Македонија
Герасимовски: Бадник и Божиќ се празници кои не зближуваат со нашите најголеми богатства, семејствата, роднините и пријателите

Градоначалникот на Општина Центар Горан Герасимовски присуствуваше на одбележувањето на празникот Бадник во Соборниот храм „Свети Климент Охридски“ во Скопје.
Пред присутните граѓани меѓу кои и здравичарот Иванчо Стефков, бадникарскиот кум за 2023 година Мојсо Мојсовски и кумовите Драган Спасов Дац и Александар Митевски, Градоначалничката на Град Скопје Данела Арсовска свое обраќање имаше градоначалникот Горан Герасимовски.
„Денешниот празник Бадник и утрешниот Божиќ, денот на Христовото раѓање се празници кои не зближуваат со нашите најголеми богатства, а тоа се нашите семејства, нашите роднини и пријатели. Во таа чест дозволете ми да ви посакам убави празнични денови. Да ги одбележите во спокој, љубов и благосостојба и ви посакувам секој во себе да пронајде душевен мир и постојано да го има во себе. Имајте убава Бадникова вечер, да се обидеме да правиме добри дела, да помогнеме онаму каде што треба затоа што најважно е чувството и солидарноста меѓу нас“, порача Герасимовски.
Герасимовски исто така истакна дека важно е одржувањето на традицијата и вредностите кои треба да се негуваат и пренесуваат на младите генерации.
За крај тој им посака среќен Бадник, честит Божиќ и здравје на сите граѓани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце и Богородица времето на чекање за влез во државата е околу 1 час

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини Табановце и Богородица времето на чекање за влез во државата изнесува околу 1 час. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Претпладне сончево, попладне наместа нестабилно со локален дожд и грмежи

Претпладне сончево со умерена облачност. Попладне наместа ќе биде нестабилно со локален дожд и грмежи. Ќе дува слаб до умерен ветер од југоисточен правец. Минималната температура ќе биде во интервал од 6 до 12, а максималната ќе достигне од 19 до 26 степени.
Во Скопје, сончево со умерена облачност и со слаб до умерен југоисточен ветер. Попладне во делови од котлината ќе има развој на нестабилна облачност со услови за пороен дожд и грмежи. Минималната температура ќе се спушти до 8, а максималната ќе достигне до 26 степени.
Времето во наредните денови
Од среда на повеќе места ќе биде нестабилно со повремени врнежи од дожд, локално поројни, проследени со грмежи. Дневната температура ќе биде во постепено благо опаѓање.
Македонија
Карпош, Ѓорче Петров и Сопиште денеска без струја

Од ЕВН Македонија АД известуваат дека денеска без електрична енергија ќе останат:
· Oд 08:00 до 16:00 часот, дел од корисниците во Стопански Двор. (Општина Ѓорче Петров);
· Oд 09:00 до 13:00 часот,ул.24 с.Сопиште КАЈ ИЦЕ МАК (Општина Сопиште);
· Oд 09:00 до 14:00 часот, дел од корисниците на ул.Ванчо Мицков,во Долно Нерези (Општина Карпош) ;
· Oд 10:00 до 14:30 часот, дел од потрошувачите на ул.Женевска (Општина Карпош).