Македонија
ВМРО-ДПМНЕ: СДС зборува за ланскиот снег, Каевски е човекот со хациенда дивоградба, и дедо на функција кој има таен непријавен имот

СДС збори за ланскиот снег, додека директорите, министрите на власта како паразити се дограбени до позиции и места од каде печалат илјадници евра, додека не работат ништо, се огласија од ВМРО-ДПМНЕ.
„ Нема одговор, туку само признание од СДС дека директорите земале и по 7 илјади евра плата, додека народот работи по цел месец за 30 илјади денари просечна плата. Кога веќе сме кај Каевски прашањето е, кој го мести во партијата за да кажува такви невистини и манипулации.
Тоа е истиот човек кој направи хациенда дивоградба, а неговиот дедо Алберт Муслиу криеше таен и непријавен имот од државата.
За какви морални вредности зборува Каевски, кога неговиот лидер Ковачевски беше десетгодишен директор во Телеком каде платите се и до 7 илјади евра. Го праша ли Каевски колку Ковачевски земал од Телеком каде и државата именува членови на бордот на директори и каде државата има сопственост?
Паразитите Каевски да си ги бара во сопствената власт и во својот двор“ порачаа од опозициската партија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Ангелов: Пожарот кај Блаце е делумно под контрола

Рано утрово по 5 часот e започнато со гасење на големиот пожар на отворен простор, којшто вчера во попладневните часови изби веднаш покрај патот, од Скопје кон Блаце. Овој пожар вчера навечер и во текот на ноќта се разви во голем пожар, при што зафати и делумно шума, извеси директорот на ДЗС, Стојанче Ангелов.
„Рано утрово скопската противпожарна бригада со повеќе возила и екипи започна со гаснење, а како помош се придружија и два полициски хеликоптери, еден армиски хеликоптер, за прв пат еден Пинцгауер на ДЗС и еден Хермелин со поголема цистерна на ДЗС.
Покрај нив на лице место има поголем број пожарникари, пожарот е ставен под делумна контрола, за жал се уште имаме активни два краци, едниот предмалку е ставен под контрола благодарение на полицискиот хеликоптер“, соопшти Ангелов.
Тој најави повеќе информации во текот на денот.
Македонија
(Видео) Три хеликоптери го гасат пожарот кај селата Чучер и Блаце

Утрово трите хеликоптери (два на МВР и еден на АРМ) во 05.00 часот почнаа со дејство над пожарот на територијата на Општина Чучер Сандево, селата Чучер и Блаце, извести ЦУК.
На пожарот дејствуваат и силите на БППЗ на Град Скопје со повеќе екипи и противпожарните возила, ЈКП од Општината, Црвен крст со еден базен од кој хеликоптерите полнат вода, како и тимови со противпожарните возила на ДЗС.
ЦУК е во постојана комуникација и координација со сите надлежни институции на терен.
Македонија
Дел од Сарај и Илинден денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека поради технички зафати во електродистрибутивната мрежа денеска, без електрична енергија ќе останат:
· од 08:30 до 13:00 часот, дел од корисниците од село Кондово, општина Сарај;
· од 08:30 до 15:00 часот, корисниците од ул. 534 и ул. 531 во село Марино, општина Илинден.