Македонија
ВМРО-ДПМНЕ: Ние сме против вработување заменик-директор за земјоделство и нови 30 советници

Пратениците на ВМРО-ДПМНЕ реагираа остро во однос на точката за поставување заменик-директор на Агенција за поттикнување за развој на земјоделството.
Пратеникот Зоран Илиоски од ВМРО-ДПМНЕ на дебатата упати критики до владејачката партија дека избираат заменик-директор наспроти ветувањата.
„Не ветивте дека ќе ја зголемувате администрацијата. Сега ќе си поставувате заменик-директори, сметководители и што ли уште не. Не го ветивте тоа, ама, ете, си го правите. Многу работи ветивте, но ништо не направивте“, рече Илиоски.
На Илиевски се надоврза и неговата колешка од ВМРО-ДПМНЕ, Жаклина Пешевска, која рече дека веднаш било набавено ново возило од 16 илјади евра и нов мебел за канцеларијата на заменикот.
„Во оваа Агенција ќе се вработат уште 30 нови административци. Парадоксално е ова што го правите“, рече пратеничката од ВМРО-ДПМНЕ.
На дебатата збор зеде и Татјана Прентовиќ од СДСМ, која истакна дека Агенцијата има потреба од човечки капацитети.
„Агенцијата постоела 20 години, а не била видлива. Оваа Агенција требало да има човечки капацитети, има 70 советници, но тоа не доволно. Техничкиот потенцијал е намален и сметаме дека ова Агенција треба да ги зголеми капацитетите. Затоа, треба да ја направиме Агенцијата финкционална и да дава советодавни услуги за земјоделците“, рече Прентовиќ.
Измените на законот што го вклучуваат изборот на заменик-директорот се во процедура и ќе бидат донесени по скратена постапка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Големи колони на границата со Грција пред празникот

Големи колони на возила можат да се забележат вечерва на граниниот премин „Богородица“ кон Грција.
Со оглед на тоа што утре е неработен ден, 1. Мај, голем број грѓани се упатија кон туристичките места.
Како што може да се забележи на видео камерите, на останатите гранични премини нема големи задржувања.
Македонија
Поддршка од министерот за правда за Пандов чијашто куќа беше запалена: „Случајот бара одлучна акција“

Министерот за правда Игор Филков најостро го осудува палењето на куќата на директорот на Управата за извршување на санкции, Александар Пандов и бара одлучна акција во која ќе се утврдат причините и најстрого казнат можните сторители.
„Најостро го осудувам палењето на куќата на директорот на Управата за извршување санкции, Александар Пандов. Му давам целосна поддршка во неговата истрајност и борба против криминалот и корупцијата. Овој случај како и неколкуте други случаи поврзани со лицата вработени во УИС и затворите, бараат одлучна акција во која ќе се утврдат причините и најстрого ќе се казнат можните сторители“, вели Филков.
Директорот на Управата за извршување на санкции, Александар Пандов, претходно, на социјалните мрежи објави дека му бил запален домот. Нема да не запрат и нема да не поколебаат, напиша тој.
Македонија
Кирков: Вработените во ЗОО последно земале февруарска плата

До Стефан Кирков, којшто е член на Советот на Град Скопје, пристигнала молба од вработените во скопската Зоолошка градина и барање за реакција и помош. Го известиле дека последна плата која ја земале е фебруарската плата и одтогаш немаат никакво примање.
„Веќе сме мај, а овие вработени се оставени без примања и навистина сум запрепастен до каде ќе се оди со непрофесионалноста во ова раководство на Градот и кадрите кој ги поставува?! Вработените од утре ќе бидат и без здравствено осигурување !!! Поминаа празници како 8ми Март, Рамазан Бајрам , Велигден на праг е и 1ви Мај а вработените се оставени и заборавени замислете да им се исплати плата !!! Цели фамилии страдаат од нечија непрофесионалност!“, напиша Кирков на социјалните мрежи.
Тој ги проѕва Град Скопје , Данела Арсовска и Зоран Попов сигнализирајќи и дека состојбата може да доведе до протести.