Македонија
Градежните работи на експресниот пат Градско – Прилеп се засилуваат од август, до крајот на годината ќе се вози по нов пат од Градско до Дреново

Од 1 август се засилуваат градежните работи на експресниот пат Градско – Прилеп. Застојот од неработењето од една и пол година е надминат и до крајот на годината граѓаните ќе може да возат по нов модерен пат од Градско до Дреново, најави заменик-претседателот на Владата и министер за транспорт, Александар Николоски.
Како што истакна Николоски, причината за застојот за изградба на првата фаза од овој патен превец е фактот што во изминатата една и пол година Министерството за траспорт и ЈП за државни патишта не номинарале членови на комисија, која во соработка со ЕУ требало да работи на надминување на техничките и административните проблеми во изградбата на овој дел од експресниот пат.
„По една и пол година, јас веднаш ја формирав комисијата. Таа веќе почна да работи и она што е најважно дека веќе од август ќе се засилат работите на терен сѐ со цел во декември да се заврши оваа прва фаза и да се вози по нов пат од Градско до Дреново. Во однос на втората фаза од Дреново до Фариш, таа практично е и најтешката, а за што имавме состанок со ‘Синохидро’ и ги придвиживме работите. Реално е за очекување веќе во април в година и таа фаза да биде завршена и да се стави во сообраќај“, изјави министерот Николоски.
Според министерот Николоски, в година ќе почне да се работи на проект за проширување на превојот Плетвар, во деловите на кои недостига трета лента, сѐ со цел до крајот на 2026 година целиот експресeн пат од Градско до Прилеп да биде функционален.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.