Македонија
Владата оценува дали ќе се прават филмски студија или станови за филмскиот град на Џон Малкович во Скопје
За предложениот филмски град во Скопје, инвеститорите ќе добијат одговор од Владата откога работната група што го оценува проектот ќе утврди дали се работи за изградба на филмски студија или за станбен простор. Вака денес премиерот Димитар Ковачевски одговори по вчерашниот апел на актерот Џон Малкович, еден од инвеститорите, проектот да биде поддржан оти ќе ја стави земјата на мапата на филмската индустрија и ќе отвори илјадници работни места.
„Се работи за проект кој е поднесен од група инвеститори, кои се приватни. Проектот се разгледува од страна на работна група, која работи на оценка на стратешките инвестиции. Стратешките инвестиции се гледаат од многу аспекти. Од аспект на тоа дали инвеститорот има обезбедено простор, начинот на финансирање, што ќе прави на тој простор, дали планира да прави, во овој случај филмски студија или планира да прави станбен простор. Кога сето тоа ќе се разгледа и доколку работната група оцени, во согласност со стандардите наведени во Законот за стратешките инвестиции дека тоа е добар проект, тогаш се поднесува до Владата. Сѐ додека нема оценка за сите аспекти на можната предложена идеја за инвестиција, Владата не може да донесе одлука“, рече премиерот Димитар Ковачевски.
„Стоунбриџ студиос“ е името на проектот кој предвидува изградба на музички и филмски студија во Скопје на земјиштето од касарната „Илинден“ покрај Качанички пат, но покрај филмски содржини, предвидени се и станбени единици.
Покрај актерот Малкович, на македонската јавност ѝ беше претставено дека меѓу инвеститорите е и холивудската ѕвезда Мат Дилон, а минатиот септември проектот доби поддршка од 27 македонски, српски и босански професори и театарски и филмски уметници. Тие преку отворено писмо побараа Владата да го поддржи проектот „Скопје технолошки парк“, во чии рамки е предвиден филмскиот град.
„Стоунбриџ студиос“ бара статус на стратешки инвеститор, кој значително ќе ги намали давачките кон државата за изградба на предвидените содржини. Додека премиерот Ковачевски чека одговор од работната група, директорот на Технолошко-индустриските зони, Јован Деспотовски, веќе се изјасни негативно за проектот оти инвеститорите првин сакаат да продаваат станови, а потоа да градат филмски студија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Управен оформи предмети за седумте тужби на „Европскиот фронт“ против решенијата на ДИК
Управниот суд оформи седум предмети за поднесените тужби од „Европскиот фронт“, кои се против одлуката на Државната изборна комисија (ДИК) за одбивање на приговорите за парламентарните избори.
„Со оглед на роковите за постапување и одлучување, Управниот суд итно ги презема сите процесни дејствија согласно Изборниот законик“, се вели во соопштението.
- Решение бр.УП1 бр.10-21/2 од 14.05.2024 година на Државната изборна комисија на РСМ, оформен е предмет УРП.бр.87/24;
- Решение бр.УП1 бр.10-21/1 од 14.05.2024 година на Државната изборна комисија на РСМ, оформен е предмет УРП.бр.88/24;
- Решение бр.УП1 бр.10-15/1 од 14.05.2024 година на Државната изборна комисија на РСМ, оформен е предмет УРП.бр.89/24;
- Решение бр.УП1 бр.10-17/2 од 14.05.2024 година на Државната изборна комисија на РСМ, оформен е предмет УРП.бр.90/24;
- Решение бр.УП1 бр.10-17/1 од 14.05.2024 година на Државната изборна комисија на РСМ, оформен е предмет УРП.бр.91/24;
- Решение бр.УП1 бр.10-6 од 14.05.2024 година на Државната изборна комисија на РСМ, оформен е предмет УРП.бр.92/24;
- Решение бр.УП1 бр.10-19/1 од 14.05.2024 година на Државната изборна комисија на РСМ, оформен е предмет УРП.бр.93/2
Попладнево Управниот суд одржа јавна седница по тужбата на „Вреди“. Судот одлучи дека постапката се прекинува откако претставникот на коалицијата изјави дека тужбата ја повлекува во целост.
Македонија
Мицкоски: Главен предизвик ќе бидат реформите во Судскиoт совет и Советот на јавни обвинители
Главен предизвик ќе бидат реформите во Судски совет и Советот за јавни обвинители. Наша цел е да ги распуштиме овие кои довербата во правниот систем ја сведоа на едноцифрена бројка проценти, и наместо нив самите судии и обвинители да си ги изберат своите претставници преку тајно гласање, изјави претседателот на ВМРО-ДПМНЕ, Христијан Мицкоски во неговото обраќање на Самитот Македонија 2025.
Мицкоски потенцираше дека владата предводена од ВМРО-ДПМНЕ нема намера ниту да поставува и предлага свои луѓе преку измени во законот, нити има намера да се мешаме, во овие две тела.
– Исто така наша обврска ќе биде да обезбедиме независен буџет, врзан со проценти од централниот за да бидат целосно автономни, за да не бидат потоа политичарите изговор на некој од тие корумпирани поединци во судство и обвинителство дека тие им правеле притисок. Сами да се изберат и сами да функционираат, а ние ќе правиме оверсајт на таа работа преку собраниска комисија во која ќе има претставници и на власта и на опозицијата, истакна Мицкоски.
Мицкоски нагласи дека целта е комплетна автономија во правниот систем.
Но ако забележиме било какво влијание од поранешни политички елити или други точки на влијание ќе има сериозна кривична одговорност. Немаме намера ниту милиметар да отстапиме, изјави Мицкоски.
Македонија
Џафери: Управнот суд и институциите да ја заштитат кредибилноста на изборите
Премиерот Талат Џафери од ДУИ, од прес-конференција во Владата се осврна на изборниот процес, и ги повика институциите да ја штитат кредибилноста.
Тој рече дека како премиер, одговорен за успешноста на изборите, добил извештаи од учесниците во изборниот процес за вознемирување во однос на обиди за изборен инженеринг со вон-институционален меѓупартиски договор за гласање и надгласување во Државната изборна комисија во врска со симптоматичните приговори поднесените од страна на учесниците во изборите.
Според извештаите, овие претензии за изборен инженеринг имаат за цел менување на соодносот на бројките во Собрание преку политички договор на маса.
„Кредибилност на изборите и на демократскиот процес, прифатен и поздравен од сите партии и од меѓународната заедница, сега е во рацете на Управниот суд и јас ги поканувам сите институции да постапат согласно Законот, без партиски или политички директиви од која било страна, и да го штитат кредибилитетот на изборниот процес докрај, без да фрлат дамка врз волјата на граѓаните изразена на изборите“, порача Џафери.