Македонија
ВМРО-ДПМНЕ: ДУИ го користи Ковачевски како грејач на фотелја за премиер од ДУИ
ДУИ го гледа Ковачевски само како чувар на фотелјата за премиер од ДУИ, тој за нив нема никаков авторитет, велат од ВМРО-ДПМНЕ.
„Полека но сигурно се покажува кој е вистински газда во Владата, а кој е негов извршител. Ковачевски е марионета на Груби и Османи. Прилично непријатна улога на Ковачевски, кој е премиер во периодот што мора да се премости од неговиот претходник до неговиот наследник. За тоа како се договорени, треба да си каже самиот Ковачевски, а ова е доказ дека власта троши време само на комбинаторики и тендери наместо да решава проблеми.
Ковачевски само живее во заблуда дека е премиер, во реалноста од ДУИ му ги бројат деновите кога ќе си замине. Бујар Османи јавно го посрамоти Ковачевски и на отворена сцена го кажа она што сите го мислат – дека Ковачевски е само грејач на фотелја.
Ковачевски има улога на англиска кралица, додека тој мисли дека е премиер, Груби промовира надзор од 22 милиона евра со фирма за гаќи, ја срамоти државата и го минира проектот. ДУИ само го користи Ковачевски за криминал и за чување на позицијата за премиер од нивната партија“, соопштија од опозициската партија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бесплатен ќе биде јавниот градски превоз денес по 18 часот
ЈСП Скопје ги информира граѓаните дека поради oвогодинешното издание на „Бела ноќ“, кое денеска (сабота, 5 октомври 2024) ќе се одржи на повеќе централни локации низ градот Скопје, во периодот од 18:00 часот од 2:00 по полноќ превозот на патниците во јавниот градски превоз ќе биде бесплатен.
Македонија
Бебе почина на Клиниката за детски болести во Скопје
Рано утринава на Клиниката за детски болести во Клиничкиот центар „Мајка Тереза“ во Скопје, почина 14-месечно девојче. Околу 04.50 часот на Детската клиника во Клинички центар „Мајка Тереза“, (В.С.) 29-годишен маж од село Гошинце и неговиот брат, оштетиле инвентар во болницата откако починало детето на В.С., информира МВР.
Бебето било донесено со Итна медицинска помош во болницата околу 03.45 часот, а причините за смртта дополнително ќе се утврдуваат.
„Денеска (05.10.2024) во СВР Скопје е пријавено дека околу 04.50 часот на Детската клиника во Клинички центар ‘Мајка Тереза’ В.С. (29) од с. Гошинце и неговиот брат Б.С. (35) од с. Гошинце оштетиле инвентар во болницата откако починала едногодишната ќерка на В.С., која, според пријавеното, била донесена со Итна медицинска помош во болницата околу 03.45 часот. Се преземаат мерки за расчистување на настанот“, велат од МВР.
Македонија
Поплави во Тетово, над 20 повици за помош добиле пожарникарите
Над 20 повици добиле ноќеска пожарникарите од Тетово за интервенци и испумпување на вода од поплавени куќи, дворови, подруми и улици. Најголем дел од поплавените куќи се во селата Мала Речица и Голема Речица. Интензивниот дожд траеше повеќе часа, а претпладнево нема врнежи.
Силниот и интензивен дожд што вчера попладнево и вечерва ја зафати Општина Тетово е причина за зголемување на бројот на повици до пожарникарите од страна на луѓе кои имаат потреба од нивна интервенција. Пожарникарите во текот на вчерашниот ден извлекуваа и неколку возила кои заглавиле кај поплавените подвозници.
Пред две недели, на 20 септември, силен дожд предизвика делумно поплавување на улици, дворови и куќи во градот како и во Мала Речица.