Македонија
(Видео) Јанушев: Криминално-рекетарската банда на Заев и СДСМ е махер само во затворање фабрики

Обновата пред секој дом, обновата во секој град доаѓа. Денеска сме овде, во Пробиштип, посетивме неколку фабрики меѓу кои и една конфекција. За жал, она на што сме сведоци денеска е дека власта, криминално-рекетарската банда на власт на Заев и СДСМ е махер само во една работа, за затворање фабрики“, обвини генералниот секретар на ВМРО-ДПМНЕ, Игор Јанушев.
„По 69 години работа, сведоци сме на затворање на ‘Тетекс’ во Тетово. Она на што се посветуваме, она што го ветуваме пред вас, граѓаните, е тоа дека со многу работа, со многу труд без воопшто да се штедиме ќе ја донесеме обновата по 12 април во државата.
Нема да ветуваме брда и долини, ќе ветуваме реални работи пред вас, граѓаните. А, што е реално? Реално е нашето ветување дека во следните четири години во периодот од 2020 до 2024 година ќе ја намалиме невработеноста под 10%. Ќе овозможиме зголемување на платите на сите за најмалку 25% или што би значело секој еден од вас да добие по околу 6.500 денари повеќе на платата. Ќе ги зголемиме пензиите за 20% или секој еден пензионер којшто е во пензија ќе земе околу 3.000 денари повеќе.
Го напуштаме концептот на прогресивниот данок, нешто што се виде дека како мерка е премногу избрзана. Но и мерка којашто и покрај сите критики оваа криминално-рекетарска банда на власт, спротивно на сите нормални економски текови, се обиде да ја вметне во стопанството. Тоа ќе го напуштиме, ќе го вратиме назад рамниот данок и во самите први 100 дена истиот ќе го намалиме на 9%.
Обновата доаѓа по 12 април со многу работа, со многу труд ќе ја воздигнеме државата од ова мочуриште во коешто во моментов се наоѓа“, рече Јанушев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Хеликоптер од Чешка и 61 пожарникар од Словенија ќе помагаат во гаснење на пожарите

Меѓународна помош ќе пристигне во земјава да помогне во справување со пожарите. Помошта ќе дојде од Чешка и од Словенија.
Чешка испраќа хеликоптер Блек Хок со седумчлен екипаж. Се очекува да пристигнат попладнево.
Утре, пак, во Берово ќе пристигне тим од Словенија составен од 61 пожарникар со 18 возила.
Во текот на измнинатото деноноќие на територијата на државата евидентирани се вкупно 27 пожари на отворен простор. Од нив, седум се активни, три се под контрола, а седумнаесет се изгаснати.
Македонија
Граѓаните кои поседуваат легално оружје од сега ќе можат да набавуваат муниција директно во овластените правни субјекти

Согласно измените на Законот за оружје, стапи во сила новиот систем за набавка на муниција.
Со него, граѓаните кои поседуваат оружје ќе можат да ја набавуваат потребната муниција директно во овластените правни субјекти. Повеќе не е потребно претходно одобрение за набавка на муниција.
„Истовремено, преку централен електронски систем, Министерството за внатрешни работи ќе врши континуирана контрола и увид во количините што се набавуваат, во согласност со законски утврдените ограничувања. Со оваа промена, системот станува побрз, пофункционален и посовремен, без да се намали степенот на безбедносен надзор. Ова е уште една потврда дека се движиме во вистинска насока, со конкретни мерки што носат резултати и реално го подобруваат квалитетот на услугите што МВР ги дава на граѓаните“, истакна министерот за внатрешни работи Панче Тошковски.
Македонија
Меџити: Почиста иднина за 18 општини – стигнува новата опрема во вредност од 10.7 милиони евра

Првиот прв вицепремиер и министер за животна средина и просторно планирање, Изет Меџити, денеска потпиша два договори во вредност од околу 10,7 милиони евра со кои ќе обезбеди и испорача нова опрема за управување со отпад за 18 општини од Југозападниот и Пелагонискиот регион, како дел од реализацијата на Регионалниот проект за управување со цврст отпад.
Со овие два договора, информираше Меџити, е опфатено снабдување на општините Дебар, Струга, Битола, Кичево Прилеп, Долнени и други рурални општини со сеопфатна механизација: контејнери, канти, специјализирани камиони-компактори, скип-лифтови и кипер возила, односно сè што е потребно за ефикасно собирање, транспорт и одлагање на отпадот од страна на комуналните претпријатија во општините, во согласност со европските стандарди.
„Со оваа значајна испорака на опрема која е сериозен чекор напред кон одомаќинување на европските еколошки стандарди, продолжуваме со реализација на нашата стратешка цел – изградба на одржлив и интегриран регионален систем за управување со отпад. Благодарност до сите партнери кои денеска се со нас и сесрдно го поддржуваат овој процес, “ изјави министерот за животна средина и просторно планирање Изет Меџити.
Финансиската поддршка за оваа набавка е обезбедена преку Европската банка за обнова и развој (ЕБРД), со дополнителна помош од Швајцарскиот државен секретаријат за економски прашања (SECO), Инвестициската рамка за Западен Балкан (WBIF) и Владата на Шведска преку СИДА.