Македонија
Во Скопје се отвора нов центар за деца со церебрална парализа
Во Скопје се отвора нов центар за деца со церебрална парализа. Како дел од социјалната реформа и инклузијата на децата со попреченост во заедницата, новиот дневен центар е изграден во рамки на Основното училиште „Киро Глигоров“, со поддршка на Министерството за труд и социјална политика, општина Центар и Здружението на родители на деца со церебрална парализа.
„Грижата за општеството значи грижа за сите граѓани подеднакво. Една од целите на реформата што ги спроведуваме во изминатиот период е да обезбедиме поддршка за децата и семејствата на кои им е потребна и да ги вклучиме во активности надвор од домот. Социјалните сервиси како што е овој дневен центар имаат опрема и обучен кадар да ги следат индивидуалните потреби на секое дете и неговото семејство. Преку поврзување со другите системи на поддршка ја зголемуваме вклученоста на децата со попреченост во заедницата“, изјави дополнителната заменик-министерка за труд и социјална политика, Санела Шкријељ, на денешната посета на центарот заедно со родителите и децата корисници на дневниот центар.
Дневниот центар зафаќа 360 квадратни метри. Во него 30 до 40 деца ќе имаат можност да добијат третмани од специјални едукатори, логопеди, психолози и физиотерапевти и со тоа да ја подобрат својата функционалност, но и да дружат со другите деца од училиштето „Киро Глигоров’’.
Според вицепремиерката за економски прашања, Мила Царовска, важно е да се развиваат услуги на локално ниво со цел да бидат поддржани сите граѓани во заедницата што имаат времена потреба од поддршка на институциите.
„Кога зборуваме за сервисни услуги кон граѓаните зборуваме за директни инвестиции и развој на економијата. Зошто е тоа така, сега ќе ви појаснам. Кога отворате услуга тогаш отворате нови работни места, но од друга страна овозможувате жените, кои сè уште го носат најголемиот товар на домашната грижа, да добијат можност да бидат активни на пазарот на труд“, посочи вицепремиерката Царовска.
Општина Центар за изградба на објектот издвои 5,4 милиони денари, додека МТСП за набавка на опрема и справи за физикална терапија, душеци, ленти за трчање, справи за вежбање, кревет за масажа, АБС-топки и други останати реквизити обезбеди 441.372 денари.
„Објектот е прв инклузивен центар за вакви лица, опремен со антибактериски подови, тоалети адаптирани за вакви лица, кујна по хасап, рампи за пристап и пристап до ботаничката градинка, интерактивни табли, клинеоплафони и адаптабилно загревање. Центарот е опремен по највисоки стандарди, зголемен е капацитетот на лица кои ќе членуваат во овој центар. Училишниот двор и влезот на училиштето се приспособени за потребите на овие лица и овие лица слободно и безбедно ќе ја користат спортската сала на училиштето ‘Киро Глигоров’“, изјави градоначалникот на општина Центар, Саша Богдановиќ.
Центарот работи во рамки на ЈУ МЦСР Скопје и родителите кои сè уште не ги користат услугите од дневно згрижување ги повикуваме да аплицираат за остварување на правото до овој центар.
Во наредниот период, заради унапредување на содржините за игра за децата, ќе се издвојат средства и за набавка и монтажа на детско инклузивно игралиште во дворот на училиштето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.