Македонија
Град Скопје ги демантира обвинувањата на ВМРО-ДПМНЕ: Не тревата, туку поплочувањето чини 33 милиони денари

Со големо жалење мораме да констатираме дека ВМРО-ДПМНЕ и нејзината советничка група во Град Скопје не знаат да разликуваат основни работи (тревник од плочник), па од тие причини излегуваат на прес-конференции со небулозни тврдења, реагираат од Град Скопје.
„Со ова уште еднаш ја известуваме јавноста, а истовремено го демантираме небулозното тврдење на ВМРО-ДПМНЕ, дека не тревата, туку поплочувањето и уредувањето на јавниот простор на излезот од ГТЦ до плоштад Македонија, поплочувањето и уредувањето на јавниот простор од плоштадотѕ Македонија кон Собранието, заедно со урбаната опрема, која се состои од клупи, канти за отпадоци, целосно ново осветление на овој простор (канделабри), како и дрворед, составен од 25 дрвја, е тоа што чини 33 милиони денари со вклучен ДДВ. Сè што е направено на терен и потрошена сума, впрочем, беше и претходно најавено на прес-конференцијата, што се одржа на 30 септември 2019 година.
Граѓаните на Скопје секојдневно овој простор го гледаат и го користат. Тоа што ѝ пречи на ВМРО-ДПМНЕ е фактот што граѓаните го одобруваат вака уредениот простор, но и уживаат во него, притоа правејќи споредба што значи квалитет на јавен простор сега, а што и какво беше лудилото со јавниот простор во минатото.
Времето кога граѓаните за три врби во реката Вардар плаќаа 220 илјади евра е одамна поминато. Тоа на сите им е јасно. Јасно ѝ е и на ВМРО-ДПМНЕ, па токму поради таа своја немоќ, се служи со лаги и невистинити небулози. Граѓаните на Скопје препознаваат дека овој градоначалник за 2 и пол години покажа дека може да се биде поинаков. Да се решаваат вистинските проблеми на граѓаните, да се биде транспарентен, отворен, а истовремено и штедлив при работењето со јавните пари.
Убедени сме дека сите (а особено ВМРО-ДПМНЕ) се свесни оти се тотални аутсајдери во Град Скопје. Ние ќе продолжиме чекор по чекор да ги решаваме наталожени проблеми останати од нивното лудило, а тие слободно може да продолжат да се занимаваат со небулози, лаги и да креираат лажни вести“, се вели во реакцијата на Градот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода делови од Центар и Аеродром

Од ЈП Водовод и Канализација известуваат дека денеска поради уличен дефект на улицата Питу Гули бб, општина Центар (во близина на Тинекс), прекинато водоснабдување ќе имаат следниве улици: Питу Гули, дел од Загребска, Ганчо Хаџипанзов, Капештец, Димитар Пандилов, Караорман, висока зона Козле и Ловќенска-крак 1,3,5 и 7.
Водоснабдувањето ќе биде прекинато од 08:30 часот до завршување со санација на дефектот.
Денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, во општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Делови од Аеродром, Центар и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 08.10 до 15.00 часот, корисниците на дел од село Долно Лисиче.(општина Аеродром)
· во периодот од 08.10 до 15.00 часот, корисниците на објектите спроти Ист Гејт населба Крњево.(општина Центар)
· во периодот од 08.10 до 12.00 часот, корисниците од улица Божидар Рајковиќ, дел од ул. Горноврановска и дел од улицата Горно Лисиче (општина Аеродром)
· во периодот од 08.10 до 16.00 часот, корисниците на улиците Ибе Паликуќа, Воин Драшкоци, Веле Марков (општина Ѓорче Петров)
Македонија
Претежно облачно со повремен дожд

Времето денеска ќе биде променливо облачно со повремени локални врнежи од дожд. Кон крајот на денот врнежите насекаде ќе престанат. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 6 до 13, а максималната ќе достигне од 8 до 16 степени.
Во Скопје, претежно облачно со повремен дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 12, а максималната ќе достигне до 14 степени.
Времето во наредните денови
Од четврток времето ќе биде стабилно и суво со слаб до умерен северен ветер. Дневната температура ќе биде во пораст.