Македонија
Герасимовски во придружба на Црвениот крст делеше вода за справување со екстремните температури

Градоначалникот на општина Центар, Горан Герасимовски, го придружуваше општинскиот Црвен крст, кој деновиве спроведува заеднички теренски активности за превенција и заштита на здравјето на граѓаните од последиците на топлотниот бран.
Мобилните тимови составени од службите на локалната самоуправа и волонтерите од Црвениот крст на разни локации во општината делат вода, даваат прва помош, како и препораки и совети за справување со екстремно високите температури. Со акцијата се опфатени најфреквентните локации на улиците: Партизанка, Водњанска, кај „Рекорд“ и улица Македонија.
,,Ваквите вонредни времени услови може да бидат штетни и опасни за здравјето. Затоа и се одлучивме да реагираме на терен и да ја поведеме акцијата, во која и јас лично сум вклучен. На жешкиот асфалт подадена чаша вода и навремената интервенција, доколку е тоа потребно, може да спасат живот“, порача градоначалникот Герасимовски.
Акцијата на Општина Центар и Општинската организација Црвен крст Центар ќе трае и во наредните денови, при што мобилни тимови од 11 до 15 часот ќе даваат прва помош и ќе им делат вода на граѓаните.
Општина Центар апелира до граѓаните да ги почитуваат здравствените препораки на надлежните институции додека трае топлотниот бран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.