Македонија
Ковачки ги направи неспособни Пендаровски и Петровска: Во која друга НАТО членка, војска чува затвореници

Пратеникот од ВМРО-ДПМНЕ, Драган Ковачки, со реакција на социјалните мрежи во врска со неодамнешните информации дека Владата има прогласено кризна состојба поради недостиг на кадар за обезбедување на затворите.
„Шест дена молк од надлежните Стево Пендаровски и Славјанка Петровска:
1. Дали е точно дека на подрачје на Гази Баба Владата прогласила кризна состојба за да единици на АРМ обезбедуваат затвори?
2. Зошто?“, прашува Ковачки.
Пратеникот од ВМРО-ДПМНЕ дополнително ги прашува надлежните кој им дозволил да прават преседани со прогласување на кризни состојби заради, како што вели, нивна неспособност.
“Во која друга НАТО членка, војска чува затвореници?; Кои правила на употреба на сила ги имаат војниците?; Кој ќе одговара ако дојде до употреба на сила?; Има ли некој да му каже на Пендаровски дека лично тој направил преседан кој утре многу лесно може да биде злоупотребен?; Што правиме ако утре – хипотетички на Владата или на некоја идна Влада им падне на памет да прогласат кризна состојба на подрачје на општина Центар и Пендаровски да нареди употреба на војска пред Собрание?; Имаат ли Пендаровски и Петровска советници кои се скапо платени и зошто се платени кога не се во состојба да им посочат дека ја понижуваат војската и дека е спорна Уставната и законската употреба на војска за чување на затвореници?; Зошто молчи Спасовски – која е улогата на МВР, свесно ли е исклучено од обезбедувањето на затворите однадвор па таа улога и е дадена на АРМ, или и таму се’ се распаѓа и немаат капацитет?“ пишува на социјалните мрежи Ковачки.
Неговата реакција следува откако неодамна беше објавена информацијата дека со одлука на Владата е прогласена кризна состојба во затворот „Идризово“ поради спречување безбедносни закани.
Причината како што беше изнесено во јавноста е тоа што во изминатиот период имало недостиг на чувари во казнено-поправната уставнова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја денеска делови од Аеродром и Сопиште

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 11.00 часот, корисниците од ул. Црноризец Храбар. (општина Аеродром)
– во периодот од 09.00 до 14.00 часот, корисниците од ул. 11 во Горно Соње. (општина Сопиште)
Македонија
Променливо облачно со слаб северен ветер, попладне врнежи од дожд

Променливо облачно со слаб до умерен ветер претежно од северен правец. Попладне ќе има локални врнежи од дожд, кои во текот на ноќта ќе се прошират насекаде и наместа ќе бидат пообилни. Минималната температура ќе биде во интервал од 4 до 14, а максималната ќе достигне од 15 до 20 степен.
Во Скопје, променливо облачно со слаб северен ветер. Кон крајот на денот, а особено во текот на ноќта ќе има врнежи од дожд. Минималната температура ќе се спушти до 10, а максималната ќе достигне до 19 степени.
Времето во наредните денови
До петок под влијание на влажен бран ќе има врнежи од дожд, кои наместа ќе бидат обилни. Вкупно од овој бран се очекува на повеќе места да наврнат над 30 l/m², а локално и над 50 l/m². Поради продор на постудена воздушна маса од север и засилен северен ветер, во четврток на повисоките планини врнежите ќе преминуваат во снег, а поради натамошно спуштање на студен воздух, во петок ќе има услови да преминуваат во снег и на некои од повисоките места. На повисоките планини ќе се формира снежна покривка.Температурата на воздухот значително ќе опадне. Во деновите од викендот ќе има стабилизирање на времето со пораст на дневната температура
Македонија
Дел од Карпош денеска без вода

Од ЈП Водовод и Канализација известуваат дека денеска поради дефект на приклучна цевка на булеварот Партизански Одреди бр. 59а, без вода ќе останат корисниците лоцирани на десната страна на потегот од булеварот 8-ми Септември до Франклин Рузвелт. (општина Карпош)
Водоснабдувањето ќе биде прекинато во периодот од 09.00 часот па се до отстранување на дефектот.