Македонија
ВМРО-ДПМНЕ: Човекот кој три пати беше амнестиран за милионски криминал сега ја укина правната држава

Зоран Заев и Владата на СДСМ се синоним за рекет, корупција и криминал. Eдинствено нешто што јавноста го виде од Зоран Заев овие три години се афери и незаконско работење, соопшти ВМРО-ДПМНЕ.
„Човекот кој три пати беше амнестиран за милионски криминал сега ја укина правната држава. Рекетарската банда на чело со амнестираниот Заев ја зароби државата и со неа сега владее мафијата.
3 години владеење на СДСМ, три години криминал и корупција, три години криминални афери кои кулминираа со најголемата криминална афера во македонската историја, аферата Рекет.
Главата на криминалниот октопод, Зоран Заев преку своите пипци навлезе во секоја пора на македонското општество, рекетираше милиони евра и уценуваше македонски бизнисмени, политичари, граѓани.
Сега гледаме дека Рекетот има и продолжение Рекет 2. Власта не само што рекетирала македонски бизнисмени туку ја злоупотребила својата моќ и влијаеле и врз странски инвеститори.
Претходно цела македонска јавност слушна како генералниот секретар на Владата, Драги Рашковски договараше и местеше тендери, велеше „Leonardo will win“. Оовој случај како и претходните скандали не доби правна развршница.
Нема судска разрешница ниту за крвавите тендери на Венко Филипче кој дозволи анонимна човек фирма да учествува како единствен понудувач на тендер тежок 35 милиони евра. Предвесник на општиот гравеж кој го спроведува оваа криминална банда беше случајот со криманлните грантови од Фондот за инвоации.
Русковска и Јовевски се оние кои го амнестираат криминалот на власта, но никој не е вечен па така ни тие. Секој еден ќе одговара за своите постапка, за сторениот криминал. Кога оваа криминална власта ќе си замине ќе има разрешница и за рекетот и за случајот „Леонардо“, правда ќе има и за крвавите тендери во здравството и за криминалот со Фондот за иновации, а ќе одговараат и сите оние кои застанаа на патот на правдата“ соопшти ВМРО-ДПМНЕ.
Со почит,
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Земјотрес рано утринава ги разбуди граѓаните на Валандово и на околината

Утрово во 5:54 часот, земјотрес со јачина од 3,3 степени според Рихтеровата скала го стресе регионот околу Валандово, информира Сеизмолошката опсерваторија при Природно-математичкиот факултет во Скопје.
Телеметриската сеизмолошка мрежа на Македонија го регистрирала потресот на неколку сеизмолошки станици ширум државата, при што е утврдено дека епицентарот се наоѓа во епицентралното подрачје Валандово, оддалечено околу 120 километри југоисточно од главниот град.
Според првичните информации од Сеизмолошката опсерваторија, земјотресот бил почувствуван во Валандово и околните населени места со интензитет од IV степени според Европската макросеизмичка скала (EMS).
Засега нема информации за причинета материјална штета или повредени лица, но локалното население на социјалните мрежи известува дека потресот бил „краток, но силен“, и ги разбудил во раните утрински часови.
Сеизмолозите продолжуваат да ја следат ситуацијата и ги повикуваат граѓаните на смиреност, посочувајќи дека ваквите потреси се честа појава во сеизмички активниот регион на југоисточна Македонија.
Македонија
Колони на границите, на „Богородица“ се чека до 40 минути, на „Табановце“ до 30 минути

Сообраќајот на државните патишта се одвива непречено и по суви коловози, но фреквенцијата на возила, особено кон граничните премини, денеска е значително зголемена, информира Автомотосојузот на Македонија (АМСМ).
Најголема гужва има на Граничниот премин Табановце, каде времето на чекање за влез и излез од државата е од 15 до 30 минути. На Богородица ситуацијата е уште поинтензивна – за излез од државата се чека до 40 минути, додека на ГП Дојран времето на задржување е 20 до 30 минути.
„Состојбата на патиштата е стабилна и коловозите се суви, но фреквенцијата е зголемена. Апелираме до сите учесници во сообраќајот да возат внимателно, со прилагодена брзина и да ја почитуваат сигнализацијата, особено на делниците каде што има опасност од одрони“, велат од АМСМ.
Посебна претпазливост се препорачува на патните правци низ котлините, речните долини и клисурите – Катланово – Велес, Маврово – Дебар – Струга, Виница – Берово и Кочани – Делчево – каде што постои ризик од појава на одрони.
На останатите гранични премини од македонска страна, нема подолги задржувања за влез и излез од државата.
Македонија
Денес сончево со ветер, од утре повторно температурата во постепен пораст

Управата за хидрометеорологија (УХМР) за денес прогнозира претежно сончево време со умерен до засилен ветер од северен правец, кој наместа ќе достигнува брзина од 60км/ч.
Минималната температура ќе биде во интервал од 11 до 20, а максималната ќе достигне од 27 до 36 степени.
Во Скопје, сончево со умерен до засилен северен ветер. Минималната температура ќе се спушти до 19, а максималната ќе достигне до 35 степени.
Од понеделник следува период на стабилно и потопло време со постепен пораст на дневнaтa температура.