Македонија
ВМРО-ДПМНЕ: 100 дена фалби од страна на СДСM = 100 дена лаги за инфраструктурата

Министерот за транспорт и врски, Благој Бочварски, и неговиот ментор Зоран Заев продолжуваат со лагите до граѓаните, обвини опозициската ВМРО-ДПМНЕ. Еве, како што велат, предизборно што излажал СДСМ:
АВТОПАТИ
Скопје – Блаце
Првиот дел од 2 км веќе четврта година не успеваат ни да го почнат со градежни активности, а да не зборуваме за завршување. Косово во исто време го заврши автопатот кон Приштина.
Гостивар – Кичево
Иако е почнат автопатот да се проектира во 2016 година, еве веќе четврта година не успеваат да го допроектираат, а да не спомнуваме за изградба.
Кичево – Охрид
Единствено што остварија е потпишување анекси за нови заеми и многу слаба нивна реализација. Иако во претходните 100 дена времето за градежни работи беше идеално, ние веќе четврта година не можеме да видиме сериозен прогрес во изградбата на автопатот.
Прилеп – Битола
Ветен автопат, но засега нема ни најави за негов почеток, веќе чеврта година, ниту проектирање ниту ништо.
Градско – Прилеп
За овој експресен пат, и покрај сите ветувања од актуелната власт, останаа само празни ветувања. 100 дена од владеењето на СДСМ немаше никакви градежни активности на терен.
Свлечишта
Во изборната програма МОЖЕМЕ најавија дека во текот на 2020 година ќе бидат санирани свлечишта на повеќе делници во Македонија.
Лажни биле ветувањата на СДСМ во изминатите два изборни циклуса за наводни развојни проекти во железниците:
1. Ветуваа изградба на пругата кон Бугарија – НАПРОТИВ, ЈА СТОПИРАА,
2. Ветуваа изградба на пруга кон Албанија – НЕ ЈА НИ ПОЧНАА,
3. Ветуваа проектна техничка документација за реконструкција на железничката пруга
Скопје – Кичево – НИШТО НЕ НАПРАВИЈА,
4. Ветуваа пуштање во сообраќај на пругата Битола – Кременица – СЀ УШТЕ НЕ Е ПУШТЕНА,
5. Ветуваа брза пруга за возовите по Коридорот 10 – СПРОТИВНО НА ТОА, ГИ ЗАБАВИЈА
6. Ветуваа приградски патнички железнички сообраќај околу Скопје – НЕМА
ПРИГРАДСКИ ЖЕЛЕЗНИЧКИ СООБРАЌАЈ, НАПРОТИВ, ЖЕЛЕЗНИЧКИ ЈА ИЗОЛИРАА МАКЕДОНИЈА,
7. Ветуваа ремонти на локомотиви и возови – СПРОТИВНО НА ТОА И
ПОСТОЈНИТЕ ГИ УНИШТИЈА И ПРЕПОЛОВИЈА,
8. Ветуваа почеток на изработка на проектна техничка документација за електрифиција на пругата Скопје – Блаце (граница со Република Косово) – НИШТО НЕ ПОЧНАА,
9. Ветуваа набавка и инсталација на опрема за европскиот систем за контрола на возовите – ETCS (т.н. автоматска регулација на брзината на возовите) – НИШТО НЕ НАПРАВИЈА
10. Ветуваа проектна техничка документација за изградба на нова пруга од Миладиновци до аеродромот на ТАВ во Петровец – НЕ ПОЧНАА ВАКОВ ПРОЕКТ
11. Ветуваа осигурување на патните премини – НАПРОТИВ, ОД ПОСТОЈНИТЕ ГОЛЕМ ДЕЛ Е НЕФУНКЦИОНАЛЕН.
12. Ветуваа завршување на ремонтот од Ногаевци до Неготино – НЕ ГО ЗАВРШИЈА, се наведува во соопштението на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити: Работниците се непоколеблива сила на нашиот напредок

Првиот вицепремиер, Изет Меџити, упати честитка по повод 1 Мај-Меѓународниот ден на трудот, изразувајќи благодарност до сите работници кои со посветеност и чесност секојдневно придонесуваат за развојот на општеството.
„Работниците се непоколеблива сила на нашиот напредок – наставниците кои ги едуцираат генерациите, здравствените работници кои го штитат животот, полицајците кои ја обезбедуваат безбедноста, земјоделците кои ја хранат земјата, градежниците кои ја формираат инфраструктурата, и сите останати кои секојдневно ја движат државата напред“, истакна Меџити.
Тој потсети на заложбите на Владата за отворање нови работни места и решавање на статусот на илјадници работници, како и на конкретните мерки што се преземени, вклучувајќи го зголемувањето на платите во клучните сектори како образованието, здравството и безбедноста, субвенциите за земјоделците, зголемувањето на минималната и просечната плата, како и пензиите.
„Знаеме дека секој работник заслужува повеќе: заслужува почит, поддршка и мотивација. Нашата развојна политика се темели врз достоинството на трудот и работникот. Токму оваа основа ќе ја зајакнеме и понатаму, со решителност и јасна визија за поправедна иднина за сите“, заврши тој.
Македонија
Владата: Сметки од услугите од бифињата, СДСМ ги прикажува како трошоци за ручеци на министри

Владата во целост ги демантира, како што ги нарекува, лажните и манипулативни наводи на партијата СДСМ за сметките.
Според Владата, опозициската партија, ресторанските услуги на бифињата ги прикажува за трошоци за ручеци на министрите.
„Тоа не се трошоци на министерот Љутков, ниту министерот Муцунски или друг владин министер, туку трошоци за бифињата кои функционираат во рамките на министерствата, кои ги користат и плаќаат и вработените кои плаќаат за услугите. Впрочем во времето на СДСМ оператор на ваквите услуги беше фамозната струмичка компанија Концепт“, велат од Владата.
Додаваат дека времињата кога министрите од таа партија трошеа брдо пари за скапи луксузирања и кога министри патуваа со владиниот авион до Ниш или до Солун на шопинг заврши.
Владата апелира: „Со голема претпазливост да се земат лажните вести продуцирани од партијата позната по дезинформирањето. Очигледно СДСМ одбра да продолжи со својата неконструктивност, некадарност и неспособност“.
Македонија
Манасиевски: Дали Филипче е воодушевен од Заев и дали и тој мисли како него дека македонскиот јазик е ист со бугарскиот

Заев тврдеше дека Македонците и Бугарите се ист народ и дека Македонскиот и Бугарскиот јазик се исти. Дали и Венко Филипче го мисли истото, со оглед на тоа дека кажа дека народот треба да учи од Зоран Заев и дека нема друг како него, праша Валентин Манасиевски од ВМРО-ДПМНЕ.
„Заев ги опустоши Македонските национални интереси, и како кловн кој ги засмејуваше регионалните политичари. Дали Венко Филипче се гордее и со тоа?“, рече Манасиевски.
Додаде дека е добро што народот знае со сигурност дека Венко Филипче е втор Зоран Заев, и што може да очекува.