Македонија
Груби за Касами и Ганиу: Се обидоа да го злоупотребат Курти, пројдено е времето на провиден патриотизам

Вицепермиерот Артан Груби смета дека градоначалниците на Тетово Билал Касами, и на Чаир, Висар Ганиу, продавале фолклоризам и провиден патриотизам на настаните каде не го истакнаа македонското знаме и не се интонираше македонската химна. Според Груби, Касами и Ганиу се обиделе да го злоупотребат косовскиот премиер Албин Курти.
„Посетата на Курти е добредојдена. Тој често доаѓа често. Ова е беа локални настани на две општини. Пројдено е времето на фолклоризмот и граѓаните ценат работи, проекти, реализација, а не фолклоризам и провиден патриотизам кој беше промовиран од тие кои го поканија Курти и се обидоа да го злоупотребат за партиска дневна агенда. Очигледно не добија. Се виде дека името на улицата не е сменето од Општината туку од Градот Скопје и Владата. И патот Скопје-Призрен не може тие да го прават туку Владата на РСМ со Владата на Косово“, рече Груби.
По ова тој додаде: „Треба да ги почитуваме знамето, химната и законските обврски кои ги имаме. Тој театар кој се приредува е непотребен. Тоа го бараа во недостиг на проекти и иден“.
Настанот се одржа во петокот. Беше веено и знаме на т.н. „голема Албанија“. Градоначалниците добија прекршочни пријави. По вејачот на знамето се трага. Касами пак, го пречека Курти со песна „Добредојде во Албанија“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја делови од скопски Карпош и Ѓорче Петров

Регионалниот центар за управување со кризи на Град Скопје, по добиеното известување од ЕВН Македонија АД, соопшти дека дека поради технички зафати во електродистрибутивната мрежа денеска (петок ), без електрична енергија ќе останат:
· од 09:00 до 11:30 часот, корисниците од дел од улица Алжирска. (Општина Карпош)
· од 11:00 до 14:00 часот, дел корисниците од Новоселски Пат во околината на ОУ Тихомир Милошевски. (Општина Ѓорче Петров).
Македонија
Прекинато водоснабдување во дел од Гази Баба

Од ЈП Водовод и Канализација известуваат дека денеска ( петок ) поради водоводен приклучок од Ф -80мм на ул.30 Трубарево, прекинато водоснабдување ќе има за корисниците од нас.Трубарево од 09:00 часот до завршување на приклучокот (општина Гази Баба)
Македонија
Сончево и многу топло со температура до 40 степени, попладне краткотрајно невреме

Времето денеска, сончево и многу топло со мала до умерена локална облачност. Попладне и во вечерните часови наместа ќе има појава на нестабилност со пороен дожд и грмежи, локално во форма на невреме со интензивен пороен дожд, силен ветер, грмежи и појава на град.
Минималната температура ќе биде во интервал од 12 до 22, а максималната ќе достигне од 32 до 40 степени.
Во Скопје, сончево и многу топло со слаб ветер од северен правец. Попладне и во вечерните часови во делови од котлината ќе биде нестабилно со пороен дожд, грмежи и засилен ветер, краткотрајно во форма на невреме. Минималната температура ќе се спушти до 22, а максималната ќе достигне до 39 степени.
Во деновите од викендот ќе дува умерен до засилен северен ветер кој ќе предизвика опаѓање на дневните температури за 5-7 степени во споредба со денешните. Од понеделник дневните температури повторно ќе бидат во постепен пораст.