон регионалната и глобалната стабилност и безбедност.
Македонија
Викендов сончево и топло време

Утре наутро ќе биде ведро и посвежо, преку денот претежно сончево. Ќе дува слаб до умерен ветер од северен правец, информира УХМР.
Минималната температура ќе биде во интервал од 4 до 15, а максималната ќе достигне од 25 до 31 степен.
Во Скопје, сончево со слаб до умерен ветер од променлив правец.
Минималната температура ќе се спушти до 10, а максималната ќе достигне до 31 степен.
За време на викендот и во првите денови од следната седмица ќе се задржи сончево и топло време со постепен пораст на температурата на воздухот. Потоа ќе настапи зголемување на облачноста.
Македонија
Викендов посебен сообраќаен режим кон манастирот во Калишта

За време на одржувањето на големиот православен празник „Рождество на Пресвета Богородица“ – „Мала Богородица“кој на 20 и 21.09.2025 година се празнува во манастирот во струшкото село Калишта, ОВР Струга, ќе спроведе посебен сообраќаен режим.
Утре (20.09.2025) од 18 часот се до завршување на предвидените верски церемонии, сообраќајот за влез кон манастирот ќе се одвива преку магистралниот пат А-2 Струга-Ќафасан со исклучување кај селото Франгово по локалниот пат до хотел „Изгрев“ односно до манастирот а за излез од манастирот према Струга, сообраќајот ќе се одвива по регионалниот пат Р-1208, Радожда-Струга преку селото Калишта.
Истиот режим на сообраќај ќе биде и на ден 21.09.2025 (недела) со почеток од 08 часот наутро, се до завршување на церемонијата во попладневните часови.
„Со цел, непречено одвивање на сообраќајот во овие околности, апелираме до верниците да го почитуваат сообраќајниот режим и насоките на полициските службеници“, велат од охридската полиција.