Македонија
Грковска: Владата со членството во GFCE – глобалниот форум за сајбер-експертиза – има силен сојузник во борбата со сајбер-нападите
Заменичката на претседателот на Владата на Република Северна Македонија, Славица Грковска, денеска имаше средба со амбасадорот на Кралството Холандија во Република Северна Македонија, Дирк Јан Коп, Воутер Венстра, претставник на Секретаријатот на GFCE, глобалниот форум за сајбер-експертиза, претставници на академската заедница и претставниците на некои институции во земјата. На средбата се разговараше за потребата од заеднички координиран пристап во борбата со сајбер-нападите и зголемување на сајбер-безбедноста преку споделување експертски знаења и искуства од оваа област.
„Со големо задоволство сакам да ве информирам дека Владата на Република Северна Македонија во ноември минатата година стана 103. членка на глобалниот форум за сајбер-експертиза. GFCE е една од најголемите експертски мрежи во светот, која им помага на владите и на приватниот сектор во градењето силна одбранбена сајбер-инфраструктура и зајакнување на својот капацитет со цел одбрана од сајбер-нападите, кои денска се еден од најголемите закани за безбедноста на демократијата во светот, кои секојдневно им нанесуваат сериозни штети на владите и институциите, но и на приватниот сектор и на граѓаните. Затоа, Владата е вистински посветена на оваа многу важна тема, секојдневно правиме напори да ги засилиме капацитетите на државата во одбраната од сајбер-нападите, со настојување да изградиме силен и одржлив систем, коj ќе ги штити државните ИТ-системи, но ќе ги штити и компаниите и самите граѓани“, потенцира вицепремиерката во своето обраќање.
Амбасадорот на Кралството Холандија во Северна Македонија, Дирк Јан Коп, потенцира дека од клучно значење е сјабер-отпорноста на Северна Македонија, како и соработката со меѓународните партнери како GFCE – глобалниот форум за сајбер-експертиза. Посочи дека состојбите што се случуваат во светот на политичката сцена треба да ги поттикнат земјите од Западен Балкан да ги подигнат мерките за претпазливост од сајбер-нападите.
Воутер Венстра, претставник на Секретаријатот на GFCE, глобалниот форум за сајбер-експертиза, на настанот имаше можност да ја презентира работата на GFCE, темите на кои работат и нивната понуда за соработка со цел избирање на најдобриот модел за идна соработка со оваа мрежа.
На состанокот свое учество имаа и академската заедница во Северна Македонија и институциите што работат на оваа проблематика во нашата земја, со цел нивно вклучување во работата на овој меѓународен форум, споделувајќи ги искуствата и преземањето идни заеднички чекори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
24 Мај – Денот на сесловенските просветители свети Кирил и Методиј е неработен ден за сите граѓани
Министерството за труд и социјална политика соопштува дека во согласност со Законот за празниците на РМ („Службен весник на РМ“ бр. 21/98 и 18/07), 24 мај 2024 година (петок), Св. Кирил и Методиј – Денот на сесловенските просветители – е неработен ден за сите граѓани на Република Северна Македонија.
Министерството за труд и социјална политика на сите граѓани во Република Северна Македонија им го честита празникот Св. Кирил и Методиј – Денот на сесловенските просветители.
Македонија
Мицкоски – Дрекслер: Заложбите на владата на ВМРО-ДПМНЕ се евроинтеграциите, забрзан економски развој и борбата против криминалот и корупцијата
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски оствари средба со амбасадорката на Сојузна Република Германија, Петра Дрекслер.
На средбата претседателот Мицкоски ги презентира заложбите што ВМРО-ДПМНЕ како идна влада ќе ги има, а тоа се евроинтеграциите, забрзан економски развој и борбата против криминалот и корупцијата.
„Потребно е Македонија да се стави на брза лента кон ЕУ, но и засилено да се забрза економскиот развој и да се подобри животниот стандард на граѓаните. Борбата против криминалот и корупцијата се клучни бидејќи Владата на СДС и ДУИ ја деградира државата по сите основи, а најмногу на тоа поле. ВМРО-ДПМНЕ ќе работи за сите граѓани на државата, а не како СДС и ДУИ до сега“, рече Мицкоски.
Македонија
Шверцувале мигранти од Босна и Херцеговина во Хрватска: на цариниците им плаќале по 1.500 евра
По спроведена истрага, УСКОК поднесе обвинение пред судот во Осиек против групата, во која беа вклучени двајца царински службеници, осомничени за шверцување најмалку 47 турски мигранти во најмалку пет наврати и шверцување разновидна комерцијална стока преку граница.
Инспекторите се сомневаат дека првообвинетиот, со засега непознати лица од БиХ, се договорил и за пари организирал континуирано нелегално префрлање поголем број странски државјани од БиХ во Хрватска преку граничните премини во Гуња, Топушка и други места.
За нивниот пикап и превоз преку граница за цена од 1.500 евра од превоз организаторот на групата во договор со еден од осомничените царински службеници го ангажирал четвртопријавениот, кој ги превезувал мигрантите скриени во багажникот на возилото. Потоа ги предал на непознати лица за понатаму да ги вози до договорените дестинации во Хрватска и другите земји од Европската Унија.