Македонија
ВМРО-ДПМНЕ: Со власта на ДУИ и СДС здравството е во колапс, потребен е целосен рестарт
Со власта на ДУИ и СДС здравството е во колапс. Никогаш не било полошо. Затоа е потребен целосен рестарт и подобрување во три клучни сегменти во здравствениот систем, ефикасност, ефективност и економичност, велат од ВМРО-ДПМНЕ.
Еден од врвните приоритети, според нив, е инвестирањето во здравствената инфраструктура.
„Завршување на Клиничката болница во Штип, која што треба да прерасне во универзитетска клиничка болница ќе биде столб на здравството во источна Македонија. Кадровски и инфраструктурно ќе се инвестира во регионални болници со цел доближување на медицинските услуги до граѓаните. Модерен Клинички центар ќе биде целосно заокружување на здравствениот систем во Македонија и обезбедување на функционални здравствени институции“, појаснуваат од оваа партија.
Според ВМРО-ДПМНЕ, дополнително ќе се инвестира во кадровскиот потенцијал на вработените во здравството, со едукација и обуки во еминентни здравствени институции и искуства од странство. Како што дополнуваат, ќе се овозможи и вработување на најдобрите студенти и талентирани ученици од медицинските факултети и медицинските училишта.
„Време е за промени. Важно е оваа власт на ДУИ и СДС и нивната катастрофална политика во здравството да бидат поразени. Важно е граѓаните да добијат ефикасен здравствен систем“, истакнуваат од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Работна средба на претседателот на Уставниот суд, Костадиновски и италијанскиот амбасадор Силвестри
Претседателот на Уставниот суд, Дарко Костадиновски и судијата, Ана Павловска-Данева денеска остварија работна средба со Н.Е. Амбасадорот на Република Италија, Адреа Силвестри.
Централна тема на разговор беше испитување на можностите за остварување на билатерална соработка помеѓу уставните судови на двете држави.
Претседателот Костадиновски го информираше амбасадорот Силвестри за приоритетите во неговиот мандат.
Амбадсадорот Силвестри пројави интерес за прашањата поврзани со обезбедувањето на независноста и самостојноста на Судот, како и за транспарентноста и отвореноста на Уставниот суд.
На средбата беа разменети мислења на теми поврзани со реформирање на правосудниот систем, при што судиите проф. д-р Ана Павловска-Данева и д-р Костадиновски изразија надеж дека реформскиот процес во сферата на правосудството ќе се одвива во согласност со Уставот и во рамките на уставните принципи.
Амбасадорот Силвестри изрази поддршка за најавените приоритети и најави дека лично ќе се заложи за унапредување на билатералните односи во полето на уставното судство и подобрување на севкупната соработка.
Македонија
„Уште седум нови барања за апанажа – 750 000 евра го чинат народот поранешните функционери на ДПМНЕ, СДС и ДУИ“, велат од партијата Левица
Пред околу две недели собраниската Комисија за прашања на изборите и именувањата им одобри апанажа, во траење од една година, на 29 пратеника од минатиот парламентарен состав. Тие на товар на граѓаните, од народниот буџет ќе примаат надоместок од околу 600 000 евра, велат од партијата Левица.
„На овие 29 системски паразити, кои бесрамно ги цицаат народните пари за време на рекордна сиромаштија, деновиве им се приклучуваат уште седум пратеници од претходниот состав: Арбен Зибери, Вјолца Адеми и Бедри Фазли од ДУИ, Снежана Калеска – Ванчева и Љатифе Шиковска од СДСМ, Енес Ибрахим од Партија за движење на Турците и Бастри Бајрами од Беса, со што дополнително ќе се исцицаат над 150 000 евра од народниот буџет.
Ова претставува последниот од долгата низа на показатели за еклатантна класна дискриминација во македонското општество, во коешто системот функционира, единствено, за задоволување на потребите на богатите економски и политички елити, додека нормално четиричлено семејство не може да ја задоволи ниту минималната синдикална кошничка од 1000 евра.
Ја потсетуваме јавноста дека, единствено, пратеникот од редовите на политичката партија Левица, Борислав Крмов, кој согласно нашата програма и идеолошка определба, како и нашиот предлог-закон за укинување на апанажата предложен уште во 2022 година, а кој беше одбиен од страна на широката коалиција СДС-ДПМНЕ-ВЛЕН-ДУИ, беше единствениот народен пратеник кој гласаше против“, се додава во соопштението на партијата Левица.
Македонија
Филипче од Атина: Преку Договорот од Преспа спорот го трансформиравме во соработка
Д-р Венко Филипче, директор на Фондацијата „Едно општество за сите“ денеска имаше обраќање на дводневната меѓународна Конференција за мир и одржлив развој што се одржува во Атина, Грција. Конференцијата е заедничка платформа на Фондацијата Заев „Едно општество за сите“ и Институтот Алексис Ципрас од Грција организирана по повод шестгодишнината од потпишувањето на Договорот од Преспа во 2018 година.
Договорот од Преспа претставува историски момент на лидерство благодарение на кој спор беше трансформиран во соработка.
Ова го истакна д-р Венко Филипче, директор на Фондацијата Заев „Едно општество за сите“ во своето обраќање на отворањето на меѓународната Конференција за мир и одржлив развој што се одржува во Атина, Грција.
„Договорот од Преспа е доказ дека дури и најтешките спорови можат да бидат решени кога лидерите како приоритет го имаат заедничкото добро за сите пред сè останато. Тој нè потсетува дека вистинското лидерство не значи само задржување на власта туку и негување на доверба и градење на мостови“, рече Филипче во своето обраќање.
Конференцијата, како платформа за соработка воспоставена од Фондацијата „Едно општество за сите“ и Институтот Алексис Ципрас од Грција ја реафирмира споделената посветеност за негување на свет каде што единството, мирот и одржливиот развој не се само идеали, туку и реалност во којашто живееме, потенцираше Филипче.
„Нашето мото „Едно општество за сите“ има длабоко значење во време во кое силите на поделбата се во пораст. Нашата сила е во различноста, а инклузивноста е камен темелник за просперитетна иднина. Нашиот колективен успех лежи во способноста да се обединиме, да ги негуваме различностите и да работиме неуморно за создавање на општествово каде што се вреднува секој човек“, истакна Филипче.
Работејќи заедно за идеалите како мир, оджлив развој и единство оставаме наследство за идните генерации – наследство со кое можеме сите да се гордееме, завршува Филипче.
Дводневната конференција се одржува по повод шестгодишнината од потпишувањето на Договорот од Преспа.
На неа учествуваат политичари, експерти, премиери, поранешни шефови на држави и премиери, европски комесари, академици од Европа, Балканот како и специјалниот претставник на ОН за прашањето за името Метју Нимиц.