Македонија
Герасимовски: Ја подигнавме значително хигиената во општината, но допрва следуваат големите промени

Градоначалникот на општина Центар, Горан Герасимовски, заедно со општинската администрација вчера ја одржа втората трибина „Заедно можеме“.
На трибината, која се одржа во ООУ „Димитар Миладинов“, Герасимовски зборуваше за хигиената и за одржувањето на јавните површини.
„Годината што изминува организиравме неколку големи акции за чистење на неколку локации во општината. Само во Крњево беше отстранета депонијата од повеќе од 700 гуми за автомобили. По 10 години, општинската администрација, искористувајќи ја целата механизација и за нешто повеќе од 10 дена, го исчисти и каналот кај т.н. шеста управа кај МВР и активно чистеше на локациите на кои најчесто има зачестено и зголемено количество смет“, истакна Герасимовски.
Акции за чистење, како што напомена Герасимовски, беа спроведени и околу зеленото пазарче како клучна точка за редовно одржување на јавната хигиена, но и во сите други населби во општината.
Со овие активности, истакна Герасимовски на трибината, јавната хигиена во општината е значително подигната за што и ангажманот на хигиеничарите доби пофалба на првата трибина во населбата Пролет.
Следните трибини „Заедно одлучуваме“, градоначалникот Герасимовски и раководителите на секторите ги продолжуваат во основните училишта „Киро Глигоров“ и „Јохан Хајнрих Песталоци“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од скопски Карпош

ЈП Водовод и Канализација известуваат дека денеска ( четврток) поради изведување на водоводен приклучок од ф – 100 мм на ул. Осло бр. 15б, во периодот од 09.00 часот па се до завршување на работата, без вода ќе останат корисниците од ул. Осло. ( општина Карпош )
Македонија
Катерина Мирчовска именувана за нова директорка на болницата во Кочани

Катерина Мирчовска е именувана за нова директорка на болницата во Кочани, објави директорот на ФЗОМ, Сашо Клековски.
„Силно лидерство за болницата во Кочани!
Вчера за директорка на Општата болница Кочани е именувана Катерина Мирчовска, хирург. Веста помина штуро, со појаснување дека тоа е на барање на повредените од трагедијата за Кочани.
Катерина ја запознав низ работата за повредените од трагедијата во Кочани. Импресионира на прв впечаток. Полна со енергија, посветена, професионална, со големо срце, ги знае во детали сите најразлични потреби на повредените. Катерина се откажа од својот трансфер во ГОБ 8 септември Скопје за да се посвети на повредените“, објави Клековски на „Фејсбук“.
Тој додава дека Катерина е најдобар можен избор за водење на болницата во периодот на опоравување на повредените и ветува силно лидерство за болницата во овој критичен период.
Македонија
Меџити во Украина: Силно ја осудуваме руската агресија и бараме итно запирање на војната

Првиот вицепремиер и министер за животна средина и просторно планирање на Република Северна Македонија, Изет Меџити, денес учествуваше на Самитот „Украина – Југоисточна Европа“ што се одржа во Одеса, Украина.
Самитот, кој беше отворен од претседателот на Украина, Володимир Зеленски, претставува продолжение на претходните средби одржани во Атина, Тирана и Дубровник, со учество на високи претставници од земјите на Југоисточна Европа. Главната цел на самитот е поддршка за Украина и зајакнување на регионалната соработка и безбедноста.
Во своето обраќање, вицепремиерот Меџити изрази благодарност за гостопримството на украинските власти и ја реафирмираше непоколебливата поддршка од страна на Северна Македонија за суверенитетот и територијалниот интегритет на Украина.
„Обединети сме пред предизвиците кои го загрозуваат мирот, безбедноста и меѓународниот поредок. Силно ја осудуваме руската агресија и бараме итно запирање на војната“, – истакна тој.
Вицепремиерот Меџити ја нагласи и посветеноста на земјата за продлабочена регионална соработка и изградба на безбедна, мирољубива и демократска Европа.