Македонија
Радика урна мост, затворен патот Охрид – Ресен, има и пренасочување на сообраќајот
Сообраќајот на државните патишта се одвива непречено по претежно влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони. Ова особено се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Поради зголемено ниво на вода на реката Радика, од 16.12.2022 урнат е мостот што води кон селата Нистрово, Бибај, Тануше, Грекај и Нивиште (општина Маврово и Ростуше).
СЕЗОНСКИ РЕЖИМ НА СООБРАЌАЈ: патниот правец Охрид – Ресен преку националниот парк Галичица е затворен за сообраќај од 1.11.2022 за сите видови возила.
Почнувајќи од 6.3.2023, на автопатот А1, делница Петровец – Катланово, почнуваат градежни активности поради што има изменет режим на движење на возилата. Сообраќајот се одвива непречено и се препорачува внимателно пристапување.
Според информација од „ДГТ Жикол“, поради изведување градежни работи на државниот пат А2, делница Миладиновци – Хиподром, сообраќајот на автопатот ќе се одвива според привремен режим.
Поради изведување работи на експресниот пат од Градско до Дреново, на државниот пат А1, делница Велес – Неготино, ќе се применува привремена измена на режим на сообраќај. Привремениот режим ќе се применува во двата правци на автопат Е-75. Сообраќајот ќе се одвива непречено, со брзина од V=80km/h во зона на градилиште. Режимот ќе се применува сè до целосна изградба на новата клучка Градско.
Од 3.11.2022 почнуваат градежни работи на државниот пат А4, делница Блаце – Скопје. Градежните работи почнуваат со комплетно затворање од 11 + 056 км до 12 + 369 км и пренасочување на сообраќајот по околната сообраќајна мрежа.
ГП „Илинден“ – Струга известува дека на патниот правец Кичево – Охрид, на делницата од с. Требеништа – Охрид, од 13.10.2022 се воведува изменет режим на сообраќај. На учесниците во сообраќајот им се препорачува да ја почитуваат поставената сообраќајна сигнализација и да ја приспособат брзината кон условите на патот.
На регионалниот пат Р1102, односно делница Велес – Градскo, поради изведување градежни работи, наведената делница ќе биде затворена за сообраќај од 28.9.2022 година во наредните 9 месеци и сообраќајот ќе се одвива во согласност со одобрениот привремен режим на сообраќај.
СТРАБАГ АГ известува: Врз основа на одобрение за привремена измена на режим на сообраќај на државниот пат А1 – делница Велес – Неготино, издадено од Министерство за транспорт и врски со број 11-уп-46/4, од 21.7.2022 година, кое се однесува за изградба на новата клучка Градско (како дел од автопатот А1), на гореспоменатата делница ќе се изведуваат градежни работи и во следните 12 месеци, а ќе се применува привремената измена на режим на сообраќај.
Привремениот режим ќе се применува во двата правци на автопатот Е-75 во зоната на изградба на новата клучка Градско, и тоа во правец кон граничниот премин Богородица и во правец кон граничниот премин Табановце. Сообраќајот ќе се одвива на возната сообраќајна лента, а нема да може да се вози на сообраќајната лента за престигнување.
ГД „Гранит“ АД Скопје известува дека во согласност со издаденото одобрение за привремен режим на сообраќај за време изведба на автопатот А4, делница ГП Блаце – Скопје (клучка Стенковец), подделница 1 – проширување постоен пат А4 од ГП Блаце до с. Блаце до ниво на автопат и изградба на дел од автопат со клучка за поврзување со локален пат до с. Блаце, на 2 км пред граничниот премин Блаце, од 17.6.2022 година на местото на изведување на градежните работи се одвива дополнителен привремен двонасочен режим на сообраќај со поставена соодветна сообраќајна сигнализација. Сообраќајот се одвива континуирано без застој. Препорака до возачите за приспособена брзина на движење и почитување на поставената сообраќајна сигнализација.
Според информација од Друштвото за градежништво „Пелагонија“ АД Гостивар, од 5.4.2022 се изведуваат градежни активности за санација на свлечишта на км 19+500 (кај село Глобочица) и 24+000 (кај село Луково) на регионалниот пат Р1201 делница Струга – Дебар. Сообраќајот се одвива наизменично и е регулиран со семафори.
„Стентон градба“ ДОО известува за привремена измена на режим на сообраќај на државен пат крак А1, делница Градско – Прилеп (Фариш – Прилеп), поточно по мостот на р. Раец кон Плетвар, поради градежни активности од 2.3.2022 година, во врска со проектот за рехабилитација на државниот пат А1, делница Фариш – Прилеп, и ќе трае во наредните 12 месеци. Поради изведување на градежните работи, ќе има пренасочување на сообраќајот по две коловозни ленти, возачите треба да ја следат поставената патна сигнализација и да возат со намалена брзина при поминување на работната делница.
На патниот правец А2 Кичево – Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување и приспособена брзина на движење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денес свечено примопредавање на претседателската функција
Во Кабинетот на претседателот денес ќе се одржи официјална церемонија на примопредавање на функцијата Претседател со највисоки државни и воени почести.
По свечената церемонија новоизбраната претседателка Гордана Силјановска Давкова и досегашниот претседател Стево Пендаровски чијшто мандат истекува денес, предвидено е да остварат тет-а-тет средба.
Државната изборна комисија вчера и’ го издаде уверението за избран претседател на Гордана Силјановска-Давкова. Во текот на денешниот ден таа пред пратениците во Собранието ќе даде свечена изјава.
Скопје
Посебен режим на сообраќај во Скопје
СВР Скопје ги известува граѓаните на Скопје дека од 08.30 часот до 10.30 часот, поради одржување на улична трка, од страна на Единицата за безбедност на патниот сообраќај при СВР Скопје ќе бидат преземени мерки за посебен режим на сообраќај и тоа по сообраќајниците по кои ќе се движат натпреварувачите, кои имаат стартна позиција на бул.„Илинден“–локација Фонтана, ќе се движат по бул.„Илинден“ до крстосница со ул.„Никола Парапунов“, потоа до крстосница со бул.„Партизански одреди“, десно (кон населба Ѓорче Петров) до мостот Влајко, каде што вртат полукружно и назад по истиот коловоз до крстосницата со ул.„Љубљанска“, каде вртат полукружно и по истиот коловоз се враќаат назад на ул.„Никола Парапунов“ и по бул.„Илинден“ до целта на локација Фонтана на бул.„Илинден“.
СВР Скопје апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.
Македонија
Сончево време, попладне со зголемена облачност и температура до 26 степени
Времето претпладне ќе биде сончево со умерена облачност. Попладне наместа ќе има зголемена облачност со краткотраен пороен дожд и услови за ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 11, а максималната ќе достигне од 19 до 26 степени.
Во Скопје сончево со умерена, а попладне зголемена облачност. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 24 степени, јавува УХМР.
Во следните денови времето ќе биде променливо облачно со сончеви периоди. Во попладневните часови ќе има локална појава на нестабилна облачност со пороен дожд и грмежи, особено во вторник, кога дневните температури ќе опаднат за неколку степени.