Македонија
Грковска до првачињата: Образованието е една од најважните инвестиции во животот

Да бидете љубопитни, да прашувате. Да не се плашите кога нешто не знаете зашто денеска почнува вашата едукација која никогаш нема да заврши. Образованието е една од најважните инвестиции во животот, им порача на првачињата заменичката на претседателот на Владата задолжена за креирање политики за добро владеење, Славица Грковска, која денеска присуствуваше на свечениот прием за првачиња во ОУ „Браќа Рамиз-Хамид“ во скопската општина Шуто Оризари.
Вицепремиерката им посака успешна учебна година на сите ученици изразувајќи уверување дека покрај тоа што ќе стекнат нови знаења и вештини, учениците во училиштето ќе изградат другарства, кои ќе траат во текот на целиот живот.
При посетата на училиштето Грковска беше информирана за целокупниот воспитно-образовен процес што се одвива во училиштето, каде што се негуваат мултикултурните и мултиетничките вредности на нашето општество.
Грковска упати честитки и до наставниот и стручниот кадар во училиштето за нивниот ангажман и придонес од кој најмногу зависи постигнатиот резултат кај учениците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На граничните премини од македонска страна, нема подолги задржувања за влез и излез од државата

Поради завршување со градежните работи на „Санација на мостот преку река Вардар кај Башино село“ на регионален пат Р1312, делница Башино Село-Велес, од 08.07.2025 година се воспоставува нормален режим на сообраќај во двата правци, извести АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја дел од Сопиште и дел од Карпош

Од ЕВН Македонија АД известуваaт дека денеска ( Среда ) без електрична енергија ќе останат:
· во периодот од 08:00 до 12:00 часот, дел од с.Сопиште (на главен пат околу,,Давидоф“).
. во периодот од 12:30 до 14:30 часот, дел од ц.Долни Нерези-Карпош.
Македонија
Сончево со мала до умерена облачност, попладне со услови за повремен дожд

Сончево со мала до умерена облачноста. Во северните делови ќе има услови за повремен локален дожд. Ќе дува умерен до засилен ветер, во западните делови од западен, а долж Повардарието и во источните од северен правец (над 60 km/h). Минималната температура ќе биде во интервал од 11 до 19, а максималната ќе достигне од 29 до 38 степени.
Во Скопје, сончево со мала до умерена облачност. Попладне во делови од котлината ќе има услови за повремен дожд. Ќе дува засилен ветер од северен правец. Минималната температура ќе се спушти до 19, а максималната ќе достигне до 35 степени.
Поради продор на посвежа воздушна маса од север и засилен северен ветер (над 60 km/h) во четврток дневната температура значително ќе опадне (од 8 до 10 степени). Во петок ќе се задржи посвежо време и ќе има услови за изолирана појава на нестабилност со пороен дожд и грмежи. Во деновите потоа ќе преовладува сончево време со мала до умерена облачност, а температура ќе биде во постепен пораст.