Македонија
ВМРО-ДПМНЕ: Ковачевски или нека прашува во ДУИ пред да каже нешто или нека излезе и да го укори Османи ако е премиер

Ковачевски и Османи да се договорат кој став е официјален, може да се продолжи важењето на пасошите или не?, велат од ВМРО-ДПМНЕ преку соопштение, a по изјавата на министерот дека не треба да им се дава на граѓаните лажна надеж за пролонгирање на рокот за пасошите.
„Или Ковачевски нека прашува пред време во ДУИ што може да каже во јавноста, а што не, па да не го брукаат отпосле министрите кои по хиерархија му се подредени.
Или даваме шанса Ковачевски да реагира соодветно на позицијата и јавно да го укори Османи.
Одамна знаеме дека Ковачевски нема авторитет во сопствената партија, но веќе сите гледаат дека нема авторитет ни во сопствената влада.
Откако првин се „кошкаше“ со Пендаровски кој да се јави во Грција, а кој рече дека тоа е работа на Владата и дека тој нема да се јави, сега доби ладен туш од Османи дека и тој нема да се јави.
Дали Ковачевски уште останува на ставот дека е во ред иницијативата на ВМРО-ДПМНЕ пред Уставниот суд или и за тоа добил укор, па и тој став ќе го промени.
Единствено што добија граѓаните од СДС и ДУИ, Ковачевски, Пендаровски и Османи се понижувања, порази и трошоци. Никогаш не се живеело полошо. Важно е да ги поразиме“, се вели во соопштението на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пожарот во Вардариште е под контрола, дел по дел Скопје добива струја

Пожарот во депонијата Вардариште е ставен под целосна контрола, информираат од Дирекцијата за заштита и спасување.
Поради големиот пожар повеќе населби во Скопје беа без електрична енергија, а од ДЗС информираат дека набргу дел по дел, ќе биде пуштена електричната енергија.
Македонија
Вкупно 12 пожари на отворен простор, од кои три се активни, осум изгаснати, а еден под контрола

Заклучно со 18:00 часот, на територијата на државава има вкупно 12 пожари на отворен простор, од кои три се активни, еден е под контрола, а осум се изгаснати.
Активни се пожарите во Општина Македонски Брод во Повеќенаменското подрачје Јасен каде гори мешана шума, во Општина Кавадарци кај селото Фариш каде повторно е потпалена ниска вегетација и во Општина Гази Баба кај поранешната депонија Вардариште каде гори ѓубриште, инфорира Центарот за управување со кризи.
Под контрола е приземен пожар на планината Кожуф во Општина Гевгелија, а изгаснати се пожарите во Општина Долнени кај село Долгаец (мешана шума), Општина Делчево кај Градската депонија (ѓубриште), Општина Куманово кај филтер станицата (ниска вегетација), Општина Центар на Кеј 13 Ноември (ѓубре), Општина Илинден кај село Миладиновци (ниска вегетација) и кај Индустриска зона Бунарџик (ниска вегетација и патничко возило), Општина Ѓорче Петров покрај Лепенец (ѓубре) и Општина Сарај кај езеро Треска (ѓубриште).
Македонија
Полицискиот број не е во функција, граѓаните да се јавуваат на 112

Поради технички причини не е во функција телефонскиот број 192, информира Секторот за внатрешни работи Скопје.
-За било каква пријава или информација, граѓаните на Скопје можат да го користат бесплатниот телефонски број 112 или телефонските броеви на полициските станици во населбите каде живеат, посочуваат од СВР Скопје и додаваат дека се преземаат мерки бројот 192 што побрзо да се врати во функција.