Македонија
ВМРО-ДПМНЕ: Градоначалниците на СДСМ 6 месеци немаат ниту еден проект, додека градоначалниците од ВМРО-ДПМНЕ работат и градат

Градоначалниците на СДСМ 6 месеци немаат ниту еден проект, за разлика од нив градоначалниците од ВМРО-ДПМНЕ работат и градат, се вели во реакцијата на ВМРО-ДПМНЕ по прес-конференцијата на Дарко Каевски.
Од ВМРО-ДПМНЕ велат дека 6 месеци нема никаков проект во Центар, Струмица, Валандово, Делчево, Крива Паланка, Берово. 6 месеци граѓаните на овие општини не знаат ниту дали имаат градоначалник, еден проект нема, една улица не е направена,
За разлика од општините каде што СДСМ има градоначалници и не се работи ништо, во општините каде ВМРО-ДПМНЕ има градоначалници се реализирани или се реализираат над 1000 проекти, нивото на работа и пристап и одговорност кон граѓаните е подигнато.
Го разбираме и Каевски, нервозата кај него е голема затоа што фирмата на татко му не е добитник на тендерите во општините, туку сега се е јавно и транспарентно со еднаков пристап за секого.
Каевски можеби мора да си ги одработи становите, хациендата и парите во банка, па затоа излегува на прес конференции и чита нешто во кое и самиот не верува.
Каевски да не се труди попусто, лагите кои ги искажува може ќе го откупат во СДСМ, но пред законите по победата на ВМРО-ДПМНЕ сите ќе бидат исти, а тогаш ќе следи одговорност, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сончево со мала до умерена облачност, попладне со услови за краткотраен дожд и грмежи

Времето денеска, сончево со мала до умерена облачност. Попладне ќе има услови за локален развој на нестабилна облачност со краткотраен пороен дожд и грмежи. Ќе дува слаб ветер од променлив правец. Минималната температура ќе биде во интервал од 10 до 18, а максималната ќе достигне од 26 до 34 степени.
Во Скопје, сончево со мала до умерена облачност. Ќе дува слаб ветер од северен правец. Минималната температура ќе се спушти до 15, а максималната ќе достигне до 32 степена.
Во среда во попладневните часови ќе има развој на нестабилна облачност со локален пороен дожд и грмежи. Потоа ќе преовладува претежно стабилно време, а дневните темпетаури ќе бидат без значителни промени.
Македонија
Филипче: Актуелната власт го заборави Делчево само затоа што градоначалникот е од друга партија

Претседателот на СДСМ Венко Филипче заедно со градоначалникот на Делчево Горан Трајковски денеска ги посети капиталните проекти во градот. Салата АСНОМ, прочистителната станица, новиот пазар и новата градинка со капацитет за околу 150 дечиња.
„Станува збор за капитални проекти коишто беа навистина потребни и коишто сериозно го олеснуваат животот на граѓаните во Делчево.
Филипче оценува дека овие проекти не се само инфраструктура, туку се вложување во подобар живот за сите граѓани, проекти кои го менуваат животот на граѓаните на подобро. За жал, денеска Делчево не само што нема капитални проекти туку истото е целосно заборавено а тоа најмногу се одразува на граѓаните и тоа само затоа што градоначалникот не е од истата партија.
„Еве сега гледаме што значи да се нема поддршка од влада. Од оваа актуелна влада практично Делчево е заборавено и целосно е маргинализирано. Жалам што прават таква политичка сегрегација врз основа на тоа кој градоначалник од која партија е, тоа граѓаните навистина не го заслужуваат“, потенцираше Филипче.
Македонија
Во среда авионско прскање против комарци во Скопје

од Центарот за управување со кризи известуваат дека во Град Скопје во среда ќе се реализира авионско прскање против комарци.
„Авионската дезинсекција на подрачјето на градот Скопје, против ларви од комарци, ќе се реализира на 11.06.2025 година (среда), во раните утрински часови.
Доколку временските услови не го дозволуваат вршењето на дезинсекцијата, истата ќе се изврши првиот нареден ден, кога временските услови ќе бидат поволни, во истите термини“, велат од ЦУК.
Се известуваат пчеларите навремено да ги преземат потребните мерки за заштита на пчелите.