Повеќе од пет години не сум директорка на оваа несреќна институција и сметам дека е недолично да се кажуваат лаги и полувистини само за да се манипулира јавноста. Од двата партиски штаба гледам дека се прави дефокус. Наместо да се зборува за актуелната в.д. директорка, темата повторно сум јас – Лидија Димова, иако од 2020 година немам никакво влијание во Агенцијата, вели поранешната директорка на „Еразмус“ по вчерашните обвинувања од ВМРО-ДПМНЕ и СДСМ по изборот на новото раководство на институцијата.

„Токму јас во 2019 година поднесов пријава до Јавното обвинителство и до Европската комисија за злоупотреба на 2,2 милиони евра од програмата Еразмус+. Мојот наследник се погрижи таа да остане невидлива до 2023 година, се додека не дојде „честитката“ од ОЛАФ и можеби затоа партиските пресовите оперираат со 2023 и 2024 година, наместо со вистинската 2019-та. Додека јас бев разрешена набрзина, со апсурден изговор за „тренинг на магариња и финансирање фризерници“, кривичната пријава што ја поднесов се уште тлее во предистрага. Но, ОЛАФ постапи по мојата пријава и си поврати 2,2 милиони евра од македонскиот буџет. Само да потсетам, од ОЛАФ добив писмено известување дека ОЛАФ нема никакви наоди против мене! Лицата за коишто има наоди забрзано „напредуваат“ додека Обвинителството е во предистрага веќе 6 години“, пишува Димова.

Без струја денеска ќе останат делови од Општините Илинден и Зелениково, информира Центарот за управување со кризи.

„Од ЕВН Македонија АД известуваат дека на ден 13.08.2025 година (среда) без електрична енергија ќе останат:

· во периодот од 08.00 до 15.00 часот корисниците на улица 27 Илинден (пат за Јурумлери) (општина Илинден)

· во периодот од 09.00 до 10.00 часот, дел од потрошувачите на улица 103 од новата населба Јака во Марино (општина Илинден)

· во периодот од 09.00 до 15.00 часот, корисниците од ул.2, Зелениково, раскрсницата за село Вражале. (општина Зелениково)“, информира ЦУК.

Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила, информира АМСМ.

Сообраќајот на државните патишта се одвива непречено, по суви коловози.

Интензитетот на сообраќај на патните правци надвор од градските средини е зголемен. Поради летните одмори се бележи зголемена фреквенција на возила но на граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево