Македонија
ВМРО-ДПМНЕ: Брутална измислица на антимакедонската СДС е дека Мицкоски ја покачил струјата
Според опозициската ВМРО-ДПМНЕ, како ескалира енергетската криза во Македонија, како излегува на виделина криминалот и неспосoбноста на власта на Ковачевски, така антимакедонската СДС станува се понервозна. Заради тоа нивните лаги стануваат се побесмислени, велат од оваа партија.
„Брутална е измислицата дека Христијан Мицкоски ја поскапел струјата. Вистината е дека Ковачевски купува струја 30% поскапа од HUPX, додека претседателот Мицкоски како директор набавуваше 40% поевтина струја за народот. Очигледно има разлика. Втор факт е дека домашното производство на струја во време на антимакедонската СДС е намалено за 3 терават часови. Трет факт е дека енергетски капацитети во моќност од 400 до 500 мегавати стојат неискористени, затоа што не се направени навремени откривки на јаглен и не се подготвени соодветно за надоаѓачката криза“, посочуваат од ВМРО-ДПМНЕ.
Четврт факт, како што појаснуваат е дека компаниите во Македонија сега плаќаат и до 800 евра за мегават-час, што е поскапо од сите компании во регионот, со што стопанството губи над 1 милион евра дневно плаќајќи вакви цени.
Петти факт, додаваат е дека со Ковачевски народот плаќа 50% поскапа струја, а фирмите и до 400% повеќе во однос на лани, а во време кога Христијан Мицкоски беше директор на ЕЛЕМ цената на струјата се намали.
„Шести факт е дека со увозот, владата на Ковачевски овозможува профити на поедини трговци, кои за неколку дена заработуваат и до 600.000 евра. Седми факт е дека, во време на антимакедонската СДС Компаниите ЕЛЕМ (ЕСМ) и МЕПСО станаа најголеми загубари во државата. Осми факт е дека со тргувањето на ноќните вишоци на струја кадрите на СДС за само 25 часа направиле штета од близу 10 милиони денари. Девети факт е дека владата предводена од антимакедонската СДС толерирала кражба на струја во износ од десетици милиони евра годишно, кои потоа се наплаќаат од граѓаните кои се редовни плаќачи на сметки. Десети факт е дека компаниите кои се оставени на цедило од власта на Ковачевски поради неподносливите цени на електричната енергија најавуваат стопирање на работата или нивно селење во други земји, што би било погубно за македокската економија“, информираат преку нивното соопштение.
Ова, како што истакнуваат, е само дел од катастрофалните резултати кои ги предизвика неспособноста и криминалот на власта на КОвачевски и антимакедонската СДС.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК ги соопшти местата на кои ќе се прегласува на 22 мај
Државната изборна комисија (ДИК) денеска, на 105. седница, едногласно го усвои предлогот да се повтори гласањето во Изборната единица (ИЕ) 5 на избирачките места 1470/1 и 1470 во Општина Долнени, 1.194 и 1.202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачкото место 2101 во Општина Желино. Гласањето ќе се одржи идната среда, на 22 мај 2024 година.
ДИК на седницата ги разреши и претседателите на избирачките одбори, членовите и нивните заменици во избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино.
Со оглед дека се кратки роковите за избор на нови избирачки одбори, за да биде регуларно прегласувањето, општинските изборни комисии (ОИК) ќе треба да ангажираат некои од веќе постојните избирачки одбори, или од најблиските избирачки места или некои други, и за тоа ќе треба да достават известување до ДИК.
Кампањата за повторното гласање ќе трае до понеделник, 20 мај, 00.00 часот. Притоа, ќе важат истите листи за болни и немоќни лица, ќе нема можност да се пријавуваат нови.
Според ДИК, има можност за измени и предлози за овластени претставници на кандидати. Тоа важи и за членовите на избирачките одбори кои се предложени од политичките партии.
Македонија
Кацарска ја чува обезбедување, денес добила закани дека „страшно ќе одговара“
Непознато лице денеска напладне во близина на ТЦ „Рамстор“ во центарот на Скопје вербално и се заканувало на претседателката на Уставниот суд, Добрила Кацарска. По инцидентот интервенирало нејзиното обезбедување.
„Полициски службеници од полициската станица Центар денеска во 14:00 часот го лишиле од слобода В.П.Г. (57) од Богданци, постапувајќи по претходна пријава дека во угостителски објект во трговски центар на подрачјето на Центар во Скопје упатил закани кон Д.К.(67) од Скопје со зборовите ‘ќе одговараш, страшно ќе одговараш’. Лицето било задржано во полициска станица и по целосно документирање на случајот во координација со јавен обвинител против него ќе биде поднесена кривична пријава по член 144 од Кривичниот законик“, соопшти МВР.
Пред неколку дена во подземна гаража на зграда во Центар пронајдени се импровизиран кревет и кујнски нож на гражаното место на Кацарска.
Од МВР потврдуваат дека известен е јавен обвинител, предметите се подигнати за вештачење и се преземаат мерки за расчистување на случајот.
Македонија
Утре затворени неколку улици во Скопје
Утре од 08.30 до 12.30 часот, поради одржување на натпревар „Стопански триоги триатлон”, со стартно-целна позиција кај Спортскиот центар „Борис Трајковски” во дел од градот ќе има изменет режим на сообраќај, соопшти СВР Скопје.
Посебниот режим на сообраќај ќе опфати дел од уличната мрежа околу СЦ „Борис Трајковски” и дел од булеварот Илинден (десна коловозна лента), потоа на потегот од крстосницата со булевар 8 Септември до крстосницата со улицата Никола Парапунов и обратно.
Утре исто така со почеток во 09.45 часот, поради одржување на спортско-рекреативен настан „Прв до врв” ќе има посебен режим на сообраќај во делот од градот каде што ќе се реализира манифестацијата.
Настанот почнува пред Музеј на град Скопје – улица Св.Кирил и Методиј, потоа лево по булеварот Св.Климент Охридски, во продолжение право по булеварот Мајка Тереза, па лево по улицата Тодор Александров и по локалниот пат за Средно Водно до врв на Водно („Милениумски крст”).