Македонија
Груби: ДУИ нема да испорачува никакви фактури, Пендаровски е наш претседател
 
																								
												
												
											Пратеникот на ДУИ, Артан Груби од прес-центарот на Собранието му ја честиташе новата функција на претседателот Стево Пендаровски и рече дека со неговиот избор конечно ќе тргнеме по патот на едно големо помирување со сите политички фактори во државата.
,,По 10 години владеење на Иванов дојде време на позитивни промени, при што сите политички фактори, почнувајќи од владата, општините, сега и претседателот ќе бидат сконцентрирани кон Запад – правецот кој што е вистинскиот за државата”, рече Груби.
Во однос на политичките кредити за кои предупреди Антонијо Милошоски од ВМРО-ДПМНЕ кои ќе треба да ги исплати новиот претседател и СДСМ, Груби рече: ,,Пендаровски е наш кандидат. Неможеме да испорачуваме фактури кон наш кандидат. Единствената фактура којашто ја испорача ДУИ се резултатите на изборите и што успешно ДУИ ги испорачува од 2014 година”.
За отсуството на премиерот Зоран Зоран на инаугурацијата тој рече: ,,Ќе треба да го прашате него зошто така одлучил. Тој имаше видео-изјава, но не сум ја видел, а зошто и како одлучил да не присуствува, ќе треба да го прашате него лично”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Македонија
ВМРО-ДПМНЕ: Им посакуваме на Филипче и СДС уште многу вакви успеси на избори
 
														Филипче направил одличен резултат на овие избори. И бидејќи е добар резултат го повикуваме да го повтори истиот. И сè додека Заев наредува а Филипче исполнува, СДС е на добар пат да ја повторува оваа состојба. Му честитаме. Не можеше подобро, велат од ВМРО-ДПМНЕ.
„И на крај: им посакуваме уште многу вакви успеси кои се за нив очигледно одлични, но за Македонија за жал се тешко потсетување на реалноста која СДС ја носи со себе“, се наведува во реакцијата на прес-конференцијата на лидерот на СДСМ, Венко Филипче.
Македонија
Волонтери од „За почиста Македонија“ утре ќе го чистат Расадник
 
														Утре, 1 ноември, со почеток во 11:00 часот, „За Почиста Македонија“ организира еко-акција во Расадник, Кисела Вода, со цел расчистување на едно од најголемите, но и најзапоставени зеленила во Скопје.
„Локацијата долги години е оставена без грижа и е преплавена со отпад. Со оваа акција, волонтерите на „За Почиста Македонија“ ќе покажат дека кога институциите не реагираат, постојат свесни и одговорни граѓани кои можат да ја преземат иницијативата во свои раце. Преку тимска работа, позитивна енергија и љубов кон природата, ќе се придонесе кон разубавување на просторот и враќање на неговиот природен сјај“, се вели во најавата на еколошкото друштво.
Акцијата е отворена за сите граѓани кои сакаат да помогнат во создавање на почиста и поздрава средина. Организаторите ќе обезбедат целосна опрема за чистење и логистичка поддршка.
Организаторите велат дека она што ги прави овие акции препознатливи е позитивната атмосфера, исполнета со дружба, музика и нови пријателства. По завршувањето на активностите, учесниците традиционално остануваат на неформално дружење со друштвени игри и неформално дружење во исчистениот простор.
Во изминатите години, „За Почиста Македонија“ има реализирано бројни акции низ целата земја, преку кои се испраќа порака дека секој поединец може да направи вистинска промена.
Македонија
Скопјанец ја малтретирал поранешната девојка – ја влечел пред болница и ѝ се заканувал дека ќе го убие брат ѝ
 
														Скопското Обвинителство поведе постапка против 33-годишен скопјанец осомничен за продолжено загрозување на сигурноста на својата поранешна девојка.
Според обвинителството, мажот речиси цел месец, од 5 до 30 октомври, ја прогонувал и ѝ се заканувал на поранешната партнерка, упатувајќи сериозни закани по нејзиниот живот и животот на нејзиното семејство. Тој испраќал писмени и гласовни пораки преку социјални мрежи, полни со навреди и закани, а насилството се засилило откако жената го напуштила неговиот дом поради постојан психички притисок.
Последниот инцидент се случил на 30 октомври пред една клиника во Скопје, каде што оштетената се лекувала. Осомничениот се појавил таму, почнал агресивно да се однесува, да ја тегне за рака и да ја присилува да тргне со него, при што ѝ се заканил дека ќе го убие нејзиниот брат. Од страв и чувство на загрозеност, жената побарала помош.
Поради сериозноста на заканите и повторувањето на делото, јавниот обвинител поднесе предлог до судот за определување мерка притвор за осомничениот.


 
									 
																	 
									 
																	 
									 
																	 
									 
																	 
									 
																	 
									 
																	 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											