Македонија
ВМРО-ДПМНЕ: Ковачевски се фали со поевтини макарони, а за функционерите ќе потроши дополнителни 5 милиони евра

Од опозициската ВМРО-ДПМНЕ оценуваат дека речиси половина милион жители живеат во сиромаштија, а Ковачевски нема абер да го намали коефициентот на пресметка на платите на функционерите, кои, по одлуката на Уставниот суд, треба да земат 78 % повисоки плати.
Среде сиромаштија и економски колапс, како што додаваат од партијата на Мицкоски, Ковачевски и екипата си ги покачуваат своите плати. Тоа, според нив, е бесрамно.
„Ковачевски глуми загриженост и се фали со намалување на цените на макароните за 4 денари, а речиси 5 милиони евра народни пари оваа година ќе завршат за повисоки плати на функционерите. Додека рекордната инфлација од 20 % го изеде стандардот на граѓаните, функционерите на Ковачевски ќе земаат енормни плати. Па, така, еден обичен функционер ќе зема плата што може да ги покрие трошоците на едно десетчлено семејство.
Додека власта на Ковачевски штеди на земјоделците и на студентите, додека на медицинскиот персонал им ветува покачување од срамни две илјади денари, додека убедуваат дека нема пари за лекови и лекување, тие за себе се дарежливи и си готват плати повисоки за 78 %“, реагираат од ВМРО-ДПМНЕ.
Појаснуваат дека се потребни коренити промени. Со Ковачевски на власт, како што велат, народот ќе страда, а функционерите ќе се богатат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.
Македонија
„Уапсени се полицајци и полициски функционери кои биле на смена кобната вечер“: СДСМ ја поздрави акцијата на ОЈО ГОК за Кочани

„Ја поздравуваме вечерашната акција на Обвинителството за организиран криминал и корупција во која се лишени од слобода полицајци и полициски функционери кои биле на смена кобната вечер на 16 март во т.н. дискотека Пулс во Кочани“, соопшти СДСМ.
„Фактот што четири месеци ВМРО-ДПМНЕ се обидуваше да ја сокрие одговорноста на полицајците и полициските функционери, фактот што нивната вина беше негирана од страна на Панче Тошковски и Христијан Мицкоски укажува на тоа дека сите биле вмешани или на некој начин знаеле за нелегалното работење на Пулс и тоа го одобрувале.
Само поради обидите да се сокрие одговорноста од страна на Тошковски и Мицкоски на лицата кои тие ги поставија за полицајци, командири и началници би требало веднаш да си поднесат оставки.
Одговорност мора да има и за Александар Јанев, директорот на БЈБ. Тошковски и Јанев не смеат повеќе да ја попречуваат истрагата ниту да влијаат некој да не сноси одговорност.
Вистината за Кочани која цела недела ја објавуваше СДСМ е точна. Се покажа дека без силен притисок на јавноста, на дел од медиумите и на СДСМ нема да има правда за Кочани. Време е за одговорност, време е за оставки“, се додава во соопштението на СДСМ.