Македонија
„Визер“ нуди бесплатни летови за украинските бегалци
„Визер“ објави дека ќе ги поддржи украинските бегалци со тоа што ќе им понуди 100.000 бесплатни места на сите летови на континентална Европа што поаѓаат од граничните земји на Украина (Полска, Словачка, Унгарија, Романија).
Од компанијата велат дека се посветени да им помогнат на бегалците да стигнат до крајните дестинации, каде и да е тоа. Како што наведуваат, веќе додадени се поголеми авиони и дополнителни летови од граничните земји кон Европа за да помогнат во поддршката на движењето на бегалците доколку е потребна.
„Покрај тоа, ‘Визер’ препознава дека многу бегалци веќе почнале да се движат и може да бидат блокирани на други локации. Како таква авиокомпанијата ќе понуди билети од 29,99 евра за спасување (со исклучок на ОАЕ, Исланд и Канарските Острови), како и 69,99 евра за спасување на сите летови до ОАЕ, Исланд и Канарски Острови.
Украинските бегалци што сакаат да резервираат лет може да го сторат тоа со посета на: https://wizzair.com/#/rescue. 100.000 бесплатни седишта и билетите за спасување ќе бидат достапни за патување во текот на март. Од патниците ќе се бара да го дадат својот украински пасош/број на лична карта за време на резервацијата и да го покажат својот украински пасош/лична карта при пријавувањето.
Патниците сè уште се охрабруваат да ја проверат нашата веб-страница бидејќи може да бидат достапни и пониски цени. Како и да е, сакаме да обезбедиме сите украински бегалци да имаат пристап до прифатливи патувања, без разлика каде се наоѓаат во овој период на криза“, соопшти компанијата.
„Нашите срца се со украинскиот народ за време на оваа криза. Посветени сме да им помогнеме на што е можно повеќе украински бегалци да стигнат до безбедно место поради што ќе им понудиме 100.000 бесплатни места од пограничните земји и специјални цени за спасување на сите други летови. Веќе видовме големи хуманитарни напори на терен од страна на нашите луѓе во мрежата и како компанија сакавме да ја одиграме нашата улога во овие напори. Ние би биле среќни да обезбедиме безбедно патување за бегалците“, изјави главниот извршен директор, Јозеф Варади.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Лага e тврдењето на Николовски дека хотелите во САД во кои престојувал биле евтини
„Љупчо Дон Николовски, очигледно, кога станува збор за народни пари не памети колку каде дал, секако сеедно му е. Лага e тврдењето на Дон Николовски дека хотелите во САД во кои престојувал биле евтини. Хотелите во САД се платени неколку стотина евра од вечер, потврда за тоа се и документите кои самиот Дон Николовски ги доставил во сметководството на МЗШВ“, велат од ВМРО-ДПМНЕ.
„Дон Николовски ништо не го вади од одговорноста, дека додека земјоделците тука мака мачеле со откуп и пласман, тој ноќевал по скапи хотели платени неколку стотина евра. Дон Николовски раскалашено се однесувал со народните пари. Дон Николовски е лицемерен, никој повеќе не му верува„, се вели во реакцијата на ВМРО-ДПМНЕ.
Македонија
Доцни платата за вработените во Јавното претпријатие „Улици и Патишта“
Вработените во Јавното претпријатие Улици и Патишта не ја добиле платата за август која им се исплатува во септемри, иако рокот за исплата е до 15-ти во месецов. Во отвореното писмо до јавноста, вработените тврдат дека се под константни притисоци и се плашат да штрајкуваат, а како главен виновник за состојбата со платите го посочуваат директорот на претпријатието. Тие тврдат и дека претпријатието има пари, но плати нема.
„Платата за месец септември не е исплатена иако постои информација дека Град Скопје пред десетина дена префрлил повеќе од 40 милиони денари. Новоназначениот ВД директор, Ванчо Умленски, наводно го преземал компјутерот од секторот за Финансии и сите средствата ги пренасочил на добавувачи, меѓу кои и 19 милиони денари на „Пуцко Петрол“, иако на вработените им се потребни 15 милиони денари за исплата на платите„, велат Вработени во ЈП Улици и Патишта.
Од Град Скопје тврдат дека парите за плати треба да ги обезбеди самото претпријатие.
Македонија
Свежо утро, а преку ден сончево и релативно топло
Утрово посвежо, а преку ден, времето ќе биде сончево и релативно топло со мала облачност и со слаб променлив ветер. Минималната температура ќе биде во интервал од 3 до 13, а максималната ќе достигне од 22 до 28 степени, информираат од Управата за хидрометеоролошки работи.
Во Скопје, исто така, утрото посвежо, преку денот сончево и релативно топло време. Според најавите, минималната температура ќе се спушти до 7, а максималната ќе достигне до 27 степени.
Слично време нѐ очекува и утре, додека за во вторник и во среда, најавено е преодно наоблачување со локални врнежи од дожд, наместа поројни, со услови за појава на грмежи.